Mataram | |||||
---|---|---|---|---|---|
| |||||
Alministración | |||||
País | Indonesia | ||||
Provincia | Isles menores de la Sonda occidentales | ||||
Tipu d'entidá | city of Indonesia (en) [1] | ||||
Xeografía | |||||
Coordenaes | 8°35′S 116°07′E / 8.58°S 116.12°E | ||||
Superficie | 61.3 km² | ||||
Altitú | 24 m | ||||
Llenda con | Lombok Occidental (es) | ||||
Demografía | |||||
Población | 408 900 hab. | ||||
Porcentaxe | 8.7% de Isles menores de la Sonda occidentales | ||||
Densidá | 6670,47 hab/km² | ||||
Más información | |||||
Fundación | 31 agostu 1993 | ||||
Estaya horaria |
huso horario estándar central de Indonesia (es) UTC+08:00 | ||||
mataramkota.go.id | |||||
Mataram ye la ciudá más importante de la islla de Lombok, n'Indonesia, y ta asitiada na mariña oeste de la islla. Ye la capital y ciudá más grande de la provincia de Nusatenggara Occidental (n'indonesiu: Nusa Tenggara Barat), y tien l'estatutu de kota. La so población total yera de 402.296 habitantes en 2008.
Cuatro ciudaes constitúin l'área urbana de Mataram: d'oeste a este, éstes son Ampenan, Mataram, Cakranegara (Cakra) y Sweta. Toes tán xuníes alministrativamente y nun s'estremen les unes de les otres.
Mataram ta estremada en 6 distritos alministrativos o kecamatam: Cakranegara, Mataram, Selaparang, Pejanggik, Ampenan y Sekarbela.
Al igual qu'en tola islla de Lombok, la mayoría de los habitantes de Mataram son d'etnia sasak que ye'l pueblu autóctonu de la islla. La ciudá tien tamién importantes minoríes de balineses, chinos, chinos d'Indonesia y árabes d'Indonesia descendientes de yemeninos.
Mataram yá nun tien aeropuertu nes sos llendes. L'antiguu aeropuertu Selaparang, asitiáu en Ampenan, cerró'l 30 de setiembre de 2011. A otru día, el 1 d'ochobre de 2011, entró en serviciu'l nuevu aeropuertu internacional de Lombok (Bandara Internasional Lombok) (IATA: LOP, ICAO: WADL), más alloñáu de la zona urbano y asitiao nel kabupaten de Lombok Central, cerca de la pequeña ciudá de Praya.