Herman Melville

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Herman Melville
Herman Melville en una fotografía de 1860.
Información personal
Calendata de naixencia	1 d'agosto de 1819
Puesto de naixencia	Nueva York (Nueva York)
Calendata de muerte	28 de setiembre de 1891
Puesto de muerte	Nueva York (Nueva York)
Ocupación	Escritor, asayista y poeta.
Conchuche	Elisabeth Shaw

Herman Melville, naixito de Nueva York (Nueva York) l'1 d'agosto de 1819 y muerto en Nueva York o 28 de setiembre de 1891, estió un escritor, asayista y poeta estausunidense.

Dimpués d'a suya muerte Herman Melville fue oblidato por a Literatura, dica os anyos 1920, cuan se redescubrió a suya obra mas conoixita, Moby Dick; dende ixas calendatas, Herman Melville ye considerato como una d'as prencipals figuras d'a Literatura universal.

As suyas primeras anyadas

Herman Melville yera o tercer fillo d'o matrimonio entre Maria Gansevoort y Allan Melvill (Melvill, sin a letra e final). A suya mai yera d'orichen neerlandés, filla d'o cheneral Peter Gansevoort, que estió un heroe d'a Guerra d'Independencia estausunidense. Antiparte, o güelo de Herman por parte d'o suyo pai, o mayor Thomas Melvill, tamién prenió parte destacata en a luita.

O pai de Herman yera comerciant, y en 1826 a concurrencia comercial britanica provocó una crisi economica en os Estaus Unius, que afectó a Allan Melvill, que s'endedudó con o suyo suegro Peter Gansevoort, que se convertió en o soporte economico d'a familia. Sindembargo, os Melvill cambeyoron 3 vegatas de vivienda entre 1820 y 1830, dica instalar-se en 1830 a man d'os Gansevoort, en a ciudat d'Albany, a capital de l'estato de Nueva York, a on Allan treballó en una fabrica.

En aviento de 1931, mientres un viache a la ciudat de Nueva York, Allan Melvill enfermó por una pneumonía, y morió o 28 de chinero de 1832. Alavez, os suyos fillos mayors albandonoron os suyos estudios: o mayor (clamato Gansevoort de nombre) establió un comercio con aduya de Peter Gansevoort (en ixas datas anyadió una e ta o suyo apellito ta formar Melville, cualcosa que facioron tamién os atros miembros d'a familia), y Herman treballó en a New York State Bank, banco que o tío suyo en yera uno d'os administradors.

En 1834, por problemas con os suyos uellos, Herman albandonó o treballo en o banco, ta treballar con atro tío que teneba una grancha en Pittsfield, en o estato de Massachusetts. Dimpués de bels meses, tornó ta Albany ta continar os suyos estudios. As suyas lecturas yeran d'autors como James Fenimore Cooper, Walter Scott, Byron u os poetas angleses d'o sieglo XVIII.

En Albany recibió clases de contabilidat ta portar as cuentas d'o negocio d'o suyo chirmán Gansevoort. Sindembargo, en 1837 un movimiento de panico financiero fació crebar a o suyo chirmán, y a familia se tresladó ta Lansingburgh, una chicota ciudat a o canto d'o río Hudson. Por un tiempo, Herman estió mayestro en una chicota escuela rural a man de Pittsfield, pero dimpués tornó ta Lansingburgh ta estudiar fustería.

En 1839, Herman Melville s'enroló como mariner en un barco mercant de viache ta Liverpool. Iste viache inspiró a suya obra posterior Redburn. En tornar, treballó en 1840 en una escuela (a on no cobró), y se tresladó ta l'estato d'Illinois, recorrendo l'estato ta trobar treballo. A fins de 1840, decepcionato, se tresladó a Nantucket, o centro d'a caza de ballenas en os Estaus Unius, y o 26 d'aviento sinya un contrato ta treballar en o ballener Acushnet, de 368 tn. O barco parte d'o puerto de New Bedford o 31 d'aviento, y en iste barco Herman Melville trescruzó l'Oceano Pacifico dica as islas Galapagos y as islas Marquesas, a on desertó d'o barco. Engarcholato en Tapeete (Tahití) por a suya deserción, tornó dimpués ta os Estaus Unius.

Os anyos de madureza

En os zaguers anyos d'a suya vida, Herman Melville no podió vivir d'os suyos escritos, porque a suya obra no teneba a favor d'o publico. Asinas, vivió a cargo d'a familia d'a suya muller, Elisabeth Shaw, antis d'estar afirmato por a ciudat de Nueva York como achent d'aduanas. Sindembargo, Melville continó escribindo.

Herman Melville morió o 28 de setiembre de 1891 en a suya casa en a carrera 26 de Nueva York (Nueva York).

A suya obra

Moby Dick

A suya obra mas conoixita ye Moby Dick. Melville escribió ista obra en 1851, encara que nomás dimpués d'a suya muerte, ya en os anyos 1920, ista novela fue redescubierta.

