Dianna Agron

Dianna Agron
Información personal
Calendata naiximiento:	30 d'abril de 1986
Puesto naiximiento:	Savannah, Cheorchia, Estaus Unius.
Conchuche:	Winston Marshall (2016-2020)

Dianna Agron (Savannah, Cheorchia, 30 d'abril de 1986) ye una cantaire, actriz, guionista y directora de cine y televisión estausunidense.

Estió casada con o musico Winston Marshall entre los anyos 2016 y 2020.^[1][2]

Debut profesional

Con tres anyos prencipió a bailar, lo que la portó a participar en diferents produccions musicals en o suyo barrio cuan encara yera en l'instituto. En rematar iste, prencipió a treballar fendo anuncios y publicidat dica que participó en a chicota cinta Talkers Are No Good Doers en 2005 y un anyo dimpués en a serie de televisión Close to Home.

Interpretó diferents personaches chóvens antes de no aconseguir o papel que l'ha convertiu en estrela d'a televisión, "Quinn Fabray" en a popular Glee. Anteriorment ya se i heba feito notar breument en Veronica Mars como "Jenny Budosh" y en Heroes como "Debbie Marshall".

En 2010 estió ganadera, chunto con a resta de reparto de Glee, d'o Premio a lo Millor Reparto d'una serie de comedia, entregau per lo Sindicato d'Actors.

Ye vechetariana y un d'os rostros que refirma a PETA. Una d'as suyas aficions menos conoixidas y mas peculiars ye la de vesitar fuesas. En 2009 produció, dirichió, escribió y protagonizó o curtometrache A Fuchsia Elephant, de prou popularidat en o circuito indepenedent. Ye muit buena amiga d'a suya companyera de reparto Lea Michele, con qui compartió piso en prencipiar a serie.

Referencias

1. (en) Dianna Agron Marries Mumford and Sons' Winston Marshall in Romantic Ceremony
2. (en) Dianna Agron and Winston Marshall Broke Up After 3 Years of Marriage

Vinclos externos

• Se veigan as imáchens de Commons sobre Dianna Agron.