The Comancheros

Iste articlo ye sobre una cinta de western de cine estausunidense de 1961, ta la novela en que se basa la cinta, se veiga The Comancheros (novela)```.

The Comancheros
Títol	The Comancheros
Póster d'a cinta.
Ficha tecnica
Dirección	Michael Curtiz John Wayne
Producción	George Sherman
Guión adaptau	James Edward Grant Clair Huffaker
Basau en	The Comancheros, novela de 1952 de Paul I. Wellman
Musica	Elmer Bernstein
Fotografía	William H. Clothier
Montache	Louis Loeffler
Vestuario	Marjorie Best
Actors	John Wayne Stuart Whitman Ina Balin Nehemiah Persoff Lee Marvin Michael Ansara Bruce Cabot Joan O'Brien Patrick Wayne Richard Devon Jack Elam Henry Daniell Edgar Buchanan Guinn "Big Boy" Williams Bob Steele
Color	Color by DeLuxe
Datos y cifras
Anyo	1961
Debantadera	1 de noviembre de 1961 Nueva York (Nueva York, Estaus Unius)^[1]
Chenero(s)	Cine de western
Durada	107 min.
Idioma(s)	Anglés Navajo
Companyías
Productora(s)	20th Century-Fox Polyphony Digital
Distribución	20th Century-Fox
Presupuesto	4.260.000 dólars
Recauto	3.500.000 dólars
Informacions en bases de datos especializadas:

The Comancheros (títol orichinal en anglés, en aragonés Os comancheros, enguerada en Aragón con o suyo títol traduciu enta lo castellano de Los comancheros) ye una cinta de cine de western de cine estausunidense de l'anyo 1961 dirichida por Michael Curtiz seguntes un guión adaptau por James Edward Grant y Clair Huffaker (basau en The Comancheros, una novela publicada en 1952 por Paul I. Wellman), con una banda sonora orichinal d'Elmer Bernstein, una dirección de fotografía de William H. Clothier y una producción cinematografica de George Sherman ta las productoras 20th Century-Fox y Polyphony Digital. Entre d'atros actors, fan parte de l'elenco d'a cinta John Wayne, Stuart Whitman, Ina Balin, Nehemiah Persoff, Lee Marvin, Michael Ansara, Bruce Cabot, Joan O'Brien, Patrick Wayne, Richard Devon, Jack Elam, Henry Daniell, Edgar Buchanan, Guinn "Big Boy" Williams y Bob Steele.

En a cinta se conta cómo Paul Regret, un chugador profesional, mata en Nueva Orleans un duelo a un hombre que resulta perteneixer a una familia cabalera y li cal fuyir d'a ciudat en un barco por o río Misisipi, a on conoix a una misteriosa mesacha de qui s'enamora. Tanimientres, ye deteniu en o barco por o capitán Jake Cutter, d'os Texas Rangers, encara que consigue fuyir. Tiempo dimpués, coincide en una partida de poquer con o capitán, que ye d'inognito, pero no el descubre, encara que finalment lo tornan a detener y finalment li fan una propuesta: que acompanye a lo capitán a trobar a on s'amagan os periglosos "comancheros", blancos que aduyan a los indios atacando y espullando los ranchos de Texas. A cinta s'ambienta en l'anyo 1843 en Nueva Orleans y Texas y las suyas escenas se filmoron en cuantas localidaz en os estaus d'Arizona y Utah.^[2]