Carl von Linné

Carl von Linné
Vida
Nacimientu	Råshult ^(es) [1], 23 de mayu de 1707[2]
Nacionalidá	Suecia [3]
Llingua materna	suecu
Muerte	Linnaeus Hammarby ^(es) [4], 10 de xineru de 1778[5] (70 años)
Sepultura	Catedral d'Uppsala[6]
Familia
Padre	Nils Ingemarsson Linnaeus
Madre	Christina Brodersonia
Casáu con	Sara Elisabeth Moræa
Fíos/es	Carlos Linneo el Joven ^(es) [7] Elisabeth Christina von Linné Lovisa von Linné ^(es) Sara Christina von Linné
Hermanos/es	Anna Maria Linnæ ^(es) Emerentia Linnéová Sofia Juliana Collin Samuel Linnaeus
Pueblu	Linné family ^(en)
Estudios
Estudios	Universidá de Lund (1727 - : medicina Universidá d'Uppsala (1728 - : medicina Universidá de Harderwijk (1735 - 1735) doctor en medicina : medicina
Nivel d'estudios	doctor en medicina
Direutor de tesis	Olof Rudbeck el Mozu Johannes de Gorter
Direutor de tesis de	Fredric Hasselquist Carl Peter Thunberg Anders Sparrman Peter Forsskål Anton Rolandsson Martin Alexander von Karamyschew Matvej Ivanovitj Afonin
Llingües falaes	llatín[8] suecu[9]
Alumnu de	Lars Roberg Olof Celsius
Profesor de	Peter Ascanius Carl Magnus Blom Carl Fredrik Adler Clas Alströmer Matvej Ivanovitj Afonin Adam Afzelius Erik Acharius Peter Jonas Bergius Andreas Berlin Nicolaas Laurens Burman Martin Vahl Charles de Géer Pehr Kalm Alexander von Karamyschew Carl Alexander Clerck Pehr Löfling Anton Rolandsson Martin Pehr Osbeck Daniel Rolander Göran Rothman Daniel Solander Olof Torén Christopher Tärnström Johan Christian Fabricius Johan Peter Falck Johann Christian Daniel von Schreber Jakob Friedrich Ehrhart Andreas Rydén Johann Gerhard Koenig ^(es) Matheus Aphonin ^(en)
Oficiu	xeólogu, profesor, botánicu, médicu, autobiógrafu, biólogu, micólogu, pteridólogu, briólogu, zoólogu, entomólogu, ornitólogu, naturalista, aracnólogu, mineraloxista
Llugares de trabayu	Uppsala y Estocolmu
Emplegadores	Universidá d'Uppsala
Trabayos destacaos	Systema naturæ Species Plantarum Genera Plantarum Fundamenta Botanica Critica Botanica Bibliotheca Botanica ^(es) Amoenitates Academicae Hortus Cliffortianus Musa Cliffortiana ^(en) Methodus ^(en) Praeludia Sponsaliorum Plantarum ^(en)
Premios	ver Caballero de la Orden de la Estrella Polar  (1753) [10]
Miembru de	Academia Prusiana de les Ciencies Academia Alemana de les Ciencies Naturales Leopoldina Royal Society Real Academia de les Ciencies de Suecia Academia de Ciencies de San Petersburgu Real Academia Danesa de Ciencias y Letras ^(es) Royal Norwegian Society of Sciences and Letters ^(en) Academia Francesa de les Ciencies Sociedá Filosófica Americana
Abreviatura en botánica	L. (IPNI)
Abreviatura en zooloxía	Linnaeus
Creencies
Relixón	Ilesia de Suecia

Carlos Linneo (Carl von Linné en suecu, Råshult, Suecia, 23 de mayu de 1707 – Uppsala, 10 de xineru de 1778), foi un científicu, naturalista, botánicu y zoólogu suecu que sentó les bases de la taxonomía moderna.

El so nome de nacencia yera Carl Nilsson (Carl, fíu de Nils, yá que so pá nomábase Nils Ingemarson). Pa la so inscripción na universidá de Lund, Nils escoyere l'apellíu Linnaeus, creáu de magar la pallabra linn (teya). Carl, siguiendo les modes de la época, a lo llargo de la so vida emplegó hasta nueve variantes del so nome. Escribió los sos trabayos como Carolus Linnæus y acompaña los nomes científicos como Linnaeus, (llatín), polo que'l so nome camuda n'otros idiomes: en suecu ( Carl von Linné ), en francés (Carl Linné) o en castellanu (tradicionalmente Carlos Linneo).

