Gort

Gort
Personaxe de The Day the Earth Stood Still

Gort (película orixinal de 1951)
Cabera apaición  
Causa/razón • Filmográfica
Creador/a/es Robert Wise y Julian Blaustein
Interpretáu por Lock Martin(orixinal)/Animación per ordenador(remake)
Información
Nome orixinal ???
Raza Robot estraterrestre
Sexu Masculín
Edá Desconocida
Estatura más de 2 m
Pesu ???
Color de pelo non
Especialidá Aniquilar
Aliaos Klaatu
Nacionalidá ???
[editar datos en Wikidata]

Gort ye'l robot de ciencia ficción de la película The Day the Earth Stood Still interpretáu pol actor de más de 2 metros y 30 centímetros Lock Martin. En parte ye famosu pola frase "¡Gort! ¡Klaatu barada nikto!" na película, una de les curiosidaes favorites de los cinéfilos.[1] Darréu utilizóse esta frase en munches películes, xuegos y otres obres de la cultura popular, especialmente en Mozilla Firefox poniendo na barra about:robots. El traxe de Gort foi diseñáu y creáu por Perkins Bailey.

Gort ta llixeramente basáu en Gnut, el robot protagonista de "Farewell to the Master" d'Harry Bates, narración orixinal na que ta basada la película.

Na pantalla, Gort ye un robot enorme ensin xuntes que paez tar construyíu d'una sola pieza de "metal flexible". Pa consiguir esi efeutu utilizaron dos traxes: unu con una cremallera detrás y otru con una cremallera delantre. Según los requisitos de la toma, Martin camudaba los traxes por que nun se notara.

Na historia orixinal, a la fin faise evidente que l'amu ye Gort y non Klaatu. Na película, la rellación ente'l robot y l'humanoide nun ta tan definida, anque en ciertu momentu Klaatu descríbelu como miembru d'una fuercia policial interestelar “pa patrullar polos planetes… y salvaguardar la paz." Tamién afirma que "Nun hai llende no que Gort podría faer. Podría afarar la Tierra."[2]

Hai una réplica de Gort de tamañu natural espuesta nel Science Fiction Museum and Hall of Fame de Seattle.[3]

Gort de la versión del 2008

[editar | editar la fonte]

Les diferencies del Gort orixinal col afechu nel 2008 son bien grandes, anque dellos detalles del robot caltiénense. Na nueva versión ye un robot colosal, el so perfil ye muncho más estilizáu y el color de la so superficie ye d'un verde escuru tresllúcidu. El güeyu de láser ye bien asemeyáu al orixinal. Amás, el traxe del robot vése-y perfectamente herméticu y la contestura ye fornida.[4]

Nesta interpretación, GORT ye compuestu d'un ensame enorme de "nanomáquines" o "nano bichos", preseos minúsculos paecíos a un inseutu que s'autoreproducen pol consumu de materia, enerxía y son a desintegrar cualquier sustancia qu'ellos toquen. Cuando la necesidá surde, GORT pue tresformase d'una forma sólida humanoide a una enorme nube, qu'entós invade oxetivos y tarámialos. Amás d'esta miente d'ataque, GORT inda tien el so láser ocular pa destruyir torgues, y tamién pue producir un runfíu estridente. GORT Ye destruyíu por Klaatu a la fin de la película pa salvar a la humanidá con un Pulsu Electro Magnéticu [PEM] global que tamién evacúa la teunoloxía llétrica de tola humanidá.[5] A diferencia de la versión 1951, el robot más recién "GORT" tien 5 deos en cada mano, en cuenta de les manes con mitones de la versión anterior. Los sos pies, sicasí, nun tienen nengún deu. Les sos traces anteriores tales como puños, petrina, visera, y botes, nun apaecen na versión 2008.[6]

Ver tamién

[editar | editar la fonte]

Bibliografía

[editar | editar la fonte]
  • Haspel, Paul. "Future Shock on the National Mall." Journal of Popular Filme & Television 34 (2): 62-71 (Taylor & Francis Ltd) 2006, ISSN 0195-6051.
  • Parish, James Robert and Michael R. Pitts. The Great Science Fiction Pictures. Jefferson, North Carolina: McFarland & Company. 1977. ISBN 0-8108-1029-8.
  • Strick, Philip. Science Fiction Movies. London: Octopus Books Limited, 1976. ISBN 0-7064-0470-X.
  • Warren, Bill. Keep Watching the Skies: American Science Fiction Films of the Fifties, 21st Century Edition. Jefferson, North Carolina: McFarland & Co. 2009. ISBN 0-89950-032-3.

Referencies

[editar | editar la fonte]
  1. ↑ North, Edmund H. "'The Day the Earth Stood Still'." Archiváu 2007-02-18 en Wayback Machine ScifiScripts.com, 21 de febreru de 1951, vistu 29 de xineru de 2015.
  2. ↑ North, Edmund H. (21 de febreru de 1951). «The Day the Earth Stood Still». Guión orixinal n'inglés.. ScifiScripts.com. Archiváu dende l'orixinal, el 18 de febreru de 2007. Consultáu'l 15 d'agostu de 2007.
  3. ↑ Mitchel, Gary (18 d'ochobre de 2005). «The Science Fiction Museum and Hall of Fame». n'inglés.. RevolutionSF.com. Consultáu'l 14 d'avientu de 2007.
  4. ↑ Gleiberman, Owen. "Review of 'The Day the Earth Stood Still (2008)'." Archiváu 2014-12-21 en Wayback Machine Entertainment Weekly, 10 de dic de 2008. Vistu 29 de xineru de 2015.
  5. ↑ Mitchel, Gary. "The Science Fiction Museum and Hall of Fame." RevolutionSF.com, 18 d'ochobre de 2005. Vistu 29 de xineru de 2015.
  6. ↑ White, Cindy. "On Set: Day The Earth Stood Still." Sci Fi Wire, 17 de nov de 2008. Vistu 29 de xineru de 2015.