Mr. Robot (serie de televisión)

Mr. Robot (serie de televisión)
Datos
Títulu orixinal	Mr. Robot
Xéneru	serie de televisión dramática, thriller psicológico ^(es) , tecno-thriller ^(es) y serie de televisión relacionada con el colectivo LGBT+ ^(es)
País d'orixe	Estaos Xuníos
Idioma orixinal	inglés, suecu, danés, chinu y castellanu
Direición	Sam Esmail
Productor	Sam Esmail, Steve Golin, Christian Slater y Rami Malek
Númberu de temporaes	4
Llista de temporaes	ver Mr. Robot, temporada 1 ^(es) , Mr. Robot, temporada 2 ^(es) , Mr. Robot, temporada 3 ^(es) y cuarta temporada de Mr. Robot ^(es)
Númberu d'episodios	45
Llista d'episodios	Episodios de Mr. Robot ^(es)
Repartu	ver Rami Malek (como Elliot Alderson) Christian Slater (como Edward Alderson) Portia Doubleday (como Angela Moss ^(es) ) Carly Chaikin (como Darlene Alderson) Martin Wallström (como Tyrell Wellick ^(es) ) Michel Gill Gloria Reuben (como Krista Gordon ^(es) ) Frankie Shaw Ben Rappaport Aaron Takahashi Michael Cristofer (como Phillip Price ^(es) ) Stephanie Corneliussen (como Joanna Wellick ^(es) ) Grace Gummer (como Dominique DiPierro ^(es) ) BD Wong (como Whiterose ^(es) ) Brian Stokes Mitchell Ron Cephas Jones Sunita Mani Sakina Jaffrey Michele Hicks Bruce Altman Joey Bada$$ ^(es) Craig Robinson Sandrine Holt Michael Maize Omar Metwally Bobby Cannavale
Personaxes	ver Angela Moss ^(es) Darlene Alderson Dominique DiPierro ^(es) Edward Alderson Elliot Alderson Joanna Wellick ^(es) Phillip Price ^(es) Tyrell Wellick ^(es) Whiterose ^(es) Krista Gordon ^(es)
Primer emisión	24 de xunu de 2015
Última emisión	22 d'avientu de 2019
Emisora orixinal	USA Network ^(es)
Productora	Universal Cable Productions ^(es) y Anonymous Content ^(es)
Distribuidora	NBCUniversal Syndication Studios ^(es) y Prime Video
Premios	ver Globu d'Oru al meyor actor de repartu de serie, miniserie o telefilme (2016) Satellite Award for Best Supporting Actor – Series, Miniseries or Television Film ^(en) (2016) Writers Guild of America Award for Television: New Series ^(en) (2016) Globu d'Oru a la meyor serie de televisión dramática (2016) Primetime Emmy al mejor actor - Serie dramática ^(es) (2016) Primetime Emmy Award for Outstanding Music Composition for a Series (Original Dramatic Score) ^(en) (2016)
Web oficial

Mr. Robot ye una serie de televisión d'Estaos Xuníos creada por Sam Esmail.^[1] Estrenóse'l 24 de xunu de 2015 pola cadena USA Network. El mesmu día la serie anovóse pa una segunda temporada.^[2]

Argumentu

La serie sigue a Elliot (Rami Malek), un mozu hacker que sufre dalgún tipu de trestornu esquizoide, trabaya como inxenieru de seguridá informática y usa les sos habilidaes pa protexer a les persones poles que s'esmolez. Elliot ye reclutau por Mr. Robot (Christian Slater), un misteriosu líder d'un grupu de hackers que quier destruyir a poderosos empresarios de multinacionales que tán remanando'l mundu.