Ye l'autor d'una clasificación na que los entamos cimeros tán na bas de la taxonomía científica.

Nomina si nescis, perit et cognitio rerum.

(Si ignores el nome de les cosas, desapaez tamién lu que sabes d'elles)

Carlos Linneo en 1755.

Ye consideráu ún de los padres de la ecoloxía.

Biografía

Nacíu en Rashult, nel municipiu d'Almhult, condáu de Kronoberg en Småland, fíu de Nils Ingemarsson, un vicariu luteranu, y de Kristina Brodersonia, fía d'un pastor luteranu. Dende la edá de cinco años el mozu Carlos cultivó'l so propiu cachu del xardín parroquial. Destináu a una carrera eclesiástica, a los 9 años unvíenlu a la escuela de Växjö viviendo en casa del maestru llocal. Algama vencer la torga familiar y entama los sos estudios de medicina na Universidá de Lund en 1727 y treslládase al añu siguiente a la Universidá d'Uppsala. Los estudios médicos de la dómina incluyen la fechura de melecines y la botánica. Entra en contauto con científicos como Olof Celsius, Peter Artedi, Lars Roberg y Olof Rudbeck fíu, naturalista que lu contrata como preceptor de la so bayura de fíos.

Ellí, con 24 años, idea la so clasificación de les plantes siguiendo los sos muérganos reproductivos y entama a esponela nel so Hortus uplandicus.

Lleva a cabu misiones científiques (incluyendo aspeutos xeolóxicos y antropolóxicos) en Laponia y Dalecarlia, por encargu de l'Academia de Ciencies d'Uppsala. Naguando por obtener el so diploma de medicina y cierta reconocencia que-y permita estabilidá económica decide abandonar el país.

La taxonomía de Linneo

Artículu principal: Taxonomía de Linneo

Influyenciáu por botánicos anteriores, especialmente por Otto Brunfels, Linneo pon a puntu un sistema, la nomenclatura binominal que permite nomar con precisión toles especies d'animales y vexetales (y llega a estender esti sistema a los minerales) sirviéndose pa ello de dos términos: el xéneru (que s'escribe con mayúscula inicial) y l'epítetu específicu (escritu con minúscula anicial), dambos en xeneral d'orixe llatín, anque a vegaes s'use'l griegu o otru (cuando l'orixe nun ye llatín, "llatinízase" el nome emplegáu). La especie nómase colos dos términos citaos, qu'han ser escritos en cursiva o sorrayaos; cuando nun esista riesgu de tracamundiu almítese la escritura de la especie escribiendo'l xéneru de mou encurtiáu utilizando l'anicial (mayúscula) y el puntu siguíu del epítetu. Esti sistema binominal permite evitar la imprecisión de los nomes vernáculos que camuden ente los estremaos países cuando non ente les estremaes fasteres o rexones.

Linnaea borealis, flor lapona, que se convirtió nel símbolu de Linneo.

Tamién agrupó los reinos, en filos, los filos en clases, les clases n'órdenes, los órdenes en families, les families en xéneros y los xéneros n'especies y foi'l primeru n'usar los símbolos del escudu y la llanza de Marte pa señalar al machu y l'espeyu de Venus pa indicar la fema.

La so influyencia

Philibert Commerson puo escribir el so tratáu d'ictioloxía gracies a la collaboración de Linneo. Caltuvo tamién correspondencia con otres persones, como Frédéric-Louis Allamand.

Ente los sos alumnos, pueden citase a Anders Dahl, Daniel Solander, Johan Christian Fabricius, Martin Vahl o Charles de Géer.

Tamién hai que citar al naturalista suecu Peter Artedi (1705-1735). Dambos conociéronse na Universidá d'Uppsala, y trabaron amistá enantes de separase, cuando Linneo viaxó a Laponia y Artedi a Gran Bretaña. Primero de separase, lléguense mutuamente los sos manuscritos en casu de muerte. Artedi afuégase nun accidente n'Ámsterdam, u acababa de componer el catálogu de les coleiciones d'ictioloxía d'Albertus Seba (1665-1736). Acordies a lo afitao, Linneo hereda los manuscritos d'Artedi. Espublízalos baxo'l títulu de Bibliotheca Ichthyologica y de Philosophia Ichthyologica, xunto a una biografía del so autor en Leiden en 1738.

