Estrasburgu

Estrasburgu
	coat of arms of Strasbourg (en)
	y
Alministración
País	Francia
Organización territorial	Francia metropolitana
Rexón	Gran Este
Departamentu	Baxu Rin
Tipu d'entidá	comuña de Francia
Alcaldesa d'Estrasburgu	Jeanne Barseghian
Nome oficial	Strasbourg (fr); Stroßburi (gsw-fr)
Nome llocal	Strasbourg (fr); Strosbùri (gsw)
Códigu postal	67000, 67100 y 67200
Xeografía
Coordenaes	48°34′24″N 7°45′08″E / 48.5733°N 7.7522°E
	Estrasburgu Estrasburgu (Francia)
Superficie	78.26 km²
Altitú	150 m, 132 m y 151 m
Llenda con	Bischheim, Eckbolsheim, Eschau, Illkirch-Graffenstaden, Lingolsheim, Oberhausbergen, Ostwald, Schiltigheim y La Wantzenau
Demografía
Población	291 313 hab. (1r xineru 2021); - 133 417 homes (2017); - 147 549 muyeres (2017)
Porcentaxe	25.27% de Baxu Rin
Densidá	3722,37 hab/km²
Más información
Fundación	12 edC
Prefixu telefónicu	388, 390 y 368
Estaya horaria	CEST (horariu de branu); UTC+01:00 (horariu estándar); UTC+02:00 (horariu de branu)
Llocalidaes hermaniaes	Boston, Dresde, Ramat Gan, Stuttgart y Leicester
	strasbourg.eu

Estrasburgu (en francés Strasbourg; n'alsacianu Strossburi; y n'alemán Straßburg) ye una ciudá de Francia, capital y ciudá más grande de la rexón de Gran Este y sede del Parllamentu Européu. Asitiada cerca la llende con Alemaña, na rexón histórica d'Alsacia, ye la capital del departamentu de Bas-Rhin. La so población, en 2016, yera de 276.170, con 491.516 nel conxuntu de la Eurométropole de Strasbourg y el Arrondissement de Strasbourg^[4]. El so área metropolitana, sacante la parte perteneciente a ella que queda del llau alemán de la frontera, tenía una población, en 2013, de 773.347 habitantes, que faen d'ella la novena mayor área metropolitana de Francia y el llugar aú viven el 13% de los habitantes de la rexón de Gran Este. L'eurodistritu transnacional Strasbourg-Ortenau, qu'abarca la población satélite d'Estrasburgu en dambos llaos de la frontera, tenía una población de 915.000 habitantes en 2014.

Estrasburgu ye la sede de delles instituciones europeas: el Conseyu d'Europa, y dellos organismos dependientes d'elli como'l Tribunal Européu de Derechos Humanos, la Direición Europea pa la Calidá de los Medicamentos y los Servicios Sanitarios o l'Observatoriu Européu de lo Audiovisual; l'Eurocuerpu, guañu d'un exércitu común européu; el Defensor del Pueblu Européu; la Comisión Central pa la Navegación del Rin; y l'Institutu Internacional de Derechos Humanos.

El centru históricu de la ciudá, la Grande Île (Islla Grande), foi declaráu Patrimoniu de la Humanidá pola UNESCO en 1988, siendo'l primer centru históricu completu n'algamar esi estatus. La ciudá, pese a tener sío violentamente disputada a lo llargo de la historia ente Francia y Alemana, fai de ponte cultural ente los dos países demientres los caberos sieglos, especialmente gracies a la so universidá, la segunda mayor de Francia, y la coesistencia de les cultures católica y protestante. La ciudá ye la sede tamién del mayor centru d'oración isllámicu de Francia, la Gran Mezquita, inaugurada pol ministru del interior francés Manuell Valls el 27 de setiembre de 2012.

Dende'l puntu de vista económicu Estrasburgu ye un importante centru industrial, amás d'un centru lloxísticu de tresporte per carretera, ferroviariu y fluvial. El so puertu ye'l segundu mayor del ríu Rin tres del de Duisburgu (Alemaña).

Referencies

↑ «code officiel géographique». Consultáu'l 6 xineru 2019.
↑ URL de la referencia: https://it-ch.topographic-map.com/map-6ck2tf/Strasburgo/?zoom=19&center=48.58407%2C7.75094&popup=48.58409%2C7.75091.
↑ ^3,0 ^3,1 Tienes d'especificar urlarchivu = y fechaarchivu = al usar {{cita web}}.«répertoire géographique des communes». Institut national de l'information géographique et forestière (2015).
↑ Populations légales 2016 des communes du département (PDF), na web del Institutu Nacional d'Estadística francés.. Consultáu'l 18 de xunu de 2017.

Enllaces esternos

Sitiu web oficial (en francés)

Estrasburgu n'OpenStreetMap.

[a6c673b6cebdcba3d6702004513c2ffcbdd20e17-1] «code officiel géographique». Consultáu'l 6 xineru 2019.

[df587ad374499421326a00ab7293c614925f9014-2] URL de la referencia: https://it-ch.topographic-map.com/map-6ck2tf/Strasburgo/?zoom=19&center=48.58407%2C7.75094&popup=48.58409%2C7.75091.

[6c5fb4f95547c20421068d2fef20002224246960-3] 3,0 ^3,1 Tienes d'especificar urlarchivu = y fechaarchivu = al usar {{cita web}}.«répertoire géographique des communes». Institut national de l'information géographique et forestière (2015).

[4] Populations légales 2016 des communes du département (PDF), na web del Institutu Nacional d'Estadística francés.. Consultáu'l 18 de xunu de 2017.

[1]

[2]

[3]

[4]