Repartu

Personaxe	Semeya	Actor	Detalle
Elliot Alderson		Rami Malek[3]	Téunicu de seguridá de Allsafe y hacker. Carez esquizofrenia lo que lu lleva a aisllase d'otres persones.[4]
Mr. Robot		Christian Slater[5]	Anarquista que recluta a Elliot nun grupu de hackers llamáu fsociety.
Angela Moss		Portia Doubleday	Amiga de la infancia d'Elliot, que tamién trabaya en Allsafe.
Darlene		Carly Chaikin	Integrante de fsociety.
Tyrell Wellick		Martin Wallström	Directivu de Y Corp, corporación d'algame global, veceru de Allsafe.
Gideon Goddard		Michel Gill	Xefe en Allsafe d'Elliot, Angela y Ollie.
Krista Gordon		Gloria Reuben	Psicóloga d'Elliot.
Shayla		Frankie Shaw	Dealer d'Elliot.
Ollie Parker		Ben Rappaport	Noviu d'Angela, tamién emplegáu de Allsafe

Episodios

Nᵁ	Títulu	Dirixíu por	Escritu por	Data d'emisión	Audiencia (millones)
1	eps1.0_hellofriend.mov[6]	Niels Arden Oplev	Sam Esmail	24 de xunu de 2015[7]	1,75[8]
Elliot Alderson, trabaya en Allsafe, una empresa de seguridá informática. Pela nueche, dedícase a hackear les cuentes de redes sociales y bancaries de los sos amigos y conocíos, amás d'utilizar les sos habilidaes pa escorrer y apurrir a la policía a criminales. Y Corp, un importante veceru d'Allsafe, ye atacáu. Elliot consigue detener l'ataque, y afaya un archivu de log au atopa'l causante, una tal fsociety. Elliot modifica los permisos de la evidencia pa namái poder aportar él. Nel metro, Elliot conoz a Mr. Robot, el líder de fsociety, el grupu hacker responsable del ataque a Y Corp. Mr. Robot entama facer una revolución dixital desaniciando tolos rexistros de delda de Y Corp, y convence a Elliot pa xunise a la causa y acusar al actual CEO de Y Corp como'l causante del ataque, modificando la evidencia, en llugar d'apurrir a fsociety a les autoridaes.
2	eps1.1_ones-and-zer0ye.mpeg[6]	Sam Esmail	Sam Esmail	1 de xunetu de 2015[7]	1,73[9]
Elliott refuga una bien remunerada ufierta de trabayu ufiertada por Tyrell Wellick, el nuevu CEO provisional de Y Corp. Nun videu públicu, fsociety pide la lliberación de Terry Colby, xunto cola disolución d'Evil Corp (Y Corp). Elliot ta volviéndose cada vez más paranoicu, y consume más morfina de lo normal. Atopó información comprometida del subministrador de Shayla Fernando Vera y la so banda, pero dulda si acusalu siendo ésti la so única fonte de suboxone. Pero dempués de que Fernando abusa de Shayla, Elliot entrégalu a les autoridaes. Mr. Robot quier qu'Elliot hackee una planta de gas, pa causar la esplosión d'una tubería, destruyendo asina Steel Mountain, una instalación axacente que contién les copies de seguridá offline de Y Corp, pero Elliot nun quier poner en peligru nenguna vida. Nel so siguiente alcuentru con Mr. Robot, ésti emburria a Elliot por una barandiella a la sablera.
3	eps1.2_d3bug.mkv[6]	Jim McKay	Sam Esmail	8 de xunetu de 2015[7]	1,60[10]
Tyrell da-y una cuelma a un méndigu pa lliberase del estrés. Darréu, tien rellaciones con un home pa consiguir instalar un rootkit nel so teléfonu. Ciscu, un supuestu cantante de rap que consigue hackear a Ollie al traviés del so CD, chantaxéalu col so affair con una tal Stella por que comprometa la seguridá d'AllSafe. Ollie confiesa a Angela la so rellación secreta, y esta quier romper con él, pero apuerta a los pidimientos del hacker, yá que la so información bancaria foi robada del portátil de Ollie, tamién. Elliot ta recuperándose de la so cayida nel hospital. Mr Robot pídi-y perdón, pero Elliot desentiéndese de fsociety, y piensa que yá nun hai nada que-y una a esa sociedá. Fsociety revela correos electrónicos qu'acusen a Colby de despintar fugues d'arramaos tóxicos en 1993, causantes de la leucemia que mató al padre d'Elliot y a la madre de Angela. Elliot camuda d'opinión y vuelve a fsociety. Gideon empieza a abarruntar d'Elliot ya pescuda'l so papel nel ataque a Y Corp.
