Ferdinand Cohn

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ferdinand Cohn
Ferdinand Cohn
Información personal
Calendata de naixencia	24 de chinero de 1828
Puesto de naixencia	Breslau (Reino de Prusia)
Calendata de muerte	25 de chunio de 1898
Puesto de muerte	Breslau (Reino de Prusia)
Ocupación	biologo

Ferdinand Julius Cohn, naixiu de Breslau (ta par d'alavez Reino de Prusia) lo 24 de chinero de 1828, yera un biologo que estió uno d' os fundadors d' a bacteriolochía y microbiolochía modernas.

Biografía

Ferdinand J. Cohn naixió en o barrio chodigo de Breslau en a provincia prusiana de Silesia (que agora ye Wroclaw, Polonia).^[1] Su pai, Issak Cohn, yera un comerciant y fabricant d' exito. A l'edat de 10 anyadas, Ferdinand sufrió una discapacidat auditiva (por una razón desconoixida). A os 16 anyos, estudió botanica con Heinrich Goppert en l'Universidat de Breslau. A causa d'os antecedents chodigos de Cohn, se le impidió prener os examens zaguers de grau en Breslau.^[2] Luego se mudó a l'Universidat de Berlín. A os 19 anyos, en 1847, se licenció en botanica en Berlín. Remanió estudiando botanica mientres un par d' anyos mas en Berlín, an dentró en contacto con muitos d' os prencipals cientificos d'o suyo tiempo.

En 1849 tornó a l'Universidat de Breslau y remanió en ixa universidat o resta d' a suya cursa como profesor y investigador. En a suya tornada inicial a Breslau cuan teneba tasament vinte anyadas d'edat, su pai le i heba mercau un microscopio gran y costoso fabricau por Simon Plössl. Iste microscopio, que l'Universidat de Breslau y a mayoría d' as universidaz no teneban, estió a prencipal ferramienta de investigación de Ferdinand Cohn en a decada de 1850. En a decada de 1850 estudió o creiximiento y a división d' as celulas vechetals. En 1855 publicó articlos sobre a sexualidat de Sphaeroplea annulina y mas tardi Volvox globator. En a decada de 1860 estudió fisiolochía vechetal en cuantos aspectos diferents. Dende 1870 en adebant, estudió prencipalment bacterias. Estableció l' emplego de medios de cautivo esterils y redescubrió o chardín botanico de Lorenz Scholz von Rosenau en Breslau. Publicó mas de 150 informes d'investigación mientres a suya vida. L'Universidat de Breslau se convirtió en un centro innovador de fisiolochía y microbiolochía vechetal entre que va estar allí.

Cohn estió o primer en clasificar as algas como plantas y en definir qué as distingue d' as plantas verdas. A suya clasificación de bacterias en cuatro grupos en función d'a suya forma (esfericas, varetas curtas, filos y espirals) encara se fa servir hue. Entre atras cosetas, se recuerda a Cohn por estar o primer en contrimostrar que Bacillus puede cambiar d'un estau vechetativo a un estau d'endosporas cuan se somete a un entorno perchudicial pa o estau vechetativo.

En 1885 recibió a Medalla Leeuwenhoek.

Obra

• Zur Naturgeschichte des Protococcus Pluvialis, Bonn 1851
• Die Menschheit und die Pflanzenwelt, Breslau 1851
• Der Haushalt der Pflanzen, Leipzig 1854
• Untersuchungen über die Entwicklungsgeschichte der Mikroskopischen Algen und Pilze, Bonn 1854
• Beiträge zur Biologie der Pflanzen, Breslau, 1870
• Neue Untersuchungen über Bakterien, Bonn 1872-1875
• Die Pflanze, Leipzig 1882

Referencias

1. (en) Chung, King-Thom. Ferdinand Julius Cohn (1828-1898): Pioneer of Bacteriology. Department of Microbiology and Molecular Cell Sciences, The University of Memphis.
2. (en) Drews, Gerhart (1999). "Ferdinand Cohn, a founder of modern microbiology" (PDF). ASM News. 65 (8): 547–552.