Bosón

Bosón
tipu de partícula cuántica y Teoría científica
partícula cuántica ^(es)

Los bosones son partícules d'espín enteru que, por tanto, satisfacen la estadística de Bose-Einstein.

Los bosones, según el modelu estándar de la física, son partícules tresmisores de les fuercies: los fotones pol electromagnetismu, los bosones W y Z , pola interaición débil, los gluones por fuercia nuclear fuerte. A altes enerxíes, o dichu d'otru xeitu, a distancies menores que'l diámetru del protón, l'electromagnetismu y la interaición débil son dos aspectos de la fuercia electrodébil. Considérase que'l fotón y el Gluón nun tienen masa.

Toles partícules elementales son bosones o fermiones.

Los bosones, a la inversa de los fermiones nun tán suxetos al Principiu d'esclusión de Pauli, por tanto, un númberu ilimitáu de bosones puen asitiase nel mesmu estáu cuánticu al mesmu tiempu. Esto amuesa que, a baxes temperatures, los bosones compórtense de mou mui diferente que los fermiones; toles partícules tienen tendencia a congregase toes xuntes nel estáu cuánticu de más baxa d'enerxía posible (l'estáu fundamental), formando un condensáu de Bose-Einstein. La estadística de Bose-Einstein foi introducida polos fotones en 1924 por Bose y xeneralizada por Albert Einstein pa los átomos en 1925.

Exemplos de bosones

• Fotones, son los intermediarios na fuercia lletromagnética.
• Bosones W y Z, yeren los intermediarios na interaición débil.
• Gluones, son los intermediarios de la interaición fuerte.
• Átomos d'Heliu-4 (bosones compuestos).
• Bosones de Higgs.
• Fonones (escitaciones coleutives en sólidos).

La función de distribución de Bose-Einstein

La función de distribución f(E) ye la probabilidá de que una partícula s'atope nún estáu d'enerxía E. Pal casu de partícules que obedecen l'estadística de Bose-Einstein ye:

${\displaystyle f_{BE}(E)={\frac {1}{A\exp(E/k_{B}T)-1}}}$

on

E ye la enerxía,

k_B ye la constante de Boltzmann,

T ye la temperatura absoluta, y

A ye una constante de normalitzación tal que ${\displaystyle \int _{0}^{\infty }dEf(E)=N}$, essent N el nome total de partícules del sistema.

Referencies

Enllaces esternos

• Wikimedia Commons acueye conteníu multimedia sobre Bosón.