|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Facebook ye un servicio estausunidense de rez socials con seu en Menlo Park, California (Estaus Unius), y un servicio emblematico d'a companyía homonima Facebook, Inc.
Historia
[editar | modificar o codigo]Estió fundau por Mark Zuckerberg en 2004, de conchunta con os suyos companyers estudiants de l'Universidat de Harvard y os suyos companyers de cambra Eduardo Saverin, Andrew McCollum, Dustin Moskovitz y Chris Hughes.
En febrero de 2012 salió a bolsa aconseguindo una valoración de 104 mil millons de dolars, a mas alta pa una empresa que empecipia a acotizar.
O 9 d'abril de 2012 Facebook adquirió Instagram por 1000 millons de dolars, y en febrero de 2014 mercó o servicio de mensachería mobil WhatsApp por 16.000 millons de dolars.
En marzo de 2018 Facebook teneba mas de 2200 millons d'usuarios activos mensuals.
Criticas
[editar | modificar o codigo]Facebook ha estau sucheto a una amplia cobertura mediatica y de muitas contraversias. Istos a ormino embrecan privacidat de l'usuario (como que con l'escandalera de datos de Cambridge Analytica), manipulación politica (como que con as eleccions estausunidenses de 2016), efectos psicolochicos como adicción y baixa autoastima, y conteniu que cualques usuarios troban que arreparar, incluindo noticias falsas, teorías de conspiración y infraccions de dreitos d'autor. Tamién s'ha acusau a Facebook d'aduyar a espardir información falsa y noticias falsas.
Desembolique
[editar | modificar o codigo]| Anyada | Usuarios |
|---|---|
| 2008 | 100 millions |
| chulio de 2009 | 250 millons |
| 3 d'aviento de 2009 | 350 millions |
| setiembre de 2011 | 800 millions |
| agosto de 2015 | 1.500 millions |
| 2018 | 2.200 millions |
En a cultura popular
[editar | modificar o codigo]- A cinta The Social Network de 2010 dirichida por David Fincher ye basada en o libro The Accidental Billionaires (Ben Mezrich, 2009) y narra os comienzos de Facebook.
