Sepp Blatter

Sepp Blatter (2015)

Dr Josef «Sepp» Blatter (är nännt si sälber Joseph S. Blatter;[1] * 10. Merz 1936 z Vischp as Josef Blatter;[2] haimetbrächtigt z Obergoms, friener Üerliche) isch e Schwyzer Fueßballfunktionär un vu 1998 bis 2016 residänt vum Wältfueßballverband FIFA gsii.[3] Ab em 8. Oktober 2015 isch dr Blatter vu allne Funktione suschpendiert gsii und am 21. Dezämber 2015 het en d FIFA für acht Joor gspeert. E Beruefigsgricht vu dr FIFA het d Speeri am 24. Februar 2016 uf sechs Johr verchirzt

Läbe

[ändere | Quälltäxt bearbeite]

Uusbildig

[ändere | Quälltäxt bearbeite]

Dr Blatter isch z Vischp uf d Primarschuel gange un uf d Sekundarschuel un s Gymnasium z Sittu un z Saint-Maurice. Derno het er an dr HEC Lausanne Volkswirtschaftslehr studiert un het 1958 mit em Diplom abgschlosse.[4] Dr Blatter isch Alte Herr vu dr Schwyzerische Studänteverbidnig Helvetia, wun er uf dr Vulgo Mi-temps (alem. Halbzyt) daift woren isch.

Dr Blatter isch dreimol ghyrote gsi un het e großi Dochter us dr erschte Eh.

Fueßballkarriere, Funktionär

[ändere | Quälltäxt bearbeite]

Dr Blatter het vu 1948 bis 1971 aktiv Fueßball gspiilt, au in dr hegschte schwyzerische Amateurliga. Vu 1959 bis 1964 isch er Sekretär vum Walliser Verchehrsverband gsii, vu 1964 bis 1966 Zentralsekretär vum Schwyzerische Yyshockeyverband un vu 1966 bis 1968 Prässeschef vu dr Dachorganisation vu dr Schwyzer Sportverbänd. Anne 1968 isch er in d Privatwirtschaft gangen un het bis 1975 as Diräkter fir Effetligkaitsarbet vum Schwyzer Uhrehärsteller Longines gschafft. Vu 1970 bis 1975 isch er im Vorstand vum Fueßballverain Neuchâtel Xamax gsii.[4]

FIFA

[ändere | Quälltäxt bearbeite]
dr Sepp Blatter, domols no Generalsekretär vu dr FIFA, un dr domolig Bresidänt João Havelange an dr Wältmaischterschaft 1982

Im Summer 1975 isch dr Blatter uf Initiativ vum spetere Adidas-Vorstandsvorsitzer Horst Dassler Diräkter fir Entwickligsprogramm bi dr FIFA wore. Als FIFA-Direktor het er sy Biro e baar Johr lang in dr franzesische Niderlossig vu Adidas ghaa un isch au zytwys vu Adidas zahlt wore.[5] Vu 1981 bis 1998 het er as Generalsekretär vu dr FIFA gschafft. Anne 1990 isch er derzue au Exekutivdiräktor wore. Am 8. Juni 1998 isch er as Noofolger vum João Havelange zum achte Bresidänt vu dr FIFA gwehlt wore. Är het si geg dr UEFA-Bresidänt Lennart Johansson mit 111 zue 80 Stimme duregsetzt.[6] Bi syre Widerwahl 2002 het er si mit 139 zue 56 Stimmen geg Issa Hayatou duregsetzt.[7]

Syter anne 1999 isch dr Blatter au Mitglid im Internationale Olympische Komitee.

Uf em 57. FIFA-Kongräss 2007 z Züri isch dr Blatter per Akklamation bis 2011 in sym Amt bstetigt wore.[8] Am 1. Juni 2011 isch er uf em 61. FIFA-Kongräss mit 186 vu 203 Stimme fir e vierti Amtszyt bis 2015 als FIFA-Bresidänt widergwehlt wore. Sy Gegekandidat Mohamed bin Hammam het sy Kandidatur am 29. Mai 2011 zruggzoge.[9]

Am 29. Mai 2015 isch dr 79-jehrig Blatter drotz massive Vorwirf gege d FIFA wäge Korruption im Zämmehang mit dr Vergab vu dr letschte un chimftige Wältmaischterschafte nomol fir e Amtsperiod as Bresidänt bstetigt wore. Sy Gegekandidat het sy Kandidatur noch em erschte Wahlgang zruggzoge.[10] Churz no syre Widerwahl, am 2. Juni 2015, het er sy Ruggdritt as FIFA-Bresidänt bekannt gee. Bis zue dr Wahl vun eme Noofolger blybt er im Amt.[11] Am 8. Oktober isch dr Blatter zämme mit em Michel Platini vu dr FIFA-Ethikkommission fir 90 Däg vu allne Funktione suschpendiert wore.

