A Meca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.


A Meca
مكة المكرمة
Localidat d'Arabia Saudita
Anvista d'A Meca en 1910
Anvista d'A Meca en 1910.
Estau
 • Provincia 		 Arabia Saudita
A Meca (capital)
Superficie 26 km²
Población
 • Total
1675368 hab. (2010)
Altaria
 • Meyana
277 m.
Chentilicio Mequí
Coordenadas
21°25’21’’N39°49’34’’E
A Meca ubicada en Arabia Saudita
A Meca
A Meca
A Meca en Arabia Saudita
Web oficial

A Meca (en arabe Makka (مكة المكرمة, Makka al-Mukkarama) ye una ciudat d'Arabia Saudita situata a l'ueste d'a peninsula arabica, en a rechión d'Hichaz, una d'as mas importants d'ista peninsula. Ye a capital d'a provincia d'A Meca. D'antis mas yera dita Makoraba.

A suya población yera de 1.294.168 habitants en 2004 en una superficie de 26 km², con una densidat de población de 49.775,69 hab/km².

En ista ciudat naixió Mahoma y ye a mas important ciudat santa d'o Islam, estando o cinqueno pilar d'o islam o Hach u pelegrinación ta la Meca.

Historia

[editar | modificar o codigo]

A primera vegata que A Meca ye mencionata ye con o nombre de Makoraba en o sieglo II, en un texto de Claudio Ptolomeu.

A Meca yera una ciudat santa antis de Mahoma, y o suyo lugar mes important yera Al-Kaaba.

Cheografía

[editar | modificar o codigo]

A Meca ye situata a 277 metros d'altaria sobre o livel d'a mar, a una distancia de 80 km d'a Mar Roya.

Toponimia

[editar | modificar o codigo]

En os textos medievals aragoneses se gosa escribir Mecha (o digrafo ch n'estos casos representa o fonema /k/ u o fonema velar que a ortografia actual se representa por h) u Meca sin articlo:

Al tiempo que los godos passoron mar estonz se mouie Mahomath de Meca e fo predicant en Arabia e conuertie grant gent en so lei. Era dc.LX.II.[1]
Et en tiempo de aquesti començó a predicar Mahomat la suya maluada secta en la tierra de Mecha, et en otras tierras de allende el mar, que agora son de moros.[2]
Item la Cibdat de mecha / que los payanos claman Jatrib en do machomet jaze / Et assi enlos grandes desiertos de arabia ailli jaze el cuerpo deill muy honnorablement en vn templo que los moros llaman musket[3]

O chentilicio s'escribiba mechi, ye dicir, "mequí".

Economía

[editar | modificar o codigo]
A Kaaba.

A economía d'ista ciudat ye muit dependient d'a pelegrinación de purificación dita Hach. A ciudat ingresa mes de 100 millons de dolars cada anyo.[4]

Puestos d'intrés

[editar | modificar o codigo]

En A Meca estan as Torres Abraj Al Baita que ye l'edificio mas grande d'Arabia Saudita, a cuarta estructura con mas altaria d'o mundo dimpués d'a Shanghai Tower, a Tokyo Skytree y el Burj Khalifa y l'estructura mas grande d'o mundo seguntes o suyo tamanyo por masa. Mugant a las torres ye a Mesquita Al-Haram a on orientan o suyo rezo os musulmans de tot o mundo, en o suyo interior ye a Kaaba.

Bibliografía

[editar | modificar o codigo]
  • James Morris, The Hashemite Kings, Nueva York, 1959.
  • F. Wüstenfeld, Die Chroniken der Stad Mekka, Gottinga, 1857-1861.

Referencias

[editar | modificar o codigo]
  1. ↑ Liber Regum
  2. ↑ Cronica de Sant Chuan d'a Penya
  3. ↑ Libro d'as Marabillas d'o Mundo
  4. ↑ Mecca. World Book Encyclopedia. 2003 edition. Volume M. P.353

Veyer tamién

[editar | modificar o codigo]

Vinclos externos

[editar | modificar o codigo]