A novela charra d'a luita entre o capitán de barco Ahab, capitán d'un ballenero, y Moby Dick, una ballena blanca (en realidat un cachalot albín) que Ahab persigue implacablement, en una luita que simboliza a luita entre dos mals, luita que arrastra con ella a os inocents, representatos por a tripulación d'o ballenero.

Moby Dick ye estada, dende l'aparición d'o cine, fuent d'inspiración ta muitas cintas d'aventuras.

Obras

Novelas

• 1846: Typee: A Peep at Polynesian Life.
• 1847: Omoo: A Narrative of the South Seas.
• 1849: Mardi: And a Voyage Thither.
• 1849: Redburn: His First Voyage.
• 1850: White-Jacket, or The World in a Man-of-War.
• 1851: Moby-Dick, or The Whale.
• 1852: Pierre: or, The Ambiguities.
• 1853: Isle of the Cross (ca. 1853, since lost)^[1]
• 1856: Israel Potter: His Fifty Years of Exile.
• 1857: The Confidence-Man|The Confidence-Man: His Masquerade.
• 1924: Billy Budd, Sailor (An Inside Narrative).

Historias cortas

• 1856: The Piazza Tales.
  • "The Piazza"—a sola historia escrita ta ista colección. (o semanario Putnam's Monthly Magazine heba publicato as atras.)
  • "Bartleby the Scrivener"
  • "Benito Cereno"
  • "The Lightning-Rod Man"
  • "The Encantadas, or Enchanted Isles"
  • "The Bell-Tower"
• No editatas en coleccions
  • "Cock-A-Doodle-Doo!" (Harper's New Monthly Magazine, aviento de 1853).
  • "Poor Man's Pudding and Rich Man's Crumbs" (Harper's New Monthly Magazine, chunio de 1854).
  • "The Happy Failure" (Harper's New Monthly Magazine, chulio de 1854).
  • "The Fiddler" (Harper's New Monthly Magazine, stiembre de 1854).
  • "The Paradise of Bachelors and the Tartarus of Maids" (Harper's New Monthly Magazine, abril de 1855).
  • "Jimmy Rose" (Harper's New Monthly Magazine, noviembre de 1855).
  • "The 'Gees" (Harper's New Monthly Magazine, marzo de 1856).
  • "I and My Chimney" (Putnam's Monthly Magazine, marzo de 1856).
  • "The Apple-Tree Table" (Putnam's Monthly Magazine, mayo de 1856).
• No publicatas en vida de Melville
  • "The Two Temples"
  • "Daniel Orme"

Poesía

Coleccions

• 1866: Battle Pieces and Aspects of the War.
• 1876: Clarel: A Poem and Pilgrimage in the Holy Land.
• 1888: John Marr and Other Sailors Edición Online.
• 1891: Timoleon Edición Online.
• 1924: Weeds and Wildings, and a Rose or Two.

No publicatos u fuera de coleccions

• "Epistle to Daniel Shepherd"
• "Inscription for the Slain at Fredericksburgh" [sic]
• "The Admiral of the White"
• "To Tom"
• "Suggested by the Ruins of a Mountain-temple in Arcadia"
• "Puzzlement"
• "The Continents"
• "The Dust-Layers"
• "A Rail Road Cutting near Alexandria in 1855"
• "A Reasonable Constitution"
• "Rammon"
• "A Ditty of Aristippus"
• "In a Nutshell"
• "Adieu"

Asayos

Asayos recopilatos en vida de Melville:

• "Fragments from a Writing Desk, No. 1" (Democratic Press, and Lansingburgh Advertiser, 4 de mayo de 1839).
• "Fragments from a Writing Desk, No. 2" (Democratic Press, and Lansingburgh Advertiser, 18 de mayo de 1839).
• "Etchings of a Whaling Cruise" (New York Literary World, 6 de marzo de 1847).
• "Authentic Anecdotes of 'Old Zack'" (Yankee Doodle, II, excerpted September 4, published in full weekly from July 24 to September 11, 1847).
• "Mr Parkman's Tour" (New York Literary World, 31 de marzo de 1849).
• "Cooper's New Novel" (New York Literary World, 28 d'abril de 1849).
• "A Thought on Book-Binding" (New York Literary World, 16 de marzo de 1850).
• "Hawthorne and His Mosses" (New York Literary World, 17 y 24 d'agosto de 1850).

Atros

• Correspondence, Ed. Lynn Horth. Evanston, IL and Chicago: Northwestern University Press and The Newberry Library (1993). ISBN 0-8101-0995-6
• Journals, Ed. Howard C. Horsford with Lynn Horth. Evanston, IL and Chicago: Northwestern Univ. Pr. and The Newberry Library (1989). ISBN 0-8101-0823-2

Referencias

1. Robert S. Levine, ed. The Cambridge Companion to Herman Melville. Cambridge, England and New York City: Cambridge University Press (1998), xviii. ISBN 0-521-55571-X.

Vinclos externos

Commons

Se veigan as imáchens de Commons sobre Herman Melville.