Escandinavia

Escandinavia
Situación
Tipu rexón xeográfica
Parte de Fenoscandia
Asitiáu en mar del Norte
Coordenaes 64°46′47″N 14°45′39″E / 64.779642°N 14.760936°E / 64.779642; 14.760936
Datos
Cambiar los datos en Wikidata

Escandinavia[1] ye una rexón del norte d'Europa. El términu «Escandinavia» o l'antiguu términu «Scandia», utilizáu en mapes romanos, puede faer referencia a dellos significaos:

Coles mesmes, la perceición esterna ye tamién variada:

  • Dende'l puntu de vista alemán, Noruega, Suecia y Finlandia conformen Escandinavia, pero Dinamarca nun ye parte d'ella. N'ocasiones en Dinamarca nun se sienten parte d'Escandinavia, al nun tener tradiciones culturales como esquiar na ñeve, y al tar más cerca del continente.
  • Dende'l puntu de vista británicu, Noruega y Suecia conformen Escandinavia, que dacuando considérase parte de la rexón báltica.
  • Ente los falantes de llingua española, el significáu más estendíu ye quiciabes, anque incorreutu tanto dende'l puntu de vista xeográficu como cultural la tercer aceición, incluyendo Finlandia (que magar mayoritariamente ye de llingua non escandinava, tien tamién el suecu como llingua cooficial, anque namái tien a ésti como llingua materna el 5,6% de la población).
  • Interesante notar, qu'informalmente dende'l puntu de vista de Dinamarca, Suecia y Noruega nun consideren a Finlandia, d'etnia, llingua y cultura mayoritariamente urálica, parte de los países escandinavos.

Pa les llingües de los países escandinavos, estos usos considérense incorreutos, ya inclusive delles persones pueden sentise ofendíes por dichos usos.

Sía que non, tolos territorios que se puedan incluyir tán representaos nel Conseyu Nórdico, qu'inclúi árees como Groenlandia, que magar foi colonizada por escandinavos (y aínda depende políticamente, en forma de posesión, de Dinamarca), tien cultura y población propies y nun se suel considerar parte d'Escandinavia. De toes toes, toos ellos son nórdicos.

El términu emplegóse per primer vegada pol historiador romanu Pliniu el Vieyu (23-79) baxu la forma 'Scandia' a la tierra central según a les islles 'Scadinauia' y ta formáu dablemente poles antigües pallabres xermániques 'skadin' (dañu, peligru) y 'auio' (islla). L'aniciu d'esta pallabra permaneció en nomes llocales como por casu Skåne (o Escania).

La espresión países nórdicos refierse, ensin tracamundiu dengún, a Noruega, Suecia, Dinamarca, Finlandia ya Islandia.

Referencies

[editar | editar la fonte]
  1. ↑ Esti términu apaez nel Diccionariu de l'Academia de la Llingua Asturiana. Ver: escandinavu

Enllaces esternos

[editar | editar la fonte]