Alfhild Agrell

Alfhild Agrell
Vida
Nacimientu Härnösands domkyrkoförsamling (en) Traducir[1], 14 de xineru de 1849[2]
Nacionalidá Bandera de Suecia Suecia [3]
Muerte Bredestad (en) Traducir[4], 8 de payares de 1923[4] (74 años)
Sepultura Säbrå Church (en) Traducir[5]
Estudios
Llingües falaes suecu
Oficiu escritora, dramaturga
Llugares de trabayu Estocolmu
Premios
Seudónimos Thyra, Lovisa Petterkvist y Stig Stigson
Cambiar los datos en Wikidata

Alfhild Teresia Agrell (14 de xineru de 1849, Härnösands domkyrkoförsamling (en) Traducir – 8 de payares de 1923, Bredestad (en) Traducir) foi una escritora y dramaturga sueca. Ye conocida polos sos trabayos sobre la igualdá sexual, en contraposición al doble moral sexual contemporánea, y por tal, parte del famosu Sedlighetsdebatten.

Vida

[editar | editar la fonte]
Alfhild Agrell con 16 años.

Foi fía de Erik Johan Martin y Karolina Margareta Adolphson. Dende 1868 hasta que 1895 tuvo casada con Albert Agrell.

Alfhild Agrell emplegó mientres un tiempu los seudónimos Thyra, Lovisa Petterqvist y Stig Stigson, pero llueu empezó a utilizar el so nome real, lo cual yera inusual pa una muyer. Por casu, otres dramaturgues sueques famoses del mesmu sieglu, como les hermanes Louise y Jeanette Granberg, usaben seudónimos masculinos. La tema nel que se centró, el doble moral sexual, yera bien escandalosu pa la so dómina.

Alfhild Agrell foi una collaboradora importante a la causa de la igualdá de xéneru al respective de la sexualidá. Nes sos obres remana les cuestiones y consecuencies de la inxusticia sexual o'l doble moral sexual (como'l fechu de qu'una muyer tea sometida al despreciu cuando ella fai lo mesmo qu'un home los asuntos sexuales); les cuestiones de tener una "mala reputación" y de la culpa impuesta na muyer y non nel home cuando un neñu nacía fuera del matrimoniu; y les dificultaes qu'esistíen cuando una muyer de clase baxa y un home de clase alta namorábense, y les consecuencies de tal rellación.

Agrell amosábase pesimista al respective de la esperanza de que dalgún día muyeres y homes llograren la igualdá sexual, y duldaba qu'una muyer pudiera atopar tal cosa nel matrimoniu, onde ella por llei atopábase bien acutada y supeditada a los caprichos del so home.

Obres

[editar | editar la fonte]
  • Räddad, ("Salvada"), 1883, obra teatral
  • Dömd, ("Xulgada"),1884, obra teatral
  • Ensam, ("Sola"), 1886, obra teatral
  • Vår, ("Primavera"), 1889, obra teatral
  • Ingrid, 1900, obra teatral
  • Småstadsliv, ("Vida de pueblu"), 1884
  • Från land och stad, ("Del campu a la ciudá"), 1884, coleición de noveles.
  • På landsbygden, ("Nel campu"), 1887
  • Norrlandsgubbar och Norrlandsgummor, ("Vieyes y vieyos en Norrland"), 1899-1900
  • Vad ingen ser,, ("Lo que naide ve"), 1885
  • I Estocolmo, ("N'Estocolmu"), 1893
  • Hemma i Jockmock, ("En casa, en Jockmock"), 1896
  • Nordanifrån, ("Dende'l norte"),1898
  • Guds drömmare, ("Visionaria de Dios"),1904
  • Norrlandshumör, ("Temperamentu de Norrland"),1910

Referencies

[editar | editar la fonte]
  1. ↑ Afirmao en: Diccionario Biográfico Sueco. Identificador Diccionario Biográfico Sueco: 5599. Títulu: Alfhild Teresia Agrell (f. Martin). Llingua de la obra o nome: suecu.
  2. ↑ «Härnösands domkyrkoförsamlings kyrkoarkiv, Födelse- och dopböcker, SE/HLA/1010081/C I/4 (1834-1860), bildid: C0032991_00117». Swedish church birth records páxs. 104. Consultáu'l 28 abril 2018. «Januar,14,Febr,10,Alfhild Theresia, Sockenbag(are) Martin och hustru 30-35...»
  3. ↑ Afirmao en: LIBRIS. Identificador de Libris: xv8b5m1g4l89sb6. Data d'espublización: 26 setiembre 2012. Data de consulta: 24 agostu 2018. Editorial: Biblioteca Nacional de Suecia.
  4. ↑ 4,0 4,1 Afirmao en: Sveriges dödbok. Data de consulta: 28 abril 2018. Apaez como: 18490114 Agrell f. Martin, Alfhild Teresia.
  5. ↑ URL de la referencia: http://www.finngraven.se/(S(wya0mvdkaif5hzqcpixxtu4o))/DisplayInfo.aspx?id=1077477. Data de consulta: 13 marzu 2018. Apaez como: Alfhild Agrell. Editorial: FinnGraven.se.
  6. ↑ Data de consulta: 26 agostu 2020. Identificador de Handle System: 2077/44293. Títulu: Utser fru Alice Bonthron, banbryterskan inom svensk vanförevård.. Tomu: 1923:1. Páxina: 3.
  • Carin Österberg: Svenska kvinnor: Föregångare, pionjärer (Muyeres sueques: predecesores, pioneres) 1990 (En suecu)

Enllaces esternos

[editar | editar la fonte]