Aeropuertu Capitán Oriel Lea Plaza

Aeropuertu Capitán Oriel Lea Plaza
Aeropuertu Capitán Oriel Lea Plaza
aeropuertu y aeródromu de tráficu comercial
IATA: TJA • OACI: SLTJ
Llocalización
Coordenaes	21°33′21″S 64°42′05″W / 21.5557°S 64.7013°O / -21.5557; -64.7013
Aeropuertu Capitán Oriel Lea Plaza Aeropuertu Capitán Oriel Lea Plaza (Bolivia)
Altitú	1854,4 m
Historia y usu
Apertura	1932
Ciudá a la que sirve	Tarija
Web oficial

L'Aeropuertu Capitán Oriel Lea Plaza (IATA: TJA, OACI: SLTJ) ye un aeropuertu de la ciudá boliviana de Tarija. Esti aeropuertu ye utilizáu pa vuelos tanto civiles como militares. Foi nomáu n'honor al capitán d'aviación Oriel Lea Plaza'l 20 de xunetu de 1944, quien combatió na Guerra del Chaco y finó'l 31 de marzu de 1943 nun vuelu d'entrenamientu nun Curtiss-Wright CW-22 en La Paz.^[1]

Historia

L'Aeropuertu yá esistía antes de la Guerra del Chaco. Yera unu de los primeros destinos de la entós llinia aérea estatal Lloyd Aereu Bolivianu, que foi fundada en 1925. Aquel día esistíen dos pistes d'aterrizaxe con una llongura de 2000 metros y 1220 metros. Mientres la Guerra del Chaco l'Aeropuertu de Tarija foi una importante base aérea pa la IV Brigada Aérea de la Fuercia Aérea Boliviana. Un usu comercial del aeropuertu nun esistía mientres esi tiempu.^[2]

El 15 d'ochobre de 1958 accidentóse un Douglas C47A-DL del TAM – Tresporte Aereu Militar, que s'atopaba nun vuelu chárter dende la base militar Fortín (Provincia Campero) escontra la ciudá de Tarija. Estrelláronse cerca de Villamontes, nel Departamentu de Tarija contra un cuetu. Los 17 tripulantes y los trés miembros de la tripulación morrieron.^[3]

La terminal aérea empezó la so construcción l'añu 1969, qu'ente 1977 y 1980 tuvo cerrada. La terminal foi anovada a mediaos de la década de los 80.

Accesos

Puede aportase al aeropuertu dende la ciudá tomando Taxis de cualquier empresa. Tamién puede tomase el Micro de la llinia "A" dende y escontra el centru de la ciudá (Mercáu Central).

Destinos y Aereollinies

Anguaño ufiértense vuelos namái a destinos nacionales. Esisten conexones direutes escontra Cochabamba , Santa Cruz de la Sierra, La Paz, Sucre, Trinidá (vía Santa Cruz de la Sierra) y escontra Yacuiba.^[4]

Destinos nacionales

Aereollinies	Destinos
Boliviana d'Aviación	Cochabamba, La Paz, Santa Cruz de la Sierra, Sucre, Yacuiba
Ecojet S.A.	Cochabamba, Santa Cruz de la Sierra, Sucre
TAM Bolivia	Cochabamba, La Paz, Santa Cruz de la Sierra, Sucre, Yacuiba

Enllaces esternos

• L'Aeropuertu en World Aero Data Archiváu 2013-11-09 en Wayback Machine (Inglés)
• L'Aeropuertu Monitoreo de Vuelos

Referencies

1. Capitán Oriel Lea Plaza Faure del 29 d'abril de 2014
2. Historia del Aeropuertu Archiváu 2014-05-02 en Wayback Machine en AviacionBoliviana.net del 14 d'avientu de 2009
3. Descripción d'accidentes na base de datos de la Flight Safety Foundation (inglés)
4. Llista de Destinos del Aeropuertu de Tarija d'alcuerdu a flightmapper.net (inglés)