Am 26. Februar 2016 isch dr Gianni Infantino zue sym Noofolger as FIFA-Bresidänt gwehlt wore.

Literatur

[ändere | Quälltäxt bearbeite]
  • David A. Yallop: Wie das Spiel verlorenging: Die korrupten Geschäfte zwischen FIFA und Medien. Econ, 1998, ISBN 3-430-19875-5.
  • Thomas Kistner, Jens Weinreich: Das Milliardenspiel. Fußball, Geld und Medien. S. Fischer, Frankfurt am Main 1998, ISBN 3-596-13810-8.
  • Andrew Jennings: FOUL! The Secret World of FIFA: Bribes, Vote-Rigging and Ticket Scandals. Harper Collins, 2006, ISBN 0-00-720811-1.
  • Thomas Kistner: FIFA-Mafia: Die schmutzigen Geschäfte mit dem Weltfußball. Droemer, München 2012, ISBN 978-3-426-27586-3.
  • Joseph Blatter, Munzinger Sport, im Munzinger-Archiv (Artikelaafang frei abruefbar)
  • Joseph Blatter, Internationales Biographisches Archiv 01/2014 vom 31. Dezember 2013, im Munzinger-Archiv (Artikelaafang frei abruefbar)

Film

[ändere | Quälltäxt bearbeite]
  • 2010: König Fussball, Kaiser Sepp, SRF-Dokumentation (50 min., zum erschte Mol 25. November 2010 uf SRF 1)
  • 2014: United Passions – La Légende du Football
  • 2015: Der verkaufte Fußball – Sepp Blatter und die Macht der FIFA, WDR-Dokumentation (45 min., zum erschte Mol 4. Mai 2015 uf Das Erste)
[ändere | Quälltäxt bearbeite]
 Commons: Sepp Blatter – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Iber dr Presidänt, Website vu dr FIFA, abgruefen am 29. Septämber 2014
  2. ↑ Zum 75. Geburtstag von Sepp Blatter: Top Ten und Bilderstrecke (Memento vom 28. Mai 2015 im Internet Archive), 11freunde.de
  3. ↑ Fédération Internationale de Football Association (FIFA) (Site cha nüme abgrüeft wärde; Suche im Webarchiv)[1] [2] Vorlage:Toter Link/zh.powernet.ch, Internet-Uuszug, Handelsregischter vum Kanton Züri, abgruefen am 29. Septämber 2014
  4. ↑ 4,0 4,1 Joseph Blatter. munzinger.de
  5. ↑ Hochspannung in der Fifa-Zentrale. fr-online.de, 16. Juli 2012, abgruefen am 11. Mai 2015.
  6. ↑ Vincent Pellegrini, Alain Cottagnoud: Les anneaux déchus: le complot de Séoul. S. 19 [3]
  7. ↑ 139 zu 56 Stimmen für den Angeklagten. ksta.de, 29. Mai 2002
  8. ↑ Blatter als Fifa-Boss wiedergewählt. In: www.nzz.ch. 31. Mai 2007, archiviert vom Original am 26. Juni 2008; abgruefen am 8. Januar 2009.
  9. ↑ Bin Hammam gibt Kampf um Fifa-Vorsitz auf. zeit.de, 29. Mai 2011
  10. ↑ Sepp Blatter bleibt Fifa-Präsident. zeit.de, 29. Mai 2015
  11. ↑ Fifa-Boss Blatter tritt zurück. spiegel.de, 2. Juni 2015.
Dä Artikel basiert uff ere fräie Übersetzig vu dere Version vum Artikel „Sepp_Blatter“ vu de dütsche Wikipedia. E Liste vu de Autore un Versione isch do z finde.