Gordon Griffith

Gordon Griffith
Vida
Nacimientu	Chicago, 4 de xunetu de 1907[1]
Nacionalidá	Estaos Xuníos
Llingua materna	inglés
Muerte	Hollywood[2], 12 d'ochobre de 1958[1] (51 años)
Causa de la muerte	infartu de miocardiu
Estudios
Llingües falaes	inglés
Oficiu	actor, productor de cine, actor de cine
IMDb	nm0341503

Gordon Griffith o Gordon S. Griffith, (4 de xunetu de 1907, Chicago – 12 d'ochobre de 1958, Hollywood) foi un asistente de direición, productor de cine y unu de los primeros actores infantiles n'Estaos Xuníos. Griffith trabayó na industria del cine mientres cinco décades, actuando n'aprosimao sesenta películes, sobreviviendo la transición del cine mudu al sonoru. Mientres la so carrera, trabayó con Charlie Chaplin, y foi'l primer actor n'interpretar a Tom Sawyer^[3] y Tarzán nel cine.^[4][5]

Biografía

Griffith nació'l 4 de xunetu de 1907 en Chicago, Illinois, los sos padres foron los actores Harry Sutherland^[6] Griffith y Katherine Kiemar^[7] Griffith. Tuvo dos hermanos, la mayor llamada Gertrude, y el menor^[8] llamáu Graham—que tamién yera actor. Griffith yera yá un actor con esperiencia, a los siete años d'edá, cuando llogró'l so primer papel na serie de películes Little Billy. Mack Sennett de Keystone Studios ayudó a Griffith en delles escenes onde tenía d'utilizar slapstick, gracies a esto llogró papeles en delles películes de Charlie Chaplin, incluyendo Tillie's Punctured Romance (Milton Berle diría años más tarde qu'él interpretaría esi papel).

La so gran oportunidá vieno cuando tuvo qu'interpretar al nuevu Tarzán, na película de 1918 Tarzán de los monos. Tuvo que faer les sos propies acrobacies, como engatar árboles, banciase en lianes, ya interactuar con un chimpancé. Griffith apaez primero que l'actor qu'interpreta al Tarzán adultu—Elmo Lincoln—convirtiéndose nel primer actor que fai d'esti personaxe. En viendo la película, un críticu describió a Griffith como "un actor llenu d'enerxía y carauterístiques pocu comunes."^[5]

Griffith recibió'l papel de Tom Sawyer na versión cinematográfica de 1920 de Huckleberry Finn. Depués participó nuevamente nuna película de Tarzán como'l so fíu, Korak, rol que foi descritu como "antemanando los papeles de John Sheffield [n'otres películes de Tarzán]."^[4] Los sos padres morrieron nos años 20—la so madre en 1921^[7] y el so padre en 1926.^[6] Cuando se fizo'l censu de 1930, vivía xunto colos sos hermanos y familia en Pasadena, California.^[9]

Anque la so carrera sobrevivió la transición del cine mudu al sonoru, Griffith empezó a recibir papeles cada vegada más pequeños—delles vegaes nin siquier yera acreditáu. Por cuenta de esto dedicóse a otres árees de la industria del cine. A los ventitrés años llogró'l so primer trabayu como asistente de direición.^[10] El so caberu trabayu como actor foi seis años más tarde na película de 1936 Bars of Hate.^[10]

Griffith siguió trabayando nel cine hasta la so muerte, como asistente de direición en Monogram Pictures, como productor pa Robert Sherwood, y como direutor y depués productor de Gregory Ratoff Productions. En 1941, Griffith convirtióse en xerente de producción de Columbia Pictures, y depués trabayó como productor asociáu en RKO, produxo películes como Alexander the Great de 1956. En 1958, Griffith morrió d'un ataque cardiacu en Hollywood.^[4]

Filmografía

• Little Billy's Triumph (1914)
• Little Billy's Strategy (1914)
• Little Billy's City Cousin (1914)
• Tillie's Punctured Romance (1914)
• Kid Auto Races at Venice (1914)
• Little Sunset (1915)
• Billy's Cupidity (1915)
• Tarzán de los monos (1918)
• The Romance of Tarzan (1918)
• Cupid Forecloses (1919)
• Son of Tarzan (1920)
• Huckleberry Finn (1920)
• The Adventures of Tarzan (1921)
• Penrod (1922)
• Little Annie Rooney (1925)
• The Cat's Pajamas (1926)
• Bars of Hate (1936)

Referencies

1. Afirmao en: autoridaes BNF. Identificador BnF: 141834905. Apaez como: Gordon Griffith. Autor: Biblioteca Nacional de Francia. Llingua de la obra o nome: francés.
2. Afirmao en: Google Freebase Data Dump. Editorial: Google.
3. • Ficha de Huckleberry Finn (1920) na Internet Movie Database (n'inglés)
4. Biografía de Gordon Griffith en IMDb
5. Cita de Hans J. Wollstein nel New York Times, All Movie Guide
6. • Gordon Griffith na Internet Movie Database (n'inglés)
7. • Gordon Griffith na Internet Movie Database (n'inglés)
8. ancestry.com citando el: Censu d'Estaos Xuníos de 1920, Distritu 63 de Los Angeles, Los Angeles California; Llista: T625_106; Páxina: 18B; Distritu numberáu: 169; Imaxe: 1019.
9. ancestry.com citando el: Censu d'Estaos Xuníos de 1930, Pasadena Los Angeles California; Llista: 169; Páxina: 14B; Distritu numberáu: 1246; Imaxe: 241.0.
10. • Gordon Griffith na Internet Movie Database (n'inglés)

Enllaces esternos

• Gordon Griffith na Internet Movie Database (n'inglés)
• Imáxenes de Gordon Griffith nel Young Hollywood Hall of Fame