Home from the Hill (cinta)
- Iste articlo ye sobre una cinta dramatica estausunidense de 1960; ta atros usos, se veiga Home from the Hill.
Home from the Hill (títol orichinal en anglés, en aragonés Enta casa dende lo pueyo, enguerada en Aragón con o títol en castellano de Con él llegó el escándalo, en aragonés Con él plegó l'estrapalucio) ye una cinta de cine estausunidense de cine de drama de l'anyo 1960 dirichida por Vincente Minnelli seguntes un guión adaptau por Harriet Frank Jr. y Irving Ravetch (basau en Home from the Hill, una novela publicada por William Humphrey l'anyo 1958), con una banda sonora orichinal de Bronislau Kaper, una dirección de fotogtafía de Milton R. Krasner y una producción cinematografica d'Edmund Grainger y Sol C. Siegel ta la productora cinematografica Sol C. Siegel Productions. Forman l'elenco d'actors d'a cinta, entre d'atros, Robert Mitchum, Eleanor Parker, George Peppard, George Hamilton, Everett Sloane, Luana Patten, Anne Seymour, Constance Ford, Ken Renard y Ray Teal.
Wade Hunnicutt ye la persona mas cabalera de l'este de Texas, estando amás un muit conoixiu falderiquero y que no tien relacions con su muller, Hannah, encara que viven chuntos. Tienen un fillo, Theron, a qui su mai ha educau de tal traza que ye cuasi que un nino encara que ya tien 17 anyadas. Luego d'estar obchecto de burlas, su pai decide revocar l'alcuerdo que teneba con su mai y escomencipiar a suya educación. Encomana a Rafe, un d'os suyos treballadors, que lo cudie y bien luego conoixemos que en realidat Rafe ye un fillo borde de Wade, naixiu antis d'a suya voda con Hannah. Theron fa a escape a transición enta un adulto d'a suya edat pero cuan prencipia una relación amorosa con Libby Halstead, una mesacha d'o lugar, padeixe la malinconía d'o pai d'a mesacha, a qui no li cuaca la fama de falderiquero d'o pai d'o mocet. Cuan Theron conoix tot ixo, refusa no nomás que a la suya familia so que lo concepto mesmo de familia, y refusa a Libby sin saber que la mesacha se troba asperando un fillo d'él.
A cinta s'ambienta en Texas en primerías d'o sieglo XX y las suyas escenas se filmoron en Clarksville, Dallas y Paris en Texas y en Oxford y Greenwood en Mississippi, amás d'en os Metro-Goldwyn-Mayer Studios en Culver City en California.[2]
Ye una cinta que ha recibiu bels premios y nominacions, en destacando entre éls una nominación a los Premios BAFTA a lo Millor Actor Debutant ta George Peppard en a suya 14ena edición.
Elenco[3]
[editar | modificar o codigo]| Actor | Papel | Notas |
|---|---|---|
| [[]] | ' |
Se veiga tamién
[editar | modificar o codigo]Referencias
[editar | modificar o codigo]| Control d'autoridaz |
|
|---|
Datos: Q1167736