Stehpaddeln

Staabrättfaarer i de Nöchi vo Malmö z Schwede.

Staapaddle isch e Wassersportart. De Sportler staat ufrächt uf me Staabrätt won uf em Wasser schwümmt und paddlet mit eme Stächpaddel.

Gschicht

[ändere | Quälltäxt bearbeite]
En Staabrättfaarer uf eme Staabrätt vor enere Wälle z Hawaii

Vo wo s Staapaddle gnau chunt isch nöd ganz sicher. Z Polynesie tüend Fischer vor Tahiti eso i irne Kanus staa und durs Meer faare.[1] Z Asie gits Ei-Maa-Bambusflöß, wo ständlige mit Paddel oder mit Stachel fürschi gstosse wärded. Drittens händ im 20. Jahrhundert Surflehrer z Hawaii Stächpaddel prucht, zum schnäller mit irne Wällebrätter vom Ufer zu de Riff z cho.

Z Europa isch Staapaddle öppe sit 2010 e eigeti Wassersportart und Freizitbeschäftigung.[2]

Quälle

[ändere | Quälltäxt bearbeite]
  1. ↑ Andreas Lesti: „Stand-up-Paddling“: Die stehen da drauf. In: FAZ.NET. 28. August 2011, archiviert vom Original; abgruefen am 6. August 2020.
  2. ↑ Robby Naish Interview. In: StandUpMagazin.com, 3. Juni 2011.