Movimientu obreru

Movimientu obreru
	movimientu políticu
	movimientu social y organización

El movimientu obreru ye un movimientu social que busca un mayor bienestar pa los trabayadores. Ta mui rellacionáu col movimientu sindical.

Entamos del movimientu obreru

El movimientu obreru xurde de la Revolución industrial como consecuencia de la falta de derechos que los trabayadores teníen nes fábriques. Entamó n'Inglaterra. Cuando xurdió la revolución industrial una de les primeres consecuencies foi la creación de fábriques nes que se buscaba rentabilizar al máximu la producción. Al nun existir tovía nengún tipu de llexislación que regulase l'actividad industrial, los trabayadores veíense espuestos a xornaes de trabayu de más de dolce hores, los neños trabayaben y yeren ún de los oxetivos más atractivos pa los empresarios porque los sos salarios yeren sustancialmente inferiores. Una de les primeras reacciones contra esti mercantilismu foi la destrucción de máquines (lludismu), a les que se responsabilizaba de la perda de la capacidá alquisitiva del pequeñu artesanu. La reaición del gobiernu inglés foi prohibir cualesquier tipu d'asociación obrera. Bona parte de la historia del movimientu obreru tuvo marcada pola persecución y la clandestinidá.

Llucha de clases

Quizá'l conceutu más significativu nel que se basó'l crecimientu del movimientu obreru organizáu foi la llucha de clases. Ésta supunxo la toma de concencia de los trabayadores de que pertenecen a una clase social distinta que los sos patronos y que pa meyorar la so situación la meyor vía ye la de la llucha. La Fuelga foi la principal arma obrera en tala llucha de clases, na que los trabayadores traten de convencer a la patronal de les sos esixencies al traviés d'una demostración de fuercia de los trabayadores, paralizando la producción de les fábriques.

La Primer Internacional

Discusiones ente Karl Marx y Mikhaíl Bakunin

La consecuencia d'estes discusiones supunxo un factor clave na frañidura de la Primer Internacional. Dixebra ente marxistes y anarquistes.

Métodos de llucha

Lludismu
Cartismu Movimientu n'Inglaterra que trató de presionar al parllamentu con recoyíes masives de firmes sofitando determinaes cartes onde se reivindicaben ciertos derechos.
Diálogu social
Negociación coleutiva
Sociedaes de correspondencia
Sindicalismu
Paraos en lucha
Protesta
Fuelga

El Primeru Mayu

Conmemora'l día internacional de la clas trabayadora. Entamó en 1899 con una maniefstación en París pola xornada de 8 hores y en memoria de los trabaxadores anarquistes asesinaos en Haymarket, Chicago tras lluchar en reivindicación de la xornada llaboral de 40 hores semanales. La primer convocatoria rebasa fai que se repita y entama'l primeru mayu como ritual. Da la coincidencia que'l primer 1 de mayu fuere xueves, daquella nun taba reconocíu'l derechu a la fuelga, los trabayadores dexaron de trabayar: esti ye'l máximu valor del primer 1 de mayu.

Esti día sindicatos y partidos obreros de tol mundo dende aquella celebren mítines y manifestaciones.

El primeru mayu foi perseguíu años pero col tiempu esti día foi institucionalizáu pasando a ser festivu.

Conciertu o paz social

Anguaño, les democracies occidentales traten de caltener el diálogu ente les organizaciones sindicales más representatives y les organizaciones empresariales. D'esta forma intenten orientar la economía en beneficiu de los empresarios evitando movilizaciones o fuelgues, a costa de la contención salarial, l'ampliación de la xornada llaboral o'l recorte de los derechos de los trabayadores.

Ver tamién

Referencies

Enllaces esternos

Wikimedia Commons tien conteníu multimedia tocante a Movimientu obreru.