La Celestina

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Celestina
Tragicomedia de Calisto y Melibea. Chorche Cocci, Zaragoza, 1507.
Información cheneral
Autor	Fernando de Rojas
Chenero literario	Novela
Versión orichinal en castellano
Títol orichinal	Tragicomedia de Calisto y Melibea
Ciudat	Burgos
País	Reino de Castiella
Calendata de publicación	ca. 1500 (Comedia) ca. 1502 (Trachicomedia)

La Celestina ye o nombre con o cual s'ha popularizado a Tragicomedia de Calisto y Melibea (en aragonés Trachicomedia de Calisto y Melibea), atribuida a Fernando de Rojas. A suya composición se remonta a os zaguers anyos d'o sieglo XV,entre o reinau d'os Reis Catolicos en Espanya y o suyo extraordinario exito editorial prencipió en o sieglo XVI y continó, con altibajos, dica a suya prohibición en 1792.Por o suyo argumento amoroso, a suya finalidat didactica, l'abundancia de citas d'autoridat, a esleción d'os suyos personaches, a suya forma dialogada y a suya mas que prebable vinculación a un entorno universitario, s'ha considerau a la Celestina un eixemplo sui generis de comedia humanistica, encara que i hai qui prefiere considerar-la como que un hibrido entre novela y drama. A suya influencia en toz dos cheneros ye muit notable, dica o punto que ye posible charrar d'o chenero celestinesco en o cual s'incluyen tanto obras desembolicadas dreitament a partir d'a suya trama, os suyos personaches u os suyos temas, como que ambients u personaches celestinescos en comedias y novelas que, en prencipio, brenca han de veyer con A Celestina

Comedia de Calisto y Melibea. Fadrique de Basilea, Burgos, 1499 (pero 1500-1502).