Alcazaba
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una alcazaba (de l'arabe (al)-qasaba, قصبة, "ciudadela") ye o nombre que recibe en l'arquitectura militar una construcción fortificata existent mientres o Califato de Cordoba y mientres os succesivos reinos islamicos en a peninsula iberica, que teneba como función a protección d'un lugar y d'a suya redolada. Teneba asinas una guarnición de militars conformando un chicot barrio que teneba mesmo viviendas y tamién servicios ta os soldatos que i viviban. As alcazabas gosaban incluyir un castiello, encara que iste castiello yera independient d'a mesma alcazaba y tamién d'a ciudat a on alcazaba y castiello se trobaban situatos.
Con as alcazabas, a clase dominant islamica teneba un puesto aprovisionato ta resistir-ie, mesmo si a ciudat a on se trobaba heba estato conquiesta por os enemigos u por una sublevación. Encara que as alcazabas mas conoixitas se troban a o sud d'a peninsula iberica (Almería, Antequera, Badajoz, Granada, Chaén, Guadix, Loja, Malaga, Lorca, Merida, Alcalá la Real...) tamién existioron alcazabas en l'actual territorio d'Aragón, estando a mas conoixita l'alcazaba de Zaragoza.
No s'ha de confundir una alcazaba con un alcázar, que deriva de l'arabe al-qasr (castiello).
