Placa de Petri

Placa de Petri
Equipamientu de llaboratoriu y vidriería de laboratorio (es) Traducir
Cambiar los datos en Wikidata

Una Placa Petri ye una placa cristal o plásticu tresparente poco fondera y cilíndrica que los biólogos usen pa cultivar célules. Tien el nome del bacteriólogu alemán Julius Richard Petri (1852–1921), quien la inventó en 1887 dimientres trabayaba col so ayudante Robert Koch. Les plaques de Petri de cristal puen ser reutilizaes tres una esterilización (por exemplu, secando por calor con aire caliente a unos 160°C dimientres una hora); d'otra miente, les plaques de plásticu tienen de ser tiraes tres usales.

Pa microbioloxía les plaques d'agar son usaes davezu. El discu ye rellenao parcialmente a lo llargo con agar llíquidu templao con un mecigayu nutrientes particulares, sales y aminoácidos y, opcionalmente, antibióticos. Depués de que solidifique l'agar, la placa ta llista pa ser cultivada con muestres microbianes (anque hai dellos casos nos que los microbios tienen de ser aplicaos col agar caliente).

Otres plaques d'agar puen nun tener por qué llevar agar comu bas; por exemplu, nos cultivos celulares.

Plaques modernes de Petri davezu tienen "aniellos" nes tapes que-yos permiten ser apilaes ensin qu'estropien nin contaminen unes a otres. Delles plaques puen tamién ser incorporaes nun contenedor de plásticu pa crear una "multiplaca", ye dicir, delles plaques unes al llau d'otres xuníes nel mesmu plásticu. Una placa de pocillos ye esencialmente una "multiplaca" altamente modificada.

Al igual que faciendo plaques d'agar, plaques de Petri vacíes podríen emplegase pa observar xerminación de plantes o comportamientu de pequeños organismos, o pa otres práutiques de llaboratoriu de día a día como secao de fluyíos nun fornu o p'almacenaxe de muestres.

Referencies

[editar | editar la fonte]

Enllaces esternos

[editar | editar la fonte]