4	eps1.3_da3m0ns.mp4[6]	Nisha Ganatra	Adam Penn	15 de xunetu de 2015[7]	1.27[11]
En cuenta de facer volar los gasoductos, Elliot entama destruyir les cintes de backup en Steel Mountain hackeando'l sistema de control de clima, pero esto rique accesu físicu, pa lo qu'una parte del grupu viaxa al norte de New York. Ensin morfina nin suboxe, Elliot sufre un ataque d'astinencia, y el grupu tienen qu'esperar a que pasen los síntomes nun hotel. Darlene quédase pa contautar al so ex-noviu Ciscu y entamar un ataque simultaneu fechu por Dark Army a los respaldos en China. Dempués d'una nueche nun club cola vecina d'Elliot, Angela satisfai la demanda de Ciscu ya infesta Allsafe.
5	eps1.4_3xpl0its.wmv[6]	Jim McKay	David Iserson	22 de xunetu de 2015[7]	1.38[12]
Cola ayuda de fsociety, Elliot infíltriase en Steel Mountain. Les coses nun van perbién hasta que por fuercia alcuéntrase con Tyrell, a la fin consigue llantar el preséu pa facer l'ataque. Darlene entérase que Dark Army camudó d'opinión alrodiu d'atacar al empar les copies de resguardu en China, lo que pon tol plan en peligru. Nel camín de vuelta de Steel Mountain Elliot recibe una llamada telefónica de Shayla na que-y cunta que tomó un trabayu de camarera nuna cafetería. Angela corta con Ollie dempués de dici-y qu'infestó Allsafe col CD infestáu, y vase a vivir col so padre. Al llegar al so apartamentu con Darlene, Elliot atopa'l teléfonu de Shayla nel suelu y entérase que foi secuestrada por Fernando.
6	eps1.5_br4ve-trave1er.asf[13]	Deborah Chow	Kyle Bradstreet	29 de xunetu de 2015[7]
Isaac, hermanu de Fernando, y el so amigu DJ dan-y unos minutos a Elliot por que pueda falar nun restorán con Shayla. Fernando avísa-y a Elliot que pa recuperar a Shayla va tener que hackear la cárcel por que les puertes s'abran y pueda escapar. De vuelta nel so departamentu Elliot ye vixiláu por Isaac mientres trabaya pa hackear el sistema de seguridá de la cárcel. Darlene va intentar ayudar a entrar na rede de la prisión.
7	eps1.6_v1ew-s0urce.flv[13]	Sam Esmail	Kate Erickson	5 d'agostu de 2015[7]
L'episodiu trescurre un mes depués de los incidentes na prisión, Elliot terminó de cumplir l'añu de terapia que la xusticia-y ordenare. Krista despídise d'él pero afálalu por que siga diendo. Unos díes dempués de la última sesión torna y confiesa-y que ye un hacker y que tuvo interviniendo les sos cuentes.
8	eps1.7_wh1ter0se.m4v[13]	Christoph Schrewe	Randolph Leon	12 d'agostu de 2015[7]
Allsafe, la empresa de seguridá cibernética na que Elliot trabaya, foi hackeada. Ollie, l'ex noviu de Angela, píde-y a Elliot que lleve unos discos ríxidos infestaos a un llocal onde los van a blanquiar. Al llegar al llugar Elliot dase cuenta de que too forma parte d'un plan que lu lleva a conocer a whiterose.
9	eps1.8_m1rr0r1ng.qt[13]	Tricia Brock	Sam Esmail	19 d'agostu de 2015[7]
Elliot esixe saber por qué Mr. Robot nun-y dixo que taba vivu mientres esos últimos venti años. Mr. Robot promete llevalu a un llugar onde Elliot va poder entendelo too. De regresu na casa de la so infancia, Elliot y Mr. Robot alderiquen del incidente cerca la ventana y Elliot termina emburriándolu per ella.
10	eps1.9_zer0-day.avi[6]	Sam Esmail	Sam Esmail	2 de setiembre de 2015
Elliot despierta nel autu de Tyrell Wellick ensin conocencia de por qué ta ende o qu'asocedió. Al siguir l'episodiu confírmase que la destrucción de datos de Y Corp fecha por fsociety en xunto con Dark Army foi esitosa y pueden vese les repercusiones qu'esta decision toma na sociedá.

