Rigoberta Bandini | |
---|---|
Vida | |
Nacimientu | Barcelona, 30 d'abril de 1990 (34 años) |
Nacionalidá | España |
Llingua materna | catalán |
Familia | |
Pareyes | Esteban Navarro |
Estudios | |
Llingües falaes |
castellanu catalán[1] inglés |
Oficiu | cantante, actriz de voz, dramaturga, actriz de doblaxe, direutora de teatru, compositora de cantares, podcaster |
Participante
| |
Premios | |
Miembru de | The Mamzelles |
Seudónimos | Rigoberta Bandini |
Xéneru artísticu |
indie pop (es) Música lletrónica |
Instrumentu musical | voz |
IMDb | nm4901194 |
rigobertabandini.bandcamp.com… | |
Paula Ribó González, más conocida pol nome artísticu de Rigoberta Bandini, (30 d'abril de 1990, Barcelona) ye una cantante pop, actriz de doblaxe y dramaturga española.[4][5]
Ribó estudió teatru nel Institutu del Teatru de Barcelona.[6] Debutó como actriz de doblaxe en catalán y castellán, poniendo voz a Caillou cuando tenía siete años.[7] En 2001, dobló a Dakota Fanning na película Yo soy Sam.[5] Tamién dobló a les actrices Emma Stone, Shailene Woodley o Elle Fanning, ente otres.[5] Dobló a diversos personaxes en llargumetraxes d'animación como Sen to Chihiro, Brave o Frozen.[8][9]
En 2010, fundó con Paula Malia y Bàrbara Mestanza el grupu musical The Mamzelles.[6] Publicaron dos discos, Que se desnude otra, en 2012, y Totem en 2014.[8] En 2012, la banda convirtióse tamién na compañía teatral The Mamzelles Teatre, que'l 2013 protagonizó la popular campaña publicitaria Envàs on vas.[6][10]
En 2019 llanzó la so carrera como cantante en solitariu sol nome Rigoberta Bandini.[11][12] En 2020, el so senciellu In Spain we call it soledad fíxose viral en Spotify, otorgándo-y más de 200 000 escuches mensuales.[13] En 2021 publicó'l so séptimu senciellu en solitariu, Perra, que'l so videoclip foi dirixíu por Irene Moray y Elena Martín.[14][15] Amás, esi mesmu branu'l so cantar Aviam què passa / A ver qué pasa, formó parte d'una popular campaña de publicidá de cerveza.[16]
El 10 d'avientu de 2021 foi anunciada como una de los 14 escoyíos para formar parte de la primer edición del Benidorm Fest col cantar «Ay, mamá», optando a representar a España nel Festival del Cantar d'Eurovisión 2022. Nel festival, Bandini ganó la so respectiva semifinal cola puntuación máxima tantu del públicu como del xuráu profesional, ente que na final llogró'l segundu puestu.
En 2021 foi incluyida na llista de los 100 españoles más creativos de Mediterráneo Digital dientro de la categoría d'arte al pie de la pintora Laura Cano, la poeta Elvira Sastre o la fotógrafa Carlota Guerrero, ente otros nomes.[16]
Títulu | Añu | Posición más alta | Certificaciones | Álbum |
---|---|---|---|---|
SPA [17] | ||||
«Too Many Drugs» | 2020 | — | — | |
«Que Cristo baje» | — | — | ||
«In Spain We Call It Soledad» | — | — | ||
«Perra» | 2021 | — | — | |
«The Fuck Poem» | — | — | ||
«Aviam què passa» | — | — | ||
«Julio Iglesias» | — | — | ||
«Ay, mamá» | 40 | — | ||
"—" señala que'l cantar nun entró nes llistes d'ésitos d'esi país. |