اليكسيوس الاول كومنينوس

اليكسيوس الاول كومنينوس
(باللغه يونانى: Ἀλέξιος Κομνηνός)
معلومات شخصيه
الميلاد	سنة 1048 [1][2][3][4][5][6][7]  كونستانتينوپوليس
الوفاة	15 اغسطس 1118 (69–70 سنة)[3][6]  كونستانتينوپوليس
سبب الوفاة	مرض
مواطنه	امبراطوريه بيزنطيه
الزوجة	ايرنا دوكاينا (1078–)[8]
ابناء	انا كومنينا [9][10]،  ويوحنا التانى كومنين ،  واسحاق كومنينوس
الام	آنا دالاسين
معلومات تانيه
المهنه	امبراطور
اللغات المحكيه او المكتوبه	روميه
تعديل مصدري - تعديل

أليكسيوس الاول كومنينوس 1048 - 1118

الامبراطوريه البيزنطيه سنة 1081 بعد ما انكمشت

أليكسيوس الاول كومنينوس - Ἀλέξιος Α' Κομνηνός - ( اتولد 1048 - اتوفى 15 اغسطس 1118 ) امبراطور بيزنطه ( الامبراطوريه البيزنطيه او الامبراطوريه الرومانيه الشرقيه ). حكم من 4 ابريل 1081 لغاية وفاته فى 15 اغسطس 1118 و كان على عرش القسطنطينيه وقت الحمله الصليبيه الاولى ، مؤسس الاسره الكومنينيه Komnenian dynasty ، و ابو الاميره المؤرخه انا كومنينا اللى أرخت لفترة حكمه فى كتابها المهم الكسيادا " ( Αλεξιάδα ). امبراطور بيزنطه كان كمان بيعتبر شخصيه مقدسه بوصفه رئيس الكنيسه البيزنطيه ( اليونانيه ).

اتولد أليكسيوس فى عيله بيزنطيه غنيه و مرموقه و بعد ما خلص تعليمه العسكرى ( 1068 - 1081 ) استولى على عرش بيزنطه سنة 1081 فى ظروف وحشه كانت احوال الامبراطوريه البيزنطيه عماله تتدهور بسبب توسع السلاجقه اللى احتلو اراضى البيزنطيين فى اسيا الصغرى و هجمات قبايل الترك و هجمات النورمانديين اللى استولو على اراضى الامبراطوريه فى ايطاليا و حاولو يستولو على اراضيها فى اوروبا ، لكن اليكسيوس قدر يسيطر على الأوضاع و يهزم النورمانديين الطليان و القبايل التركيه ويدخل فى معاهدات مع السلاجقه اللى كانو قربو جداً من القسطنطينيه عاصمة مملكته ، لكن مشكلته الكبيره حصلت بعد ما استعان باللاتين فى غرب اوروبا و كان غرضه انهم يبعتوله مساعدات عسكريه و مرتزقه عشان يصد السلاجقه و القبايل التركيه لكن البابا اوربان التانى انتهز الفرصه و راح مدشن الحركه الصليبيه ضد المسلمين فى شرق البحر المتوسط فاتدفقت جيوش اللاتين على اراضى الامبراطوريه البيزنطيه و هى فى طريقها للشرق و خربو مدنها و كنايسها و بقو مصدر تهديد كبير على الامبراطوريه و دخل معاهم اليكسيوس فى مناورات سياسيه و عسكريه. قدر اليكسيوس انه يحمى عاصمة السلاجقه قونيا اللى كان فيها سكان يونانيين من الصليبيين و استسلمت له المدينه بدل ما تستسلم للصليبيين اللى كانو ناويين يعملو فيها مدبحه كبيره فأتدهورت علاقتهم بيه اكتر و زاد كرههم ليه. رغم الصعوبات و الظروف اللى واجهها اليكسيوس كان سياسى محنكاشتغل لما فى وسعه لحمايه الامبراطوريه اللى فى الاخر بعد وفاته بحوالى قرن هاجمها الصليبيين و دمروها و استولو عليها وقت الحمله الصليبيه الرابعه سنة 1204.

شوف كمان

الاباطره البيزنطيين

شوف كمان
مسك قبله	البيزنطيين	مسك بعده
نيكيفوروس التالت	مدة الحكم: 1081 - 1118	جون التانى كومنينوس

مصادر

1. وصلة : 118501925  — تاريخ الاطلاع: 9 ابريل 2014 — الرخصة: CC0
2. مُعرِّف المكتبة المفتوحة (OLID): https://openlibrary.org/works/OL6265103A?mode=all — باسم: Alexius I Comnenus Emperor of the East — تاريخ الاطلاع: 9 اكتوبر 2017 — المؤلف: آرون سوارتز — الرخصة: رخصة جنو أفيرو العمومية، الإصدار 3.0
3. معرف الشبكات الاجتماعيه: https://snaccooperative.org/ark:/99166/w6186vxm — باسم: Alexios I Komnenos — تاريخ الاطلاع: 9 اكتوبر 2017
4. المُعرِّف مُتعدِد الأوجه لمُصطلح الموضوع (FAST): https://id.worldcat.org/fast/18438 — باسم: Emperor of the East Alexius I Comnenus — تاريخ الاطلاع: 9 اكتوبر 2017
5. مُعرِّف الضبط الاستنادي في جامعة برشلونة: https://crai.ub.edu/sites/default/files/autoritats/permanent/a1134005 — باسم: Aleix I, Comnè, emperador bizantí
6. مُعرِّف الموسوعة الكتالونية الكبرى (GEC): https://www.enciclopedia.cat/ec-gec-0002207.xml — باسم: Aleix I Comnè — العنوان : Gran Enciclopèdia Catalana — الناشر: Grup Enciclopèdia
7. باسم: Alèssio I (imperatore d'Oriente) — مُعرِّف دي أجوستيني (De Agostini): https://www.sapere.it/enciclopedia/Alèssio+I+(imperatore+d'Oriente).html — الناشر: دي أغوستيني
8. مُعرِّف شخص في موقع "النُبلاء" (thepeerage.com): https://wikidata-externalid-url.toolforge.org/?p=4638&url_prefix=https://www.thepeerage.com/&id=p879.htm#i8787 — تاريخ الاطلاع: 7 اغسطس 2020
9. العنوان : Анна — نشر في: Encyclopedic lexicon. Volume II, 1835
10. العنوان : Анна Комнена — نشر في: Brockhaus and Efron Encyclopedic Dictionary. Volume Iа, 1890

• (انا كومنينا) Anna Komnene, The Alexiad, Penguins Books 2003
• (ستيفين رونسيمان)Runciman, Steven, A history of the Crusades (3 parts). Penguin Books, 1987