Fienda de Rolando

Fienda de Rolando
collada, frontera política ^(es) y paso ^(es)
Situación
País	Francia
Organización territorial	Francia metropolitana
Rexón	Occitania
Departamentu	Altos Pirineos ^(es)
Cordal	Pirineos
Coordenaes	42°41′27″N 0°02′01″W / 42.6908°N 0.0336°O / 42.6908; -0.0336
Fienda de Rolando Fienda de Rolando (Francia)
Datos
Altitú	2807 m

Fienda de Rolando dende'l llau español.

La Fienda de Rolando (Breca Roldán n'aragonés, Brèche de Roland en francés, Brecha de Roldán en castellanu), ye una estrecha collada de 40 metros d'anchu y 100 metros d'altor, asitiáu a una altitú de 2.804 metros nel macizu del Monte Perdíu. Según una lleenda local, foi abierta por Rolando, el sobrín de Carlomagno, mientres intentaba destruyir la so espada Durandal cutiéndola contra la roca a la fin de la batalla de Roncesvalles. En realidá tratase d'una guapa escursión nos Altos Pirineos accesible dende Francia (Gavarnie) y dende España pol Parque nacional de Ordesa y Monte Perdíu (valle de Ordesa), bien al traviés del abellugu de Góriz o xubiendo pol circu de Carriata o bien pol de Cotatuero.

Flora y vexetación del Macizu del Monte Perdíu

El fechu de tratase del macizu caliar más altu d'Europa fai que tenga tamién una flora bien singular. De les cerca de 3500 especies de plantes vasculares que podemos atopar nel Pirinéu, apenes 150 son capaces de superar los 3000 m d'altitú, y delles 95 fueron alcontraes nos 34 «tresmiles» del Macizu de Monte Perdíu y cercaníes. Namái les trés puntes de los Gabietos axunten a mediu centenar d'elles.

Sicasí, tenemos de destacar que non tolos visos tienen les mesmes plantes, y namái un puñáu repítense, como Saxifraga pubescens, Saxifraga oppositifolia, Androsace ciliata, Linaria alpina subsp. alpina, Minuartia cerastiifolia o Pritzelago alpina subsp. alpina, por citar namái les más comunes.

Bibliografía

• Benito Alonso, José Luis (2006). Catálogo florístico del Parque Nacional de Ordesa y Monte Perdido. Lleida: Institut d'Estudis Ilerdencs. Diputación de Lleida. ISBN 84-89943-88-5.

• Benito Alonso, José Luis (2006). Vegetación del Parque Nacional de Ordesa y Monte Perdido. Zaragoza: Consejo de Proteición de la Naturaleza de Aragón. Gobierno de Aragón. ISBN 84-89862-54-0.

Referencies

Enllaces esternos

• Wikimedia Commons acueye conteníu multimedia sobre la Fienda de Rolando.
• Brechaderolando.com — Pirineos. Brecha de Rolando Archiváu 2019-05-01 en Wayback Machine
• Páxina web oficial d'esti Parque Nacional na web del Ministeriu de Mediu Ambiente