Abantbrazo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'abantbrazo (pron. arag. chen. /abambraθo/, ben. /abambraso/) ye una d'as cuatre porcions en que se divide o miembro superior. L'abantbrazo se troba limitato por a suya cara superior con o brazo por meyo d'o codo y por a suya cara inferior con a man a traviés de l'articulación d'o maniquiello.
Uesos
[editar | modificar o codigo]O escleto osio de l'abantbrazo ye composato por dos uesos luengos: o radio (ueso externo) y o cubito (ueso interno).
O radio s'articula con o ueso d'o brazo, l'humero, y con o propio cubito, y con os uesos d'o carpo escafoide y semilunar. O cubito s'articula nomás con o ueso d'o brazo, l'humero, y con o radio.
Ye formato por l'articulación radiocubital que pende en a unión, por a zona superior y inferior, d'o cubito y o radio. Entre éls existe un espacio recubierto por fibrocartilago muit resistent (sincondrosis). Ista articulación ye a que permite os movimientos de pronación y supinación, a on o radio chira arredol d'o cubito.
Musclos
[editar | modificar o codigo]A rechión muscular de l'abantbrazo ye composata por vente musclos, y se divide en tres rechions musculars:
- Rechión anterior.
- Rechión posteroexterna.
- Rechión posterior.
Rechión anterior
[editar | modificar o codigo]Contiene cuatre plans musculars con ueito musclos, que son, d'o mas superficial enta o mas fundo:
Primer plan: En sentito lateromedial:
- pronador redondo,
- palmar mayor, u flexor radial d'o carpo
- palmar menor, u palmar luengo
- cubital anterior, u flexor cubital d'o carp
Segundo plan:
- Se troba o flexor común superficial d'os didos, que contiene cuatre fasciclos.
Tercer plan:
- flexor común fundo d'os didos, composato por cuatre fasciclos;
- flexor luengo d'o pulgar.
Cuatreno plan:
Rechión posteroexterna
[editar | modificar o codigo]Contiene cuatre musclos que son, d'o mas superficial enta o mas fundo:
- supinador luengo, u braquioradial,
- extensor radial luengo d'o carpo,
- extensor radial curto d'o carpo,
- supinador curto.
Rechión posterior de l'abantbrazo
[editar | modificar o codigo]Contiene dos plans musculars con un total de ueito musclos.
- Plan superficial
Contien tres musclos. Descritos en sentito lateromedial:
- extensor común d'os didos, dividito en tres fasciclos;
- extensor propio d'o dito chicot;
- cubital posterior.
- Plan fundo
Contien cinco musclos. Descritso en sentito lateromedial y anteroposterior:
- extensor curto d'o pulgar,
- abductor luengo d'o pulgar,
- extensor luengo d'o pulgar,
- extensor propio d'o index.
En a parti mas superior de l'abantbrazo se troba o chicot musclo anconal.
Vinclos externos
[editar | modificar o codigo]
Se veigan as imáchens de Commons sobre l'abantbrazo.
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||
