The Bravados

The Bravados
Títol	The Bravados
Póster d'a cinta.
Ficha tecnica
Dirección	Henry King
Aduyant de dirección	Stan Hough
Dirección artistica	Mark-Lee Kirk Lyle R. Wheeler
Producción	Herbert B. Swope Jr.
Guión adaptau	Philip Yordan
Basau en	The Bravados, novela de Frank O'Rourke
Musica	Alfred Newman Hugo Friedhofer Lionel Newman
Soniu	Bernard Freericks Harry M. Leonard
Fotografía	Leon Shamroy
Montache	William Mace
Escenografía	Chester Bayhi Walter M. Scott
Maquillache	Ben Nye
Peluquería	Helen Turpin
Efectos especials	Abel Contreras William F. Mittlestedt
Actors	Gregory Peck Joan Collins Stephen Boyd Albert Salmi Henry Silva Kathleen Gallant Barry Coe George Voskovec Herbert Rudley Lee Van Cleef Andrew Duggan Ken Scott Gene Evans Joe DeRita Jason Wingreen Ada Carrasco
Color	Color by DeLuxe) Cinemascope
Datos y cifras
País(es)	Estaus Unius
Anyo	1958
Debantadera	25 de chunio Nueva York (Nueva York, Estaus Unius)^[1]
Chenero(s)	Cine de western
Durada	98 min.
Idioma(s)	Anglés Castellano
Companyías
Productora(s)	20th Century-Fox
Distribución	20th Century-Fox
Recauto	2,2 millons de Dólars
Informacions en bases de datos especializadas:

The Bravados (títol orichinal en anglés, en aragonés Os barfollas, enguerada en Aragón con o títol en castellano d'El vengador sin piedad, en aragonés O vengador sin piedat) ye una cinta de cine de western de cine estausunidense de l'anyo 1958 dirichida por Henry King seguntes un guión adaptau por Philip Yordan (basau en The Bravados, una novela de Frank O'Rourke), con una banda sonora orichinal d'Alfred Newman, Hugo Friedhofer y Lionel Newman, una dirección de fotografía de Leon Shamroy, una producción cinematografica de Herbert B. Swope Jr. ta la productora cinematografica 20th Century-Fox y un elenco d'o cual en fan parte Gregory Peck, Joan Collins, Stephen Boyd, Albert Salmi, Henry Silva, Kathleen Gallant, Barry Coe, George Voskovec, Herbert Rudley, Lee Van Cleef, Andrew Duggan, Ken Scott, Gene Evans, Joe DeRita, Jason Wingreen y Ada Carrasco, entre d'atros actors.

Jim Douglass plega en una chicota ciudat a on son bien amán d'aforcar a cuatre criminals, ta veyer cómo los aforcan. Sindembargo, os cuatre logran fuyir d'a garchola y secuestran a una choven d'o lugar. Jim s'adhibe a lo grupo de perseguidors, y bien luego amuestra que ye lo verdadero líder d'o grupo. En o grupo marcha tamién Josefa Velarde, una antiga conoixida de Jim, con qui estioron de camín ta fer voda. Poquet a poquet se conoix lo motivo de que Jim persiga a los cuatre, y ye que su muller fue violada y asasinada y él ye convenciu de que ixos cuatre, que pasoron por o suyo rancho, son os culpables. Un a un los va cazando, dica que los dos que quedan trescruzan la muga de Mexico y lo grupo de perseguidors albandona, pero no albandona Jim. Pero antis de trescruzar a muga, un d'éls viola a la mesacha secuestrada y asasina a John Butler, un buscador d'oro y vecino de Jim; l'atro s'apodera d'a borsa con oro de John con todo lo suyo conteniu. Cuan Jim troba a lo cuatreno supervivient, li amuestra como a toz la foto d'a suya muller y li pregunta si la remera y, como los tres anteriors, li diz que no la heba visto mai.

A cinta s'ambienta en bels puestos indeterminaus d'o "Far West" d'Estaus Unius y en Mexico en bel momento indeterminau d'a segunda metat d'o sieglo XIX, y las suyas escenas se filmoron en Morelia y atras localidaz en Michoacán, en Guadalajara y atras localidaz en Jalisco y en o estau de Yucatán en Mexico.^[2]