Francisco Antonino Vidal Silva

Francisco Antonino Vidal Silva
Presidente d'Uruguái
Vida
Nacimientu	San Carlos ^(es) , 14 de mayu de 1825[1]
Nacionalidá	Uruguái [2]
Muerte	Montevidéu[3], 7 de febreru de 1889[4] (63 años)
Familia
Padre	Francisco Antonino Vidal Gosende
Estudios
Estudios	Facultad de Medicina de París ^(es) Sorbonneb Universidá de París
Llingües falaes	castellanu
Oficiu	médicu, políticu, escritor
Creencies
Partíu políticu	Partido Colorado ^(es)

Francisco Antonino Vidal (14 de mayu de 1825, San Carlos ^(es)  – 7 de febreru de 1889, Montevidéu)^{[Notes 1]} foi un políticu y médicu uruguayu presidente d'Uruguái ente 1880 y 1882 y ente marzu y mayu de 1886.

Biografía

Foi fíu de Joaquina Silva Píriz y Francisco Antonino Vidal Gosende, políticu relevante nos primeros años de vida constitucional del país.

A los 17 años viaxó a París onde se graduó de médicu, con una tesis sobre'l mal de Pott.

Foi Ministru de Gobiernu de Venancio Flores en 1865. Mientres la Guerra de la Triple Alianza escontra Paraguái, Flores invistiólu de poderes dictatoriales. Depués foi diputáu na 10º Llexislatura,^[7] y Senador en delles ocasiones. Volvió interinamente a desempeñar la Xefatura del Estáu en 1870 en reemplazu de Lorenzo Batlle, y dos vegaes en llugar de Lorenzo Latorre.

Tres l'arrenunciu de Latorre, Vidal foi electu Presidente de la República en 1880 pola Asamblea Xeneral, pal periodu que concluyía'l 1 de marzu de 1883 pero arrenunció en 1882, a pesar de faltar un añu pa terminar el periodu constitucional. La mesma Asamblea escoyó al xeneral Máximo Santos pa un periodu de cuatro años.

El 1 de marzu de 1886 asumió nuevamente la Presidencia Constitucional de la República pa un nuevu periodu de cuatro años pero arrenunció nuevamente en mayu d'esi añu, pa da-y llugar al presidente del Senáu y xeneral en xefe de los exércitos de la República, xeneral Máximo Santos. Remató la so carrera como diputáu por Paysandú.^[8]

Gabinete de gobiernu

Ministeriu	Nome	Periodu
Gobiernu	Eduardo MacEachen	1880 - 1881
	Mateo Magariños Cervantes	1881
	Eduardo MacEachen	1881 - 1882
Rellaciones Esteriores	Joaquín Requena y García	1880 - 1881
	José Vázquez Sagastume	1881 - 1882
Facienda	Juan Peñalva	1880
	Juan Lindolfo Cuestas	1880 - 1882
Guerra y Marina	Máximo Santos	1880 - 1882

^[9]

Notes

1. Les fontes discrepen al respective de la fecha y llugar de nacencia. Alejandro Giménez Rodríguez afirma que nació'l 14 de mayu de 1825,^[5] ente que Juan Carlos Pedemonte diz que lo fixo'l 14 de mayu de 1827.^[6] Tocantes al so llugar de nacencia, esti postreru esclaria que l'historiador Fernandez Saldaña afirmaba que naciera en San Carlos, pero la prensa montevideana escribía a otru día de la muerte de Vidal que yera natural de Montevidéu.

Referencies

1. URL de la referencia: http://autores.uy/autor/8660.
2. Afirmao en: Catálogo de Autoridades de la Biblioteca Nacional de Uruguay. ID de autoridad de la Biblioteca Nacional de Uruguay: 000028740. Data de consulta: 26 abril 2024. Llingua de la obra o nome: castellanu.
3. Afirmao en: Gemeinsame Normdatei. Data de consulta: 1r xineru 2015. Llingua de la obra o nome: alemán. Autor: Biblioteca Nacional d'Alemaña.
4. Afirmao en: Gemeinsame Normdatei. Data de consulta: 4 mayu 2014. Llingua de la obra o nome: alemán. Autor: Biblioteca Nacional d'Alemaña.
5. "Pol mio honor: vida de los presidentes uruguayos" (Alejandro Giménez Rodríguez. Arca, 2000)
6. "Los presidentes del Uruguái". Juan Carlos Pedemonte. 4ta edición. 1992
7. Cámara de Representantes. Tablas Cronológicas 1830-1971. Páx. 37. Montevidéu 1971.
8. Seijo, Carlos (1936). Carolinos: ilustres, patriotas y beneméritos. El siglo ilustrado, páx. 117-121. Consultáu'l 20 de mayu de 2018.
9. Cronología Histórica del Prof. Walter Rela

Enllaces esternos

• Wikimedia Commons acueye conteníu multimedia sobre Francisco Antonino Vidal Silva.