Claudia Wells

Claudia Wells
Vida
Nacimientu	Kuala Lumpur, 5 de xunetu de 1966[1] (58 años)
Nacionalidá	Estaos Xuníos Malasia
Llingua materna	inglés
Estudios
Llingües falaes	inglés
Oficiu	actriz, actriz de cine, actriz de televisión, entamadora
IMDb	nm0920148
claudiawells.com

Claudia Grace Wells (nacida'l 5 de xunetu de 1966) ye una actriz d'Estaos Xuníos.

Biografía

Nació en Kuala Lumpur, Malasia, y creció en San Francisco. Dempués de delles interpretaciones en series de televisión, ganó fama na película de 1985 Back to the Future, interpretando a Jennifer Parker, la novia de Marty McFly. Sicasí, por cuenta de que la so madre foi diagnosticada de cáncer, nun taba disponible pa siguir col so papel en Back to the Future II y Back to the Future III, y foi sustituyida por Elisabeth Shue.

Tamién en 1985, coprotagonizó Stop the Madness, un videu musical en contra de les drogues patrocináu pola alministración de Reagan, ufiertándolo a dellos músicos, axentes y atletes famosos. Al añu siguiente apaeció na película Babies Having Babies y na serie de curtia duración Fast Times (Tiempos rápidos), una adautación de la popular película de 1982 Aquel escitante cursu (Fast Times at Ridgemont High).

Dempués de Fast Times nun apaeció otra vegada en pantalla hasta 1996 na película independiente Still Waters Burn (llanzada a DVD el 12 de febreru de 2008).

Dende 1991, ye propietaria d'un almacén de ropa pa homes en Studio City, California, llamáu Armani Wells.

En 2011, apurrió la so voz pal personaxe de Jennifer Parker nel videoxuegu Back to the Future: The Game, creáu por Telltale Games.^[2]

Filmografía

• 1981: Rise and Shine (serie de televisión) - Patsy D'Allisandro
• 1982: Herbie, the Love Bug (serie de televisión) - Julie MacLane
• 1983: Lovers and Other Strangers (serie de televisión) - Mary Claire Delvecchio
• 1984: Anatomy of an Illness (televisión) - Sarakit
• 1984: Hear Me Cry (televisión) - Wendy
• 1984: Off the Rack (serie de televisión) - Shannon Halloran
• 1985: Able to Do (televisión)
• 1985: Back to the Future - Jennifer Parker
• 1986: Babies Having Babies (televisión) - Lisa *

1986: Fast Times (serie de televisión) - Linda Barrett

• 1996: Still Waters Burn - Laura Harper

Referencies

1. Afirmao en: Internet Movie Database. Identificador IMDb: nm0920148. Data de consulta: 8 xunetu 2016. Llingua de la obra o nome: inglés.
2. «Back To The Future Episode 1: It's About Time Video Game, Exclusive Behind The Scenes Part IV: How We Got Jennifer HD». GameTrailers.com. Consultáu'l 24 de marzu de 2011.

Enllaces esternos

• Claudia Wells na Internet Movie Database (n'inglés)