Hygrophorus latitabundus

Hygrophorus latitabundus
Clasificación científica
Reinu:	Fungi
División:	Basidiomycota
Clas:	Agaricomycetes
Orde:	Agaricales
Familia:	Hygrophoraceae
Xéneru:	Hygrophorus
Especie:	H. latitabundus
Sinonimia
Hygrophorus limacinus Kühner & Romagnesi
Consultes
[editar datos en Wikidata]

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. El Hygrophorus latitabundus ye una cogorda de la familia de les higroforacees. Ye mui apreciada pol so sabor.

Descripción

Ye una cogorda viscosa, darréu del abondosu mucílagu tresparente, enforma abundante, que recubre tanto'l sombreru como'l pie.  La mucosidá pue ser mui abondosa y pegañosa en tiempos húmedos, o poca, si'l clima ye secu.  El sombreru, de 5-15 cm de diámetru y col marxe bastante endolcáu, ye de color buxu marrón, cola parte central más escura. Tienu forma hemisférica de xoven y dempués convexa, aplanáu al avieyar, magar que nun tira a aplanase muncho. Tien llámines blanques, espaciaes, decurrentes, grueses  y seques. L'estipe mide de 5 a 10 cm de llargor, por 1,5 hasta 4 cm d'espesor, ye xeneralmente irregular, más anchu na parte central y amenorgáu na bas, cilíndricu, robezu, de color blancu o blancu suciu. La carne ye blanca y compauta, d'un golor suave y de tastu duce.

Hábitat

Alcuéntrase nos pinares, tanto na llanura baxo'l pinu d'Alepu, como en monte baxo'l pinu roxu, siempre en tarrenes calcáreos. Sal na seronda, y ye mui común nos años de lloviu.

Especies asemeyaes

Ye difícil tracamundialu con especies velenoses. Estrémase de Hygrophorus persoonii porque ésta ye más pequeña, tien el pie más delgáu y ta asociada a viesques de planifolios, siempre en suelos silícicos y non calcáreos. En suelos silícicos atópase tamién el Hygrophorus hypothejus, d'apaición tardía, baxo pinu roxu^[1] y pinu prietu^[2], y menos frecuentemente na llanura, baxo pinu bravu^[3]. Pue tracamundiase cola cogorda non comestible Cortinarius trivialis .

N'otres partes d'Europa y Asia baxo el abeto rojo crez Hygrophorus camarophyllus , y en viesques de monte sal tamién Hygrophorus olivaceoalbus .

Comestibilidá

Avisu: La comestibilidá de cogordes ha determinase por micólogos espertos o autoridaes sanitaries competentes. La información errónea o incompleta pue causar daños por envelenamientu o intoxicación mortal. Nun consumas cogordes ensin garantíes.

• Ye una cogorda culinariamente escelente y mui apreciada pa facer estofaos y guisos. Al cocinala, puede quitase parte del mucílagu, pero esti da consistencia a les salses nes que se guisa.

Otros nomes comunes

• N'asturianu: Llenera, llesneru, mocosa

Referencies

1. Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line: Pinus%20sylvestris
2. Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line: Pinus%20nigra
3. Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line: Pinus%20pinaster

Enllaces esternos

• Wikimedia Commons tien conteníu multimedia tocante a Hygrophorus latitabundus.

Wikispecies tien un artículu sobre Hygrophorus latitabundus.