Rottenburg am Neckar

Basisdata
Bundesland:	Bade-Wirttebärg
Regierongsbezirk:	Dibenga
Landkroes:	Dibenga
Heh:	349 m i. NHN
Fläch:	142,3 km²
Eiwohner:	44.653 (31. Dez. 2022)
Bevelkerongsdicht:	314 Eiwohner je km²
Boschtloetzahl:	72108
Vorwahlen:	07472, 07478, 07457, 07073
Kfz-Kennzoeche:	TÜ
Gmoedsschlissel:	08 4 16 036
Stadtgliderong:	Kernstadd ond 17 Stadtteil
Adress vo dr; Stadtverwaltong:	Marktplatz 18; 72108 Rottenburg am Neckar
Webpräsenz:	www.rottenburg.de
Oberbirgermoeschter:	Stephan Neher (CDU)
Lag vo de Stadt Rottenburg am Neckar em Landkroes Dibenga
	Karte

Raodaburg (dt. Rottenburg am Neckar, bis 10. Juni 1964 nao Rottenburg) isch a Mittelschdadd em Landkreis Dibenga en Bade-Wirttaberg. Se leid rond 50 Kilometer siadweschdlich von dr Landeshauptstadt Schduagert ond ogfähr zwelf Kilomeder siadweschdlich vo dr Kreisschdadd Dibenga. Noch Dibenga isch se de zwôedgreschde Stadt vom Landkreis Dibenga ond bildet a Middelzentrom fir-s Omland.

D Schdadd isch Sitz vom katholischa Bischtom Raodeburg-Schduagert ond a alte Remer.

Seid-em 1. Mai 1972 isch Raodaburg Graose Kreisschdadd. Mit dr Gmeinde Hirlenge, Neischdedda ond Schdarzach hot d Schdadd Raodaburg a Verwaltungsgemeinschaft vereibart.

Geografii

D Schdadd Raodaburg leid am Ibergang vom Negger aus-m enga Daal vom Obera Gai en am weida Daal zwischa-m Scheebuach em Norda ond em Rammert em Siada. Dr Negger kommd vo Horb ond Schdarzach aus-em Siadweschda en-s Schdaddgebiet beim Schdadddôel Bierenga, wo er zerschda durchgôht. Danôch fliaßd-er en nordeschdlicher Richtong vorbei am Schdadddôel Obernao, durch Bad Nidernao ond kommd dann en-d Kernschdadd. Durch dui fliaßd-er weider noch Nordoschda. Am lenga Ufer leid d Aldschdadd. Dr Schdadddôel rechts vom Negger isch d ehemalige Siedlong Ehgnã. Dr Negger fliaßd ãschliaßend nerdlich am Schdadddôel Kiebenga aus-m Schdaddgebiet naus en Richtong Dibenga. Durch-s Schdaddgebiet fliaßd-er uf ra Lenge vo 14,5 km.

Nochbergmeinda

Die Schdädd un Gmeinda grenzed an d Schdadd Raodaburg (em Uhrzaigersinn vo Norda aus): Ãmmerbuch, Dibenga, Dusslenga, Ofderdenga, Bodlshausa, Hirlenga, Schdarzach (älle Landkreis Dibenga), Eidenge im Gai (Landkreis Freidaschdadd), Nagold (Landkreis Calw), Neischdedda (Landchreis Dibenga), Metzenge, Bõõdorf ond Gaifelde (älle Landkreis Beblenga).

Stadtgliderig

S Schdaddgebiet vo Raodaburg bstoht aus dr Kernschdadd ond de Schdadddôel, wo em Rãhma vo dr Gmeindereform vo de 1970er Jôhr eigliaderd wore sen.

