Adam Frank

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Adam Frank
Información personal
Calendata de naixencia	1 d'agosto de 1962
Puesto de naixencia	Belleville (Nueva Jersey, Estaus Unius)
Ocupación	Escritor, astronomo y fisico
Pachina web	Pachina web

Adam Frank (naixiu l'1 d'agosto de 1962 de Belleville, Nueva Jersey) ye un fisico, astronomo y escritor estausunidense. O suyo campo d'investigación se centra prencipalment en a astrofisica computacional, metendo ficacio en a formación d'as estrelas y as zagueras etapas d'a evolución estelar. As suyas obras de divulgación se centran en temas cientificos dende un punto d'anvista cultural como a ciencia y a relichión u o papel d'a tecnolochía en a experiencia d'o ser humán con o tiempo. Ye co-fundador d'o blog 13.7 Cosmos and Culture d'a Radio Publica Nacional (NPR)^[1]

Biografía

Frank naixió de Belleville, Nueva Jersey l'1 d'agosto de 1962. Estudió en a Universidat de Colorado fendo a tesis doctoral en a Universidat de Washington. Estió titular d'un puesto post-doctoral en a Universidat de Leiden en os Países Baixos y en a Universidat de Minnesota. En 1995 Frank recibió a beca Hubble y en 1996 prencipió a treballar en a Universidat de Rochester, en Rochester, Nueva York, a on ye actualment profesor d'astrofisica.

As investigacions de Frank se centran en a dinamica de fluidos astrofisica. O suyo grupo d'investigación ye desenvolicando o codigo AstroBEAR (Adaptive Mesh Refinement) que se fa servir en a simulación de fluxos en a dinamica de fluidos magneticos en contextos astrofisicos.^[2] Entre os prochectos en que s'emplega l'AstroBEAR incluindo o estudio de surtidors en protoestrelas asinas como a evolución de nebulosas planetarias en rematar a vida d'una estrela de tipo solar.

Publicacions populars

O primer libro publicau por Frank estió The Constant Fire. Beyond the Science vs. Religion Debate. Publicau en 2009 miraba de definir diferents perspectivas en a discusión entre ciencia y relichión. O segundo libro de Frank, publicau en agüerro de 2011, estió About Time: Cosmology and Culture at the Twilight of the Big Bang que explora a relación entre o cambeo d'ideyas en a cosmolochía y a ideya cultural d'o tiempo. En 2010 Frank estió co-fundador d'o blog "13.7 Cosmos and Culture" d'a Radio Nacional Publica chunto a Marcelo Glaser. Amás Frank tamién ha escrito articlos ta reconoixidas publicacions como a revista DISCOVER.^[3].

Bibliografía

• The Constant Fire. Beyond the Science vs Religion Debate, University of California Press (10 de chinero de 2009), ISBN 978-0-520-26586-8
• "The End of the Beginning. Cosmology Culture and Time at the Twilight of the Big Bang, (27 de setiembre de 2010), ISBN 978-0-452-27606-2

Referencias

1. (en) 13.7: Cosmos And Culture
2. (en) Simulating Magnetohydrodynamical Flow with Constrained Transport and Adaptive Mesh Refinement: Algorithms and Tests of the AstroBEAR Code
3. (en) DISCOVER MAGAZINE 3 Theories That Might Blow Up The Big Bang

Vinclos externos

• (en) Departamento de Fisica y Astronomía d'a Universidat de Rochester
• (en) AstroBEAR AMR Code Homepage
• (en) NPR blog Introduction Page