El títulu de tolos episodios ta escritu como un archivu de video dixital, cada unu nun formatu de videu distintu.

Desenvolvimientu

En xunetu de 2014 USA Network ordenó un pilotu pa una serie dramática titulada Mr. Robot producida por Sam Esmail.^[14] En setiembre de 2014 confirmóse que Rami Malek tomaría'l papel principal, ente que Carly Chaikin y Portia Doubleday tendríen los papeles de Darlene y Angela respeutivamente.^[15][16] N'ochobre anuncióse que Christian Slater desempeñaría'l rol de Mr. Robot.^[17] N'esi mesmu mes informóse que Martin Wallström xuniríase al repartu.^[18]

N'avientu de 2014 la cadena dio a conocer la orde de diez episodios a estrenase'l 24 de xunu de 2015.^[19]

El 27 de mayu de 2015 lliberóse l'episodiu pilotu en variaos sitios de la web como estratexa de promoción. El presidente de la cadena USA Network dixo al respeutu que la idea de faer esto ye pa romper coles llendes y llegar a nueves audiencies.^[20]

El 26 d'agostu de 2015 USA network, la cadena emisora de la serie, decidió nun emitir el capítulu de final de temporada pol asesinatu de dos periodistes en Virxina, Estaos Xuníos. Según argumentaron dende la cadena "el capítulu filmáu primeramente contenía una escena gráfica asemeyada na so naturaleza a lo asocedío güei nos tráxicos sucesos en Virxina".^[21]

Receición

Mr. Robot recibió crítiques bien positives. El sitiu web Rotten Tomatoes da-y una aprobación del 98% onde s'amiesta que "Mr. Robot ye un ciber-thriller de suspensu con hestories oportunes y una intrigante premisa provocatible".^[22] Na páxina web Metacritic dáse-y una aprobación del 78%, con una calificación del usuariu de 8.9.^[23] Mentanto'l sitiu Forbes dio-y a la serie una bien bona crítica, manifestando que "Mr. Robot tien namás que coses positives al so favor" amás de ser un show televisivu que ta en camín de ser un clásicu modernu.^[24]

