فرانكيا
فرانكيا او الامبراطوريه الفرانكيه هى المنطقه اللى سكنها و حكمها الفرنك ( الفرنج ) من القرن التالت للقرن العاشر . و هيا نفسها الامبراطورية الفرانكيه , او مملكة الفرانك , او ارض الفرانك.
الممالك الفرعية الفرنكية بمرور الوقت كانت كتيره ,لكن كلمة فرنكيا مع مرور الايام ارتبطت بمملكة فرعية واحدة و هى مملكة أوستراسيا ، تتركز على نهر الراين, و ساعات كلمة فرنكيا تشمل مملكة نيوستريا شمال لوار وغرب السين ، لكن بمرور الوقت إنحصرت تسمية فرنكيا فى منطقة حوض السين حوالين باريس ، و الايام دى منطقة حوض السين حول باريس اسمها إیل-دو-فرانس - Île-de-France و هو الاسم اللى جه منه اسم مملكة فرنسا كلها.
كان نظام حكم الامبراطورية يعتمد على تقسيم المملكة لممالك فرعيه ، اكبر عملية توسيع الامبراطورية الفرنكية تحت حكم كارل مارتل و ابنه بيبين الاوصيير و ابنه شارلمان بين الاب والابن والحفيد كان فيه حملات مستمرة علشان توسيع الامبراطورية و اكبر اتساع كان فى اوائل القرن التاسع
التاريخ
[تعديل]اصول فرانكيا
[تعديل]اول تسمية فرنكيا فى اللاتينى متسجله من اوائل القرن التالت . فى الوقت ده وصفت منطقة شمال وشرق نهر الراين ، تقريبا فى المثلث بين أوتريخت ، بيليفيلد ، و بون. و دى كانت اراضى القبايل الفرنكيه الساليان و السيكامبرى و التشاماڤى و التشاتوارى و البروكتيرى و اليوسيبيتس و الأمبسيڤارى. شويه من القبايل الفرنكيه دى زى الساليان و السيكامبرى كان ليهم أراضى فى الامبراطورية الرومانية , و كانت بتدى قوات عسكريه للقوات الرومانية على الحدود.
فى 357 دخل ملك الساليان الامبراطورية الرومانية واستولى على أراضى هناك بصفة دايمة منحهاله بمعاهدة جوليان المرتد اللى اضطر التشاماڤى يرجعو لهامالاند, لكن منح قبيلة الساليان الفرنكية صفة الحليفة (foederati) فى توكساندريا حسب ما قال أميانوس مارسيلينوس.
زى مااراضى القبايل الفرنكيه اتوسعت معنى "فرنكيا" وسع معها. رغم إن كتير من ملوك الفرنك اللى كانو عايشين على الاراضى الرومانية زى باوتو و اربوجاستيس كانو فى صف الرومان ، ملوك غيرهم من الفرنك زى مالوباودس كانو نشيطين على الاراضى الرومانية لأسباب تانيه.بعد سقوط اربوجاستيس نجح ابنه ارجيوس فى بداية وضع حكم وراثى فى تراير .بعد سقوط نظام مغتصب الحكم قسطنطين التالت بعض الفرانكس اىًد مغتصب الحكم يوڤينوس (411). رغم يوڤينوس إتقتل 413 , ماقدرتش الامبراطورية الرومانية تدير اراضيها فى فرنكيا او تعتبرها جوه حدودها.
ملك الفرنك ثيودومير أعدمه الرومان بحد السيف ,لكن بدون فايده.
الميروڤينجيين
[تعديل]الميروڤينجيين كانو عيله من قبائل السليان من الفرنكيين. الميروڤينجيين هى اول سلالة حكمت الفرنكيين لحد كبير فى منطقة فرنسا دلوقتى. من نص القرن الخامس لنص القرن التامن.ف السنين الاخرانييه من حكم الميروڤينجيين سلالة الميروفنجيين كانو مجرد حكام صوريين,كارل مارتل اختار إنه مياخدش لقب ملك , و انتها حكم الميروڤينجيين فى انقلاب القصر سنة 751 لما بيبين الاوصيير ابن كارل مارتل شال شيلدريك التالت من الحكم. حكم الميروڤينجيين انتها رسمى فى شهر مارس سنة 752 لما خلع البابا زخارى رسميا شيلدريك التالت اخر ملوك الميروڤينجيين [1][2] و البابا اسطفانوس التانى أكد تانى و اتتوج بيبين الاوصيير مكان شيلدريك سنة 754م . بيبين الاوصيير اختار إنه مياخدش لقب امبراطور, حكم شارلمان إبتدا سنة 768 بعد موت ابوه بيبين القصير. شارلمان اختار إنه ياخد لقب امبراطور ,لكن كل واحد منهم كان الحاكم المطلق لكل اوروبا الغربيه. مصطلح ميروڤينجيين جاى من لاتينى العصور الوسطى Merovingi او Merohingi ("ولاد ميروڤيوس ") و هو تغيير لاسمهم فى الفرانكونى الغربى القديم بشكل من الأشكال ،
مصادر
[تعديل]- ↑ Charles Knight, The English Cyclopaedia: Volume IV, (London : 1867); p. 733 "We have no circumstantial account of this important event, except that Pepin was anointed at Soissons, in March 752, by Boniface, bishop of Mainz, called the Apostle of Germany, before the assembly of the nation."
- ↑ Claudio Rendina & Paul McCusker, The Popes: Histories and Secrets, (New York : 2002), p. 145.