Pontey

Pontey
	Pontey (Italien) Pontey
	; Panorama di Pontey.Panorama di Pontey.
	; Lag vu dr Gmai Pontey im AugschtdalLag vu dr Gmai Pontey im Augschtdal
Staat:	Italie
Region:	Aostatal
Koordinate:	45° 44′ N, 7° 35′ OKoordinate: 45° 44′ 0″ N, 7° 35′ 0″ O
Hechi:	523 m s.l.m.
Yywohner:	795 (31. Dez. 2022)
ISTAT-Nummer:	007051

Pontey (frankoprov. Pounté) isch e Gmai in dr autonome Provinz Augschtdal z Italie.

Pontey ghert zue dr Gmainschaft Unité de communes Mont-Cervin.

Geografi

Pontey lyt im Augschtdal uf dr rächte Syte vu dr Dora Baltea, churz vor em Boge vu Saint-Vincent.

Zue dr Gmai ghere d Wyyler Clapey, Cloutraz, Crétaz, Épinay, Labovaye, Lassolaz (chef-lieu), Lézin, Prélaz, Prolex, Semon, Torin, Tzésanouva, Valérod. Nochbergmaine sin Chambave, Champdepraz, Châtillon un Saint-Denis

Gschicht

Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Pontey dr italienisiert Name Pontesano drait. Noch em Zweede Wältchrieg het s Augschtdal anne 1948 e autonome Sonderstatus griegt.

Bevelkerig

Johr	1861	1871	1881	1901	1911	1921	1931
Yywohner	479	520	546	492	461	484	520
Johr	1936	1951	1961	1971	1981	1991	2001
Yywohner	446	493	475	498	479	588	708

Politik

Dr Burgermaischter vu Pontey isch dr Rudy Tillier.

Sproch und Dialäkt

Dr frankoprovenzalisch Dialäkt vu Pontey ghert zum Valdostanisch (Valdôtèn).

Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Pontey sin 81 Froogebeege wider retuurchuu^[2].

Froog 0301: Was isch Ihri Muetersprooch?
Italienisch	Patois	anderi	kai Andwoord	Total
63 (77,8 %)	13 (16,1 %)	2 (2,5 %)	3 (3,7 %)	81

Froog 1403a: Wie guet verstehn si Frankoprovenzalisch (Patois)?
guet	mittelguet	e weng	gar nit	kai Andwoord	Total
43 (53,1 %)	11 (13,6 %)	2 (2,5 %)	24 (29,6 %)	1 (1,2 %)	81
Froog 1403b: Wie guet chenne si Frankoprovenzalisch (Patois) schwätze?
guet	mittelguet	e weng	gar nit	kai Andwoord	Total
38 (46,9 %)	8 (9,9 %)	5 (6,2 %)	28 (34,6 %)	2 (2,5 %)	81

Weblink

Commons: Pontey – Sammlig vo Multimediadateie

http://www.comune.pontey.ao.it/

Fueßnote

↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
↑ Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.

[1] Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.

[2] Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.

[1]

[2]