José de Sousa Saramago (16 de payares de 1922, Azinhaga – 18 de xunu de 2010, Lanzarote) foi un escritor, periodista, dramaturgu, novelista y poeta portugués.
Algamó'l Premiu Nobel de Lliteratura nel añu 1998. Tamién ganó'l Premiu Camões, el premiu lliterariu más importante de la llingua portuguesa. Saramago foi consideráu'l responsable del reconocimientu internacional de la prosa en llingua portuguesa. [18]
José Saramago nació n'Azinhaga, nel conceyu de Golegã, nuna familia de padres y güelos agricultores. So vida pasóla en gran parte en Lisboa, a onde se treslladó la so familia en 1924 – yera un neñu con malpenes dos años d'edá. Dificultaes económiques impiden-y entrar na universidá. Demuestra dende bien ceo interés polos estudos y la cultura, interés que lu acompañó hasta la muerte. Formóse nuna escuela téunica. Fascináu polos llibros, visitaba, de nueche, con muncha frecuencia, la Biblioteca Municipal Central — Palácio Galveias.