Daouda Malam Wanké

Daouda Malam Wanké
President of Niger ^(en) 11 abril 1999 - 22 avientu 1999 ← Ibrahim Baré Maïnassara - Mamadou Tandja →
Vida
Nacimientu	Yélou ^(es) , 6 de mayu de 1946
Nacionalidá	Níxer
Muerte	Niaméi, 15 de setiembre de 2004 (58 años)
Estudios
Llingües falaes	francés[1]
Oficiu	políticu, militar
Miembru de	Conseil du Salut National ^(en) Conseil de Réconciliation Nationale ^(en)
Creencies
Partíu políticu	Movimiento Nacional para la Sociedad del Desarrollo ^(es)

Daouda Malam Wanké (6 de mayu de 1946, Yélou ^(es)  – 15 de setiembre de 2004, Niaméi) foi un políticu de Níxer, presidente del so país en 1999.

El so añu de nacencia ye aldericáu. Nació nuna llocalidá cerca de Niamey. Entró al Exércitu nixerín, algamando'l grau de coronel. El 9 d'abril de 1999, llevó a cabu un golpe d'Estáu militar contra'l presidente Ibrahim Baré Maïnassara. Ésti (que llegara de la mesma al poder por otru golpe trés años antes) foi asesináu. Mientres dos díes, la incertidume política reinó en Níxer, una y bones el primer ministru, Ibrahim Hassane Mayaki, y dellos otros reclamaben la Presidencia. El 11 d'abril, finalmente, Wanké asumió'l cargu, dirixendo un gobiernu de transición que prometió celebrar eleiciones a fines d'esi añu.

El gobiernu de Wanké cumplió la so promesa, y apurrió el poder al presidente electu, Tandja Mamadou, n'avientu de 1999.

Wanké tenía munchos problemes de salú, incluyendo enfermedaes cardiovasculares y una alta presión arterial. Mientres los últimos meses de la so vida, viaxó a Libia, Marruecos y Suiza pa sometese a tratamientu médicu. Finalmente finó en Niamey, sobreviviéndo-y la so esposa y los sos trés fíos.

Referencies

1. URL de la referencia: https://www.jeuneafrique.com/88535/archives-thematique/mallam-wank-un-amnisti-de-moins/.

Enllaces esternos

Predecesor: Ibrahim Baré Maïnassara

Presidente de Níxer 1999

Socesor: Tandja Mamadou