Referencies

1. «Hacker Drama 'Mr. Robot' Gets Pilot Order at USA Network» (inglés) (14 de xunetu de 2014). Consultáu'l 28 d'abril de 2015.
2. «USA RENEWS MR. ROBOT FOR SEASON TWO» (inglés). Rotten Tomatoes. Consultáu'l 28 de xunu de 2015.
3. (n'inglés) Hacker Drama ‘Mr. Robot' Picked Up To Series By USA, 19 d'avientu de 2014, http://deadline.com/2014/12/mr-robot-series-picked-up-hacker-drama-usa-1201330592/, consultáu'l 28 d'abril de 2015 
4. Elliot Alderson - Played by Rami Malek, USA Network, http://www.usanetwork.com/mrrobot/cast/elliot-alderson, consultáu'l 4 de xunetu de 2015 
5. Mr. Robot - Played by Christian Slater, USA Network, http://www.usanetwork.com/mrrobot/cast/mr-robot, consultáu'l 4 de xunetu de 2015 
6. «Mr. Robot: Season 1 - Rotten Tomatoes». Rotten Tomatoes. Consultáu'l 31 de mayu de 2015.
7. «Shows A-Z - mr robot on usa». Consultáu'l 11 de xunu de 2015.
8. Bibel, Sara (25 de xunu de 2015). «Wednesday Cable Ratings: 'Duck Dynasty' Wins Night, 'Suits', 'The Game', 'Mr. Robot', 'Baby Daddy' & More». TV by the Numbers. Archiváu dende l'orixinal, el 2015-07-02. Consultáu'l 26 de xunu de 2015.
9. Kondolojy, Amanda (2 de xunetu de 2015). «Wednesday Cable Ratings: 'Duck Dynasty' Tops Night + FIFA Women's World Cup, 'Suits', 'The Daily Show' 'Mr. Robot' & More». TV by the Numbers. Archiváu dende l'orixinal, el 2015-09-02. Consultáu'l 2 de xunetu de 2015.
10. Kondolojy, Amanda (9 de xunetu de 2015). «Wednesday Cable Ratings: Shark Week Tops Night + 'Duck Dynasty', 'Suits', 'The Game', & 'Mr Robot'». TV by the Numbers. Archiváu dende l'orixinal, el 2015-08-28. Consultáu'l 10 de xunetu de 2015.
11. Bibel, Sara (16 de xunetu de 2015). «Wednesday Cable Ratings: 'Duck Dynasty' Tops Night + 'Suits', Copa Oru, 'Wahlburgers' 'The Game', 'Stephen Universe' & More». TV by the Numbers. Consultáu'l 16 de xunetu de 2015.
12. Bibel, Sara (23 de xunetu de 2015). «Wednesday Cable Ratings: 'Sharknado 3' & 'Duck Dynasty' Win Night, 'Suits', 'The Game', 'Catfish' & More». TV by the Numbers. Archiváu dende l'orixinal, el 2016-06-10. Consultáu'l 23 de xunetu de 2015.
13. «Mr. Robot: Season 1 - USA Network». USA network. Consultáu'l 31 de mayu de 2015.
14. «USA Network Orders Hacking Drama Pilot ‘Mr. Robot'» (inglés). Deadline. Consultáu'l 28 de xunu de 2015.
15. «Pilot Scoop: 24 Alum Snags Lead Role in USA Network's Mr. Robot» (inglés). TVLine. Archiváu dende l'orixinal, el 2015-12-18. Consultáu'l 28 de xunu de 2015.
16. «Scoop: Suburgatory's Carly Chaikin Joins USA Network's Mr. Robot Pilot» (inglés). TVLine. Consultáu'l 28 de xunu de 2015.
17. «Christian Slater To Star In USA Pilot ‘Mr. Robot'» (inglés). Deadline. Consultáu'l 28 de xunu de 2015.
18. «USA's Hacker Drama 'Mr. Robot' Adds Swedish Actor (Exclusive)» (inglés). The Hollywood Reporter. Consultáu'l 28 de xunu de 2015.
19. «‘Mr. Robot' Hacker Drama Ordered to Series at USA Network» (inglés) (19 d'avientu de 2014). Consultáu'l 28 d'abril de 2015.
20. «Watch the Mr. Robot pilot before its June 24 premiere» (inglés). Entertainment Weekly. Consultáu'l 28 de xunu de 2015.
21. «'Season Finale postponed'» (inglés). Consultáu'l 16 d'agostu de 2015.
22. «MR. ROBOT: SEASON 1» (inglés). Rotten Tomatoes. Consultáu'l 28 de xunu de 2015.
23. «Mr. Robot : Season 1» (inglés). Metacritic. Consultáu'l 28 de xunu de 2015.
24. «'Mr. Robot' Review: The Best Show Of The Summer And On Track To Be A Modern Classic» (inglés). Forbes. Consultáu'l 28 de xunu de 2015.

Enllaces esternos

• Páxina web oficial
• Ficha de Mr. Robot na Internet Movie Database (n'inglés)