Chantal Van Landeghem

Chantal Van Landeghem
Vida
Nacimientu Winnipeg, 5 de marzu de 1994 (30 años)
Nacionalidá Bandera de Canadá Canadá
Estudios
Estudios Universidá de Georgia
Oficiu
Oficiu nadadora
Pesu 77 kg
Altor 1,8 m
Cambiar los datos en Wikidata

Chantal Van Landeghem (5 de marzu de 1994, Winnipeg)[1] ye una nadadora canadiense especializada nos eventos estilu llibre y caparina. Nos Xuegos Olímpicos de Rio de Janeiro 2016, ganó, xunto a Penelope Oleksiak, Taylor Ruck y Sandrine Mainville, el bronce nel relevu 4 x 100 metros llibres. Esa foi la primer medaya nesi eventu pa Canadá en cuarenta años[2]

Nel Campeonatu Mundial de Natación de 2011, Van Landeghem compitió nel relevu 4 x 100 metros estilu llibre. El so equipu remató en sestu llugar. Esi mesmu añu, participó nel Campeonatu Júnior, onde llogró la plata nos 100 metros y nel relevu 4 x 100 metros, dambos estilu llibre, y bronce nos 50 metros estilu llombu y caparina. Dos años dempués, formó parte nel equipu sénior del Campeonatu Mundial de Barcelona. Nesa ocasión, remató en novenu llugar nos 50 metros llibres.[3]

Más tarde, nos Xuegos Panamericanos de 2015 llogró l'oru nos 100 metros llibres y formó parte del equipu que venció nel relevu 4 x 100 metros estilu llibre; en dambos casos estableció nueves marques panamericanes.[4] Poles sos resultaos foi nomada Atleta Femenina de Manitoba del Añu.[5] Tamién estudia y compite pa la Universidá de Georgia.[3]

Referencies

[editar | editar la fonte]
  1. ↑ «Chantal Van Landeghem». Consultáu'l 8 d'agostu de 2016.
  2. ↑ Gatehouse, Jonathon (7 d'agostu de 2016). The Young and the Fast: Canada wins relay bronze in Rio. http://www.macleans.ca/olympics/canadian-swimmers-win-relay-bronze/. Consultáu'l 8 d'agostu de 2016. 
  3. ↑ 3,0 3,1 «Chantal Van Landeghem». Archiváu dende l'orixinal, el 2017-03-19. Consultáu'l 8 d'agostu de 2016.
  4. ↑ «Chantal Van Landeghem». Consultáu'l 8 d'agostu de 2016.
  5. ↑ Hobson, Russ (10 d'abril de 2016). Chantal Van Landeghem qualifies for Rio Olympics. Global News. http://globalnews.ca/news/2629419/chantal-van-landeghem-qualifies-for-rio-olympics/. Consultáu'l 8 d'agostu de 2016. 

Enllaces esternos

[editar | editar la fonte]