Beau Garrett

Beau Garrett
Vida
Nacimientu Los Angeles, 28 d'avientu de 1982 (41 años)
Nacionalidá Bandera de Estaos Xuníos d'América Estaos Xuníos
Llingua materna inglés
Estudios
Llingües falaes inglés
Oficiu actriz, modelu, actriz de televisión, actriz de cine
Altor 178 cm
IMDb nm1683768
Cambiar los datos en Wikidata

Beau Garrett Jessie (28 d'avientu de 1982, Los Angeles) ye una actriz y modelu d'Estaos Xuníos conocida pol so personaxe de Gem na película Tron: Legacy.

Garrett nació na ciudá de Beverly Hills, y crióse na ciudá de Topanga; dambes ciudaes nel estáu de California.

Ella empezó la so carrera de modelu a finales de la década de los 90 cuando foi contratada pola firma de moda Guess?. Na actualidá ella ye imaxe de la firma de cosméticos Revlon, xunto a les actrices Halle Berry, Jessica Biel, Jennifer Connelly y Jessica Alba. Garrett tamién modeló para Cosmogirl y Double D Ranch. Ella tien un contratu cola empresa Vision Model Management L.A.

Garrett foi la protagonista femenina del videoclip del cantar "Cold" de la banda Crossfade.

El primer trabayu de Garrett como actriz foi con un personaxe secundariu nun episodiu de la serie de televisión North Shore, llamáu Meteor Shower y emitíu per primer vegada'l 5 de xunetu de 2004. Ella tamién trabayó en dos episodios de la serie Entourage emitíos n'agostu de 2004. Dende entós Garrett trabayó en distintes series de televisión como Head Cases, Wildfire, House, Warren the Ape, Criminal Minds, y The Glades; xeneralmente con intervenciones por unu o dos episodios.

Nel cine'l so primer trabayu foi na película de terror y misteriu Turistes estrenada nel 2006. Depués trabayó en delles películes, ente elles Fantastic Four: Rise of the Silver Surfer.

Nel 2010 el so trabayu (anque con un personaxe secundariu) nel ésitu de taquilla y fenómenu de la cultura popular Tron: Legacy promete dar más proyeición a la so carrera actoral.

Referencies

[editar | editar la fonte]

Enllaces esternos

[editar | editar la fonte]