Velika Kladuša

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Velika Kladuša Велика Кладуша
Localidat de Bosnia y Herzegovina
Castiello de Velika Kladuša
Estau  • Entidat  • Cantón	Bosnia y Herzegovina Fed. Bosnia-Herzegovina Una-Sana
Superficie	331 km²
Población  • Total	4520 hab. (2013)
Altaria  • Meyana	252 m.
Codigo postal	77230
Coordenadas	45° 10’ 0’’N15°48’ 0’’E
Velika Kladuša Velika Kladuša en Bosnia y Herzegovina
Web oficial

Velika Kladuša (Велика Кладуша en alfabeto cirilico) ye una ciudat y municipio situaus en l'extremo noroccidental de Bosnia y Herzegovina, amán d'a muga con Croacia. A ciudat mas amanada ye Cazin, y un poco mas luent se troban Bihać y Bosanski Novi. Ya en Croacia, no ye guaire luent Cetingrado. Administrativament, fa parti d'o Cantón d'Una-Sana, en a rechión historica de Bosanska Krajina y incluyiu aintro d'a Federación de Bosnia y Herzegovina.

O municipio de Velika Kladuša tien tamién chicoz lugars como Mala Kladuša, Todorovo, Podzvizd y muitos atros. A ciudat de Velika Kladuša ye a capital d'o municipio y por ixo ye a on se troban a mayor parti d'os servicios d'a zona, como son hespitals, botigas y edificios administrativos.

Historia

Antis d'a Guerra de Bosnia, a ciudat yera seu d'Agrokomerc, una d'as mayors industrias agroalimentarias de l'antiga Yugoslavia. A empresa naixió a partir d'una chicota grancha ta rematar emplegando a mas de 13.000 treballadors en l'inte de mayor producción. Agrokomerc sobrevivió a la guerra, encara que con una capacidat de producción inferior.

Mientres a guerra, a localidat estió capital de l'autoproclamada Provincia Autonoma de Bosnia Occidental. Una vegada rematau o conflicto belico, estió seu d'o campamento d'as Fuerzas Armadas Canadienses participants baixo mandato d'a OTAN en as fuerzas de mantenimiento de paz IFOR y SFOR entre 1995 y 2003.

Demografía

En l'anyo 2009 a población d'o municipio de Velika Kladuša yera de 46 561 habitants.^[1] A superficie d'o municipio ye de 331 kilometros cuadraus,^[2] con o que a densidat de población yera de 140 habitants por kilometro cuadrau.

Ciudat

En 1991 a ciudad de Velika Kladuša teneba 14.469 residents, clasificaus en:

• 87% bosnios
• 5% serbios
• 4% croatas
• 2% yugoslaus
• 2% atros

Municipio

Composición etnica
Anyo	Serbios	%	Bosnios	%	Croatas	%	Yugoslaus	%	Atros	%	Total
1961	4.489	15,34%	23.585	80,59%	870	2,97%	250	0,85%	73	0,25%	29.267
1971	2.845	7,88%	32.110	88,99%	742	2,05%	191	0,52%	191	0,52%	36.079
1981	2.456	5,39%	40.238	88,39%	701	1,53%	1.758	3,86%	367	0,80%	45.520
1991	2.266	4,28%	48.305	91,29%	740	1,39%	993	1,87%	604	1,14%	52.908

En 2005, cuasi toz os habitants d'o municipio yeran bosnios.

Puntos d'intrés

Mesquita en Velika Kladuša.

• Castiello (Stari Grad) de Velika Kladuša.
• O Bazar (Pijaca).
• Estadio Krajsnik.
• Parque Mujo Hrnjica.
• Piscinas de Mala Kladusa.

Ciudadans importants

• Fikret Abdić, criminal de guerra convicto y autoproclamau presidente d'a "República de Bosnia Occidental".

Se veiga tamién

• Bosnia Occidental
• Cantón d'Una-Sana
• Bosanska Krajina

Referencias

1. Estimación de la población de la Federación de Bosnia y Herzegovina. 30 de chunio de 2009. Bosnia y Herzegovina - Oficina Federal de Estadística
2. Bosnia and Herzegovina. General Information. geohive.com, 27 d'agosto de 2013

Vinclos externos

• Se veigan as imáchens de Commons sobre Velika Kladuša.
• Pachina web oficial de Velika Kladuša
• www.kladuska-raja.com
• www.kladusa.net