L'emperador bizantín Heracliu cásase cola so sobrina Martina, que se convierte n'emperatriz. Esti, que yera'l so segundu matrimoniu, necesitó, pol gráu de parentescu de los contrayentes, l'aprobación de la Ilesia Católica pa poder celebrase.
El rei merovinxuTeodericu II muerre de disentería en Metz mientres que preparaba una campaña militar escontra'l so antiguu enemigu, Clotariu II. So güela Brunexilda intenta establecer entóncenes una tercera rexencia en nome de su ñetu illexítimu Sixebertu II. Clotariu ordena entonces l'asesinatu de Sixebertu y reunifica'l reinu de los francos. Acusa a Brunexilda, de 70 años d'edá, de tener matao a 10 reis francos, y condénala a ser arrastrada hasta la muerte por un caballu xabaz n'Abbeville.
Mahoma entama la so predicación pública. N'ella esparde'l mensaxe del Islam ya invita a la devoción personal a Alá. Los cabezaleros árabes de La Meca (Arabia Saudita) opónense a cualesquier cambiu nos hábitos relixosos tradicionales.