Larvotto e Molins Bas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Larvotto e Molins Bas Larvotu Larvotto/Bas Moulins
Barrio de Mónegue
Larvotto e Molins Bas dende Montcarles
Entidat  • Estato  • País	Barrio Mónegue Occitania
Superficie  • Total	0.217932 km²
Población  • Total (2008)	5.443 hab.
ISO 3166-2	MC-LA
Numero	03
Larvotto e Molins Bas en Mónegue

Larvotto e Molins Bas (en occitán Larvotto e Molins Bas, en monegasco Larvotu, en francés Larvotto/Bas Moulins) ye un d'os once barrios de Mónegue, situato en a parti este d'o prencipau.

D'antis mas perteneixeba a Montcarles, d'o que feba una parti historica^[1], estando hue en día una zona mas que mas residencial.

Localización

Larvotto e Molins Bas se troba en o sud-este d'o prencipau, y a l'este de Montcarles^[2]. Ye a sobén considerato como una parti de Montcarles, a tamas d'a suya autonomía administrativa^[2]. Larvotto e Molins muga con a comuna de Ròcabruna Caup Martin en o Estato francés, asinas como con o barrio monegasco de La Rossa e Sant Roman^[2].

Cuasi un tercio d'a suya superficie se troba construyita sobre tierras ganatas a la mar^[1], feito que permitió a construcción d'un gran complexo hotelero, d'o foro Grimaldi y d'o Chardín chaponés^[3].

Demografía

Ye o barrio con mas población d'o prencipau y o segundo en termins de superficie, dezaga de Fòntvièlha. A calidat de vida, en parti debito a o gran numero de parques que se i troban, fa que Larvotto sia un puesto muit apreciato por munegascos y touristas ta fer gambadas^[4]. Iste feito explica que astí os precios d'as casas sían entre un 10% y un 20% mas altos que en atros barrios vecins^[5],^{[6] [7]}. L'avenenita Princesse Grace, qui travesa o barrio, ye a carrera a on as viviendas son mas caras de tot o mundo: mas de 70.000 dolars o m²^[6].

No bi ha garra escuela publica d'as diez con as que conta o prencipau, y nomás una escuela privata. Antimás, no bi ha cuasi edificios guvernementals u institution, a l'exception d'o Convention Bureau, o prencipal organo de promoción turistica d'o prencipau.

Turismo

A tamas d'o suyo caracter esencialment residencial, o barrio tien a-saber-los hotels^[2]. Se i troba a sola placha de Mónegue accesible a o publico^[8].

Referencias

1. (fr) Pachina d'o gubierno de Mónegue
2. (fr) Cheografía de Mónegue
3. (en) www.montecarlobay.com
4. (en) www.montecarlo-realestate.com
5. (en) www.montecarlo-realestate.com
6. (en) The 10 most expensive streets in the world 2011 update
7. (en) www.montecarlo-realestate.com Barrios
8. (en) Visitor Guide to Larvotto Beach

Barrios de Mónegue

Montcarles | La Rossa e Sant Roman | Larvotto e Molins Bas | La Condamina | Mónegue | Fòntvielha | La Còla | Las Reveras | Moneghetti | Sant Miquel | Lo Pòrt