La so influencia estiéndese a tolos continentes gracies a los sos discípulos: Pehr Kalm n'América del Norte, Fredric Hasselquist n'Exiptu y Palestina, Pehr Forsskål n'Oriente Mediu, Pehr Löfling en Venezuela, Pehr Osbeck en China y el Sureste asiáticu, Carl Peter Thunberg en Xapón...

Obres principales

(la data indica ye la de primer edición)

• Præludia sponsaliarum plantarum (1729)
• Fundamenta botanica quae majorum operum prodromi instar theoriam scientiae botanices per breves aphorismos tradunt (1732)
• Systema naturae (1735-1770) [Systema naturae per regna tria naturae, secundum classes, ordines, genera, species, cum characteribus, differentiis, synonymis, locis], con 13 ediciones corregidas y aumentadas.
• Fundamenta botanica (1735)
• Bibliotheca botanica (1736) [Bibliotheca botanica recensens libros plus mille de plantis huc usque editos secundum systema auctorum naturale in classes, ordines, genera et species]
• Critica botanica (1736)
• Genera plantarum (Ratio operis) (1737)
• Corollarium generum plantarum (1737)
• Flora lapponica (1737) [Flora lapponica exhibens plantas per Lapponiam Crescentes, secundum Systema Sexuale Collectas in Itinere Impensis]
• Ichthyologia (1738), en que publicó los trabajos de Peter Artedi fallecido accidentalmente.
• Classes plantarum (1738), en Bibliotheca Augustana
• Hortus Cliffortiana (1738)
• Philosophia botanica (1751)
• Metamorphosis plantarum (1755)
• Animalium specierum, Leyde: Haak, (1759)
• Fundamentum fructificationis (1762)
• Fructus esculenti (1763)
• Fundamentorum botanicorum partes I et II (1768)
• Fundamentorum botanicorum tomoi (1787)

Ver tamién

• Taxonomía
• Bioloxía sistemática

Referencies

1. Afirmao en: Gran Enciclopedia Soviética (1969–1978). Sección, versículu o párrafu: Линней Карл. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
2. Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
3. Afirmao en: LIBRIS. Identificador de Libris: c9prv8dw4nhccx1. Data d'espublización: 26 marzu 2018. Data de consulta: 24 agostu 2018.
4. URL de la referencia: http://digitallibrary.amnh.org/dspace/bitstream/handle/2246/5826//v3/dspace/updateIngest/pdfs/0096-0113_bios05.pdf?sequence=14. Direición web d'archivu: https://web.archive.org/web/20190918172039/http://digitallibrary.amnh.org/dspace/bitstream/handle/2246/5826//v3/dspace/updateIngest/pdfs/0096-0113_bios05.pdf?sequence=14. Data d'archivu: 18 setiembre 2019.
5. Identificador Diccionario Biográfico Sueco: 10735. Autor: Gunnar Eriksson. Títulu: Carl Linné (von). Data de consulta: 16 marzu 2017. Parte de: Issue 23 (1980-1981). Páxina: 700.
6. URL de la referencia: https://planetenuppsala.se/sevaerdheter/historiska-platser-i-uppsala/168-carl-von-linnes-grav-i-domkyrkan. Data de consulta: 6 febreru 2020.
7. Afirmao en: Diccionario Biográfico Sueco. Identificador Diccionario Biográfico Sueco: 10736. Llingua de la obra o nome: suecu.
8. «Carl von Linné». Consultáu'l 13 abril 2016. «Linnaeus only spoke two languages fluently - Swedish, and Latin!»
9. Afirmao en: autoridaes BNF. Identificador BnF: 130917536. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
10. Afirmao en: The National Biography of Finland. Identificador de Kansallisbiografia: 9166. Data de consulta: 23 xineru 2024. Editorial: Sociedad de Literatura Finesa. Llingua de la obra o nome: finlandés. ISSN: 1799-4349.
11. Afirmao en: NNDB. Llingua de la obra o nome: inglés.

Enllaces esternos

• Wikimedia Commons tien conteníu multimedia tocante a Carlos Linneo.

Wikispecies tien un artículu sobre Carlos Linneo.

• «12653-1», International Plant Names Index, Real Xardín Botánicu de Kew, Herbariu de la Universidá de Harvard y Herbariu nacional Australianu (eds.), http://www.ipni.org/ipni/idPlantNameSearch.do?id=Carlos+Linneo 

• Biografía de Carlos Linneo Archiváu 2006-10-05 en Wayback Machine (n'inglés)
• Bioscope, clasificación de los seres vivos (en francés)