Snake Eyes (cinta de 1998)
- Iste articlo ye sobre una cinta de cine d'intriga policiaca estausunidense de l'anyo 1998; ta atros usos, se veiga Snake Eyes y Snake Eyes (cinta).
Snake Eyes (títol orichinal en anglés, en aragonés Uellos de sirpient,[2] enguerada en Aragón con o suyo títol traduciu enta lo castellano como Ojos de serpiente) ye una cinta de cine d'intriga policiaca de l'anyo 1998 de cine estausunidense dirichida por Brian De Palma seguntes un guión adaptau por David Koepp (basau en una historia de Brian De Palma y David Koepp), con una banda sonora orichinal de Ryuichi Sakamoto, una dirección de fotografía de Stephen H. Burum y una producción cinematografica de Brian De Palma ta la productora cinematografica DeBart Productions y que conta con un elenco d'o cual en fan parte os actors Nicolas Cage, Gary Sinise, Carla Gugino, John Heard, Stan Shaw, Kevin Dunn, Michael Rispoli, Joel Fabiani, Luis Guzmán, David Anthony Higgins, Mike Starr, Peter McRobbie, Tamara Tunie, Chip Zien, Alain Goulem, Jayne Heitmeyer, Chip Chuipka, Éric Hoziel, Mark Camacho y Adam Flores, en os suyos papels principals.
Rick Santoro ye un policía d'Atlantic City que se troba veyendo un combat de boxeyo entre lo campión d'os pesos pesaus Lincoln Tyler y l'aspirant José Pacífico Ruiz. Entre los asistents, troba a lo suyo antigo amigo Kevin Dunne, comandant en a U.S. Navy, que fa d'escolta de Charles Kirkland, secretario de Defensa d'os Estaus Unius en o Departamento d'Esfensa d'os Estaus Unius. En escomencipiar o primer "round" d'o combat, Kevin s'embabuquia con una mesacha rusia que albandona lo suyo puesto y que bien luego ocupa Julia Costello, una roya con trache de satén de color blanca. De rapiconte, Ruiz noquia a Tyler s'escuitan disparos que fieren mortalment a lo secretario d'estau y liucherament a la misteriosa roya, que pierde la suya peluca amostrando la suya color fosca natural. Kevin mata a lo francotirador y bien luego ordena que zarren o polisportivo ta que denguno no pueda marchar. Dimpués Rick escomencipia la suya investigación, conchuntament con Kevin.
A cinta s'ambienta en o suyo momento actual (1998) en a ciudat d'Atlantic City en Nueva Jersey y la suyas escenas se filmoron en Mont-reyal en Quebec (Canadá) y en Atlantic City en Nueva Jersey (Estaus Unius).[3]
Se tracta d'una cinta que ha recibiu bels premios y nominacions, encara que garra d'istos premios no correspon a los premios cinematograficos mas destacaus.
Elenco[4]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- ↑ (en) Enguero de Snake Eyes en Internet Movie Database.
- ↑ En anglés d'Estaus Unius se clama Snake Eyes (uellos de serpient) a una chugada de chuegos de daus a on sale en os dos daus un punto, la chugada mas baixa posible.
- ↑ (en) Localizacions de Snake Eyes en Internet Movie Database.
- ↑ (en) Snake Eyes en Internet Movie Database.
