Pleurotus ostreatus

Pleurotus ostreatus; Carauterístiques micolóxiques
	Himeniu con plegues
	Sombreru non diferenciáu
	Les llámines son separtaes
	Pie: Non aplicable
	La ecoloxía ye saprófita
	Comestibilidá: encamentada
	[editar datos en Wikidata]

Pleurotus ostreatus; oreyona
Clasificación científica
Reinu:	Fungi
Filu:	Basidiomycota
Clas:	Agaricomycetes
Orde:	Agaricales
Familia:	Pleurotaceae
Xéneru:	Pleurotus
Especie:	P. ostreatus; Champ. Xura. Vosg. 1: 112, 1872
Consultes
	[editar datos en Wikidata]

.

Les especies de fungos con nome común en llingua asturiana márquense como ^Nmic. En casu contrariu, conséñase'l nome científicu. La oreyona^[1] (Pleurotus ostreatus) ye un fungu comestible, estrechamente emparentáu cola cogorda de cardiellu^Nmic (Pleurotus eryngii), que se consume llargamente pol so tastu y la facilidá de la so identificación.

Nome

Tanto'l nome común como'l llatín refiérense a la forma d'esta especie de cogorda. El vocablu llatín pleurotus (pie movíu) refierse a la crecedera del estípite (pie) con respeutu al sombreru o pileu, ente que la pallabra llatina ostreatus (ostra) refierse a la forma del sombreru en sí, que s'asemeya al bivalvu del mesmu nome. En chinu estes cogordes denómense píng gū (平菇; lliteralmente "Fungu planu").

Carauterístiques

La oreyona (P. ostreatus) presenta un sombreru de 5 a 20 cm de diámetru, col pie movíu escontra un llau y creciendo davezu xunto a otros exemplares superpuestos. La superficie ye llisa y brillosa; de color buxu o gris escuru, y n'ocasiones buxu pardu o azuláu. El marxe del sombreru camuda cola edá, tando endolcáu nos exemplares nuevos y abiertu nos adultos. Tien les llámines apertaes, delgaes, decurrentes y de color ablancazáu. La carne ye firme, daqué dura nos exemplares adultos, y de sabor y golor prestosu. Crez naturalmente na superficie de toconos y tueros de maderes blandes como'l chopu, la faya o la salguera, ente otros. Abondo común.

Observaciones

Ye habitual el so tracamundiu con otros Pleurotus, como Pleurotus pulmonarius más pequeñu y de color ablancazáu. Pola so calidá de bon comestible ye llargamente cultiváu pa la so comercialización.

Nutrición y gastronomía

La cogorda d'oreyona, como otres cogordes, representa una fonte importante de seleniu. El seleniu ye bien importante pal metabolismu humanu, y demostró ser unu de los micronutrientes que tienen un mayor efeutu antioxidante y de proteición escontra dellos tipos de cáncer. El so altu conteníu en polisacáridos trai una aición beneficiosa sobre'l sistema inmunolóxicu.

Comparte col restu de cogordes comestibles el fechu de contener un tipu de glúcidos que les enzimes humanes nun pueden dixerir, pero que pueden ser lleldaos parcialmente poles bacteries del colon de mou que se porten nel aparatu dixestivu humanu de manera asemeyada a la fibra alimentaria. La fibra y estos glúcidos énchense col agua y regulen el tránsitu intestinal. Les cogordes tamién aumenten la escreción d'acedos biliares y tienen propiedaes antioxidantes y hipocolesterolemiantes.

La cogorda d'oreyona ye un fungu bien apreciáu na gastronomía, pero daqué menos qu'otros Pleurotus, como la cogorda de cardiellu^Nmic (Pleurotus eryngii)

Referencies

↑ URL de la referencia: http://www.sabencia.net/nomenclator.php.

Enllaces esternos

[25371c05886d508f0bd3b89319c1e188ec3c8883-1] URL de la referencia: http://www.sabencia.net/nomenclator.php.

[1]

Pleurotus ostreatus Carauterístiques micolóxiques
Himeniu con plegues
Sombreru non diferenciáu
Les llámines son separtaes
Pie: Non aplicable
La ecoloxía ye saprófita
Comestibilidá: encamentada
[editar datos en Wikidata]