Schdadddôel	Eiwohner (Juli 2018)	Fläch (in ha)	Eigmeindong
Raodaburg (Kernstadt)	17.764	4006
Bad Nidernao	524	410	1971-12-01 1. Dez. 1971
Baesenga	1.266	720	1972-12-01 1. Dez. 1972
Bierenga	667	686	1972-12-01 1. Dez. 1972
Dettenga	1.732	962	1975-01-01 1. Jan. 1975
Eckeweiler	561	198	1971-12-01 1. Dez. 1971
Ergazenga	4.315	1004	1972-12-01 1. Dez. 1972
Frommehausa	482	362	1972-01-01 1. Jan. 1972
Hemmedorf	842	657	1972-01-01 1. Jan. 1972
Hoalfenga	1.677	751	1972-01-01 1. Jan. 1972
Kiebenga	2.088	518	1971-12-01 1. Dez. 1971
Obernao	508	378	1972-01-01 1. Jan. 1972
Oberndorf	1.492	614	1974-04-01 1. Apr. 1974
Saebronn	1.705	811	1972-01-01 1. Jan. 1972
Schwalldorf	772	581	1972-01-01 1. Jan. 1972
Weiler	1.065	384	1971-12-01 1. Dez. 1971
Wendleza	1.639	470	1972-02-01 1. Feb. 1972
Wurmlenga	2.600	714	1971-12-01 1. Dez. 1971

D eigmeindete ehemolige Gmeinda sen heit Ortschafta nôch dr bade-wirttebärgischa Gmeindeordnong mit mã Ortschaftsrôd, wo vo dr Bevelkerong bei jedrã Kommunalwahl nei gwählt wird, mit mã Ortsvorsteher als Vorsitz.

En dr Kernschdadd werret zom Dôel Wohngebiete mit ôegene Nãma onderschieda, oftmôls neie Baugebiete, wo aber meischtens koi feschte Grenz hen. Doderzue gheret zom Beischpiel Kreizerfeld, Burgäcker/Aible ond Lindele.

Außerdem gheret zo dr Kernschdadd au no a baar Wohnplätz mit ôegene Nãma, wo aber bloß a baar Eiwohner hen, z. B. Dirrbachhef, Eratskirch, Hammerwasa, Heiberger Hof, Kalkweil, Oberwerthaus, Papier- oder Bronnmihle, Schadaweiler Hof ond Weggadaal. Au en a baar Schdadddôel geits abdrennde kloine Wohnplätz, z. B. z Baesenge (Bihlhof, Fichtehof ond Jungholzhof), z Bierenge (Hennadaal) ond z Weiler (Katzabacher Ziegelhütte).

Raumblanong

Raodaburg bildet a Mittelzentrom en dr Region Neckar-Alb. Zum Mittelbereich Raodaburg gheret neba dr Stadt Raodeburg no d Gmeinda Hirlenga, Neischdedda ond Schdarzach.

Wahla

Ergäbnis vo de Landdagswahla seid 2006:^[2]

Johr	CDU	SPD	FDP	Greane	Lenke¹	AfD	Sonschtiche
2016	32,6 %	10 %	5,6 %	30,2 %	3,6 %	13,7 %	4,3 %
2011	41,1 %	20,2 %	5,2 %	24,2 %	3,1 %		6,2 %
2006	52,7 %	16,6 %	7,7 %	14,6 %	3,6 %		4,9 %

¹ 2006: WASG, seid 2011: Die Linke

Lyt

Josef Eberle (1901–1986), schwebische Dichter (Pseudonym Sebastian Blau)
Ottilie Wildermuth (1817–1877), dytschi Schriftstelleri

Literatur

Erich Keyser (Hrsg.): Württembergisches Städtebuch. Band IV. Teilband Baden-Württemberg. Band 2 aus Deutsches Städtebuch. Handbuch städtischer Geschichte. Im Auftrage der Arbeitsgemeinschaft der historischen Kommissionen und mit Unterstützung des Deutschen Städtetages, des Deutschen Städtebundes und des Deutschen Gemeindetages. Kohlhammer, Stuttgart 1962.
Dieter Manz: Rottenburger Miniaturen. Band 4: Aus den Veranstaltungskalendern 1999–2003. Geiger-Verlag Horb 2004, ISBN 3-89570-922-0.
Dieter Manz: Rottenburg, Stadt am Neckar. Fotos von Norbert Krüger. Metz, Wannweil 1998

Weblink

Commons: Rottenburg am Neckar – Sammlig vo Multimediadateie

Fueßnote

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

Dä Artikel basiert uff ere fräie Übersetzig vu dere Version vum Artikel „Rottenburg_am_Neckar“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).

[2] Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

[1]

[2]