Filosofía renacentista
La filosofía renacentista, o filosofía del Renacimientu, ye la filosofía que se desenvolvió principalmente ente los sieglos XV y XVI, empezando n'Italia y avanzando escontra'l restu d'Europa.
Na Renacencia, la filosofía inda yera un campu bien amplio que tomaba los estudios que güei s'asignen a delles ciencies distintes,[1] según a la teoloxía. Teniendo eso en cuenta, los trés campos de la filosofía que más atención y desenvolvimientu recibieron fueron la filosofía política, l'humanismu y la filosofía natural.[1]
Na filosofía política, les rivalidaes ente los estaos nacionales, les sos crisis internes y l'empiezu de la colonización europea d'América anovaron l'interés por problemes alrodiu de la naturaleza y moralidá del poder políticu, la unidá nacional, la seguridá interna, el poder del Estáu y la xusticia internacional.[1] Nesti campu destacaron los trabayos de Nicolás Maquiavelo y Jean Bodin.[1]
L'humanismu foi un movimientu que enfatizó el valor y la importancia de los seres humanos nel universu,[1] en contraste la filosofía medieval, que siempres punxo a Dios y al cristianismu nel centru. Esti movimientu foi, de primeres, un movimientu moral y lliterario, protagonizáu por figures como Erasmu de Rotterdam, Santu Tomás Moro y Michel de Montaigne.[1]
La filosofía de la naturaleza del Renacimientu quebró cola concepción medieval de la naturaleza en términos de fines y ordenamientu divín, y empezó a pensar en términos de fuercies, causes físiques y mecanismos.[1] Hubo amás una torna parcial a l'autoridá de Platón por sobre Aristóteles, tantu na so filosofía moral, nel so estilu lliterariu como na relevancia dada a la matemática pal estudiu de la naturaleza.[1] Nicolás Copérnico, Giordano Bruno, Johannes Kepler, Leonardo da Vinci y Galileo Galilei fueron precursores y protagonistes nesta revolución científica, y Francis Bacon aprovió un fundamentu teóricu pa xustificar el métodu empíricu qu'habría de carauterizar a la revolución. Per otra parte, na medicina, el trabayu d'Andreas Vesalius en anatomía humana revitalizó la disciplina y brindó más sofitu al métodu empíricu.[1]
Filósofos importantes
[editar | editar la fonte]- Erasmu de Rotterdam
- Michel de Montaigne
- Nicolás Maquiavelo
- Pietro Pomponazzi
- Bernardino Telesio
- Johannes Reuchlin
- Giordano Bruno
- Tommaso Campanella
- Gerolamo Cardano
- Luis Vives
- Leonardo da Vinci
Ver tamién
[editar | editar la fonte]Referencies
[editar | editar la fonte]
Datos: Q917440
Multimedia: Renaissance philosophy