Staffelbach AG

Staffubach
Wappe vo Staffubach
Wappe vo Staffubach
Basisdate
Staat: Schwiiz
Kanton: Aargau (AG)
Bezirk: Zofingenw
BFS-Nr.: 4284i1f3f4
Poschtleitzahl: 5053
Koordinate: 645672 / 237155Koordinate: 47° 17′ 1″ N, 8° 2′ 32″ O; CH1903: 645672 / 237155
Höchi: 484 m ü. M.
Flächi: 8.94 km²
Iiwohner: 1342 (31. Dezämber 2022)[1]
Website: www.staffelbach.ch
Charte
Charte vo StaffubachBaselbietBaselbietKanton BärnKanton LozärnKanton SoledurnBezirk AarauBezirk BruggBezirk LenzburgBezirk KulmAarburgBottewilBrittnauKirchleerauKöllikeMoosleerauMurgethalOftrigeReitnouRothristSafewilStaffelbach AGStrengelbachUerkheimVoremwaudWilibergZofige
Charte vo Staffubach
ww

Staffubach (amtlich Staffelbach) isch e Gmeind im Bezirk Zofige im Kanton Aargau.

Geografy

[ändere | Quälltäxt bearbeite]

S Dorf lyt im Suuretaal. Es isch näben ere grosse Moräne vom Rüüssgletscher, wo dä i dr letschte Yschzyt ufghüüft het. Dä Moränehügel isch 500 Meter breit und fasch 50 Meter höch. D Suure louft dur ne schmali Lücke i dr Moräne, und a dere Stell lyt di alti Müli vo Staffubach. Im Taalbode hets am Stolterain e grossi Chiisgrueb, wo ane 1962 ufftoo worden isch, vo dr Firma Fischer Chiis und Beton.[2] I dere het me ane 2015 en riisige Findling gfunde, wo 124 Donne schwär isch. Dr Gletscher het dä öpe vor 26000 Joor us de Alpe do abe brocht. Dr Kanton Aargau het en 2016 vom Poly z Züri lo undersueche, und wil d Expärtyse seit, dr Steiblock sig wüsseschaftlech seer wärtvoll, het er ne us dr Gruebe inere spektakuläre Akzioon am 13. Oktober 2016 lo usehole und bim Dorf als geoloogischs Monumänt lo histelle.[3][4][5]

Ufem Böhl sind Steibrüüch, wo me früener Sandstei abbout het. Das Boumaterial vo Staffubach isch wytume bruucht worde. Dr Verein Sandstäimuseum Staffubach wott d Gschicht vo dere Technik dokumäntiere und defür im ene alte Taglöönerhuus, wo als Boudänkmol sell erhalte wärde, es Technikmuseum yrichte und derzue ane en Wanderwääg zu de Sandsteihöölene zwägmache.[6]

Zu dr Gmeind Staffubach ghört s Dorf Wittwyl, wo 1 Kilometer wyter im Norden isch. Vo Wittwyl goot e Strooss dur nes Kwertaal is Üerketaal uf Bottewyl. Im Üerketaal ghört au dr Staffubacher Saddelhof.

D Nochbergmeinde vo Staffubach sind Schöftland, Schlossrued, Chilcherb, Moslerb, Reitnau, Wiliberg, Bottewyl und Üerke.

Gschicht

[ändere | Quälltäxt bearbeite]

S Dorf isch ane 1220 s erschte Mol in ere gschichtleche Kwelle erwäänt. D Müüli a dr suure isch scho im Middelalter gstande.

Literatur

[ändere | Quälltäxt bearbeite]
[ändere | Quälltäxt bearbeite]

Fuessnoote

[ändere | Quälltäxt bearbeite]
  1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
  2. ↑ http://www.fischer-kies.ch/
  3. ↑ 124 Tonnen schwer und und 164 Millionen Jahre alt. Spezialisten hieven Findling aus Kiesgrube uf aargauerzeitung.ch
  4. ↑ Besichtigung und Abtransport eines erhaltenswerten Findlings in der Kiesgrube in Staffelbach uf ag.ch
  5. ↑ Grosser Findling in der Kiesgrube Stoltenrain in Staffelbach gefunden. Mit Schwertransport: Erhaltenswerter Findling erhält neuen Standort uf ag.ch
  6. ↑ http://www.sandsteinmuseum.ch/#projekt