Rosetta (sonda espacial)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A sonda espacial Rosetta.

Rosetta estió una sonda espacial construida por l'Achencia Espacial Europea lanzada o 2 de marzo de 2004. De conchunta con Philae, o suyo modulo d'aterrizada, Rosetta realizó un estudio detallau d'a cometa 67P/Churyumov–Gerasimenko. Entre o suyo viache a la cometa, a nau realizó sobrevuelos d'a Tierra, Marte y os asteroides 21 Lutetia y 2867 Šteins.

O 6 d'agosto de 2014, a nau espacial aconsiguió a cometa y realizó una serie de maniobras pa finalment orbitar a cometa a longarias de 30 a 10 kilometros. O 12 de noviembre, o suyo modulo d'aterrizache Philae realizó a primera aterrizada exitosa en una cometa, encara que a enerchía d'a suya batería s'acotoló dos días dimpués. As comunicacions con Philae se restablioron breument en chunio y chulio de 2015, pero a causa d'a disminución d'a enerchía solar, o modulo d'aterrizada s'amortó o 27 de chulio de 2016. O 30 de setiembre de 2016, a nau espacial Rosetta remató a suya misión con un aterrizache forzoso en a cometa en a suya rechión de Ma'at.

A sonda recibió o suyo nombre d'a Piedra de Rosetta, una estela d'orichen echipciano con un decreto en tres escrituras. O modulo d'aterrizada recibió o suyo nombre de l'obelisco de Philae, que leva una inscripción hieroglifica bilingüe en griego antigo y en echipcio.