Laothoe populi

Laothoe populi;
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Familia:	Sphingidae
Xéneru:	Laothoe
Especie:	L. populi; (Linnaeus, 1758)
Consultes
	[editar datos en Wikidata]

Laothoe populi ye un lepidópteru perteneciente a la familia Sphingidae.^[1]^[2]^[3]

Distribución

Puede atopase na rexón paleártica occidental (incluyendo toa Europa) y central hasta Turquestán. Na Península Ibérica ta ausente na gran mayoría de la zona meridional. Pueden estremase dos subespecies.

Laothoe populi populi: Europa y Rusia.
Laothoe populi populeti: Armenia, Turquía, repúbliques del Turquestán...

Descripción

Güevos

Los güevos son llargos, esféricos, de color verde maciu, polencos, puestos individualmente o en pareyes nel viesu de fueyes de múltiples especies vexetales. Les femes pueden poner una media de 200 güevos.

Canesba

La gata puede llegar a los 85 mm. Puede tener distintes formes, xeneralmente siendo verde con manches blanques o marielles, con llinies oblicues tamién blanques o marielles y una postrera acabada na cola, verdosa o amarellentada. Como carauterística principal puede señalase la so forma robusto y gordoso.

Pupa

Tien unos 2 o 3 cm y presenta un cremáster curtiu.

Imago

El so valumbu alar ye d'unos 70 a 100 mm. La cabeza, el tórax y l'abdome son de color marrón claru. Les ales anteriores tienen diverses tonalidaes marrones que formen franxes ondulaes escures sobre fondos claros. Tien una mancha blanca sobre la celda. Les ales posteriores tienen el mesmu color, sacante na zona basal, que ye acoloratada. N'estáu de reposu, les ales posteriores amuésense visibles sobresaliendo pela parte cimera de les anteriores. Les sos formes asonsañen les d'una fueya seca.

♂
♂ △
♀
♀ △
♂ ♀
♂ ♀ △

Hábitat

Estes poliyes prefieren los llugares onde crezan chopos o sauces, como montes de ribera o parques. Mientres el día caltiénse perfectamente despinta ente les yerbes o los tueros de los árboles. La gata aliméntase principalmente de Populus y Salix, anque tamién puede alimentase de Fraxinus, Quercus, Betula, Alnus, Rosa, Crataegus, Cotoneaster, Malus, Laurus y, n'España, tamién Ulmus.

Periodu de vuelu

Xeneralmente, la Laothoe populi presenta dos xeneraciones ente mayu y setiembre. La primera d'elles vuela a finales de primavera y la segunda mientres tol branu. En rexones más fríes namái hai una, ente que nes más templaes pueden haber hasta trés. Realiza la envernía como una pupa nuna cápsula so tierra.

Comportamientu

La imago tien una espiritrompa atrofiada, cosa que-y torga consumir néctar y alimentase. Esto fai que solo pueda vivir unos pocos díes, tiempu que tien d'aprovechar p'atopar pareya y poner güevos. Suel ser víctima de múltiples parasitoides de la familia Ichneumonidae, Braconidae, Eulophidae, Trichogrammatidae, Scelionidae y Tachinidae.

Sinonimia

Sphinx populi Linnaeus, 1758
Sphinx tremulae Borkhausen, 1793
Merinthus palustris Holle, 1865
Smerinthus borkhauseni Bartel, 1900
Smerinthus roseotincta Reuter, 1893
Amorpha populi angustata (Closs, 1916)
Amorpha populi depupillatus (Silbernagel, 1943)
Amorpha populi flavomaculata Mezger, 1928
Amorpha populi lappona Rangnow, 1935
Amorpha populi pallida Tutt, 1902
Amorpha populi philiponi Huard, 1928
Amorpha populi suffusa Tutt, 1902
Laothoe populi albida Cockayne, 1953
Laothoe populi basilutescens Cockayne, 1953
Laothoe populi bicolor (Lempke, 1959)
Laothoe populi minor (Vilarrubia, 1973)
Laothoe populi moesta Cockayne, 1953
Laothoe populi pallida Newnham, 1900
Merinthus populi salicis Holle, 1865
Smerinthus populi cinerea-diluta Gillmer, 1904
Smerinthus populi decorata Schultz, 1903
Smerinthus populi ferruginea-fasciata Gillmer, 1904
Smerinthus populi ferruginea Gillmer, 1904
Smerinthus populi fuchsi Bartel, 1900
Smerinthus populi grisea-diluta Gillmer, 1904
Smerinthus populi grisea Gillmer, 1904
Smerinthus populi pallida-fasciata Gillmer, 1904
Smerinthus populi rectilineata Klemensiewicz, 1912
Smerinthus populi rufa-diluta Gillmer, 1904
Smerinthus populi rufa Gillmer, 1904
Smerinthus populi rufescens (de Selys-Longschamps, 1857)
Smerinthus populi rufescens Fuchs, 1889
Smerinthus populi subflava Gillmer, 1904
Smerinthus populi violacea Newnham, 1900

Referencies

↑ (n'inglés) http://www.lepiforum.de/lepiwiki.pl?Laothoe_Populi Laothoe Populi
↑ (castellán) http://www.asturnatura.com/especie/laothoe-populi.html Laothoe populi.
↑ (n'inglés) http://www.ukmoths.org.uk/species/laothoe-populi Laothoe populi - Uk moths

Enllaces esternos

[1] (n'inglés) http://www.lepiforum.de/lepiwiki.pl?Laothoe_Populi Laothoe Populi

[2] (castellán) http://www.asturnatura.com/especie/laothoe-populi.html Laothoe populi.

[3] (n'inglés) http://www.ukmoths.org.uk/species/laothoe-populi Laothoe populi - Uk moths

[1]

[2]

[3]