Charles Aaron Smith, conocíu como Bubba Smith (28 de febreru de 1945, Beaumont y Orange (es) – 3 d'agostu de 2011, Los Angeles) foi un actor y xugador de fútbol americanu d'Estaos Xuníos. Yera conocíu pol so gran estatura (2 metros).
Smith empezó a xugar nel equipu de fútbol de la Universidá Estatal de Michigan. En 1965 y 1966 foi gallardoniáu con tou los honores como meyor xugador americanu. Na so temporada senior, xugó'l "partíu del sieglu" (rematáu en 10-10 contra la Universidá de Notre Dame). Michigan remató segunda por detrás de Notre Dame nel campeonatu nacional. En 1988 foi incluyíu nel Salón de la fama de la universidá. Na Universidá de Michigan foi un atleta popular al que se-y punxo'l eslogan "Kill Bubba Kill" (Matu Bubba, Mata).
El 23 de setiembre de 2006, la Universidá Estatal de Michigan retiró la so camiseta col so dosal 95 enantes del partíu de los Spartans frente a Notre Dame, partíu que sirvió pa remembrar el cuarentenu aniversariu del partíu del sieglu, nel mesmu, pudo oyese vítores per parte del públicu a Smith mientres entonaben el yá mentáu eslogan.
Smith tuvo nueve temporaes na NFL na posición d'ala defensivu. Nel draft de 1967 fichó por Baltimore Colts con quien ganó una Super Bowl a la fin de la temporada en 1970 llogrando'l so primera y únicu aniellu. Sicasí, nes entrevistes siempres declaró que nunca se lo punxo yá que-y paecía engarrosu xugar col oxetu. Antes del entamu de la temporada de 1972 ficho por Oakland Raiders y remató la so carrera en Houston Oilers. Foi escoyíu xugador profesional del añu y dos na so conferencia y llogró dos Pro Bowls
Temporada | Equipu | Categoría |
---|---|---|
1965-66 | Michigan State Spartans | NCAA I |
1967-71 | Baltimore Colts | NFL |
1973-74 | Oakland Raiders | NFL |
1975-78 | Houston Oilers | NFL |
Bubba Smith | |||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Vida | |||||||||||||||||||||||||||||||||||||||||
Nacimientu | Beaumont y Orange (es) , 28 de febreru de 1945[1] | ||||||||||||||||||||||||||||||||||||||||
Nacionalidá | Estaos Xuníos | ||||||||||||||||||||||||||||||||||||||||
Llingua materna | inglés | ||||||||||||||||||||||||||||||||||||||||
Muerte | Los Angeles, 3 d'agostu de 2011[2] (66 años) | ||||||||||||||||||||||||||||||||||||||||
Causa de la muerte | paru cardiorrespiratoriu | ||||||||||||||||||||||||||||||||||||||||
Familia | |||||||||||||||||||||||||||||||||||||||||
Hermanos/es | Tody Smith | ||||||||||||||||||||||||||||||||||||||||
Estudios | |||||||||||||||||||||||||||||||||||||||||
Estudios |
Universidá de Michigan State Charlton-Pollard High School (en) | ||||||||||||||||||||||||||||||||||||||||
Llingües falaes | inglés[3] | ||||||||||||||||||||||||||||||||||||||||
Oficiu | |||||||||||||||||||||||||||||||||||||||||
Oficiu | actor de televisión, actor de cine, xugador de fútbol americanu, actor | ||||||||||||||||||||||||||||||||||||||||
| |||||||||||||||||||||||||||||||||||||||||
Posición o especialidá | defensive end (es) | ||||||||||||||||||||||||||||||||||||||||
Pesu | 120 kg | ||||||||||||||||||||||||||||||||||||||||
Altor | 201 cm | ||||||||||||||||||||||||||||||||||||||||
IMDb | nm0807571 | ||||||||||||||||||||||||||||||||||||||||
En retirándose del fútbol profesional, Smith empezó la so carrera como actor en pequeñes películes y papeles televisivos de los 70 y 80. El papel que más fama -y dio como actor foi'l de Moses Hightower na pelicula(y les sos remortines) Police Academy, papel qu'interpretó en seis de los siete producciones. Mientres un tiempu foi voceru d'una firma d'abogaos del área de Baltimore. Na pequeña pantalla, Smith protagonizó la serie Relampago Azul xunto col so amigu y tamién futbolista, Dick Butkus.
El 3 d'agostu de 2011, Smith foi atopáu ensin vida na so casa de Baldwin Hills, Los Angeles pol porteru de la finca. Según determina l'autopsia, la causa del fallecimientu deber pola ingesta considerable de Fentermina: una droga endelgazadora. El so corazón aumentó de tamañu considerablemente anque consiguiera controlar el ritmu.[4][5][6][7][8]