San José (California)

San José
	bandera de San José (es)
Alministración
País	Estaos Xuníos
Estaos	California
Condáu	condáu de Santa Clara
Tipu d'entidá	gran ciudá
Alcalde de San José (es)	Matt Mahan
Nome oficial	San José (en)
Nome llocal	San José (en)
Xeografía
Coordenaes	37°18′15″N 121°52′22″W / 37.3042°N 121.8728°O
	San José San José (los EE.XX.)
Superficie	467.553078 km²
Altitú	25 m
Llenda con	Milpitas (es) , Fremont, Los Gatos (es) , Sunnyvale, Santa Clara, Cupertino, Saratoga (es) , Campbell (es) y Morgan Hill (es)
Demografía
Población	1 013 240 hab. (1r abril 2020)
Porcentaxe	52.33% de condáu de Santa Clara
Densidá	2167,11 hab/km²
Viviendes	324 340 (31 avientu 2020)
Más información
Fundación	29 payares 1777
Prefixu telefónicu	408 y 669
Estaya horaria	Tiempu del Pacíficu ; UTC−08:00 (horariu estándar); UTC−07:00 (horariu de branu)
Llocalidaes hermaniaes	Pune, Dublín, Tainan, San Xosé, Okayama, Veracruz, Ekaterimburgu, Guadalajara y Oeiras
	sanjoseca.gov

San José ye una ciudá del estáu de California, nos Estaos Xuníos. Ye, colos sos 1.030.119 habitantes (U.S. Census Bureau, 2018), la mayor ciudá, neto por estensión que por población, del norte de California. San José, centru económicu, políticu y cultural de Silicon Valley, ye la tercer mayor ciudá de California, tres de Los Angeles y San Diego, y la décima mayor del país. Asitiada nel centru del valle de Santa Clara, na fastera meridional de la badea de San Francisco, tien una estensión de 466.1 km² y el de so, el de Santa Clara, ye'l condáu más ricu de California y ún de los más ricos del país. La ciudá ye centru del área estadística metropolitana de San José-Sunnyvale-Santa Clara, que xuntaba cuasi dos millones d'habitantes en 2018, y ye la mayor del área de la badea de San Francisco y del área estadística combinada de San José-San Francisco-Oakland, qu'abarquen respectivamente 7,7 y 8,7 millones d'habitantes. San José ye una ciudá global, destacada como centru de tecnoloxía de vanguardia: el so allugamientu dientru de la fastera na que tienen desarrollaose bien de les principales empreses de la economía dixital faen que tea'l nomatu de Capital de Silicon Valley. Ye una de les ciudaes más riques del país, y tien, por detrás namái de Zúrich y Oslu, el tercer mayor productu interior brutu per cápita del mundu.

Primero de qu'aportaran los españoles, l'area qu'anguaño ocupa San José yera'l territoriu de los tamien y otres tribus de la familia de los ohlone. San José fundóse, col nome de Pueblo de San José de Guadalupe, el 29 de payares de 1777. Convirtióse en parte de Méxicu tres de la guerra d'independencia mexicana, y paso a manes estauxunidenses, col restu de California, en 1848. En 1850 el territoriu algamó l'estatus d'estáu, y San José foi la so primer capital. Tres de la Segunda Guerra Mundial la ciudá medró enforma en perpocu tiempu, anesionándose nes décades de 1950 y 1960 bien de pueblos de la rodiada. El rápidu crecimientu de les industries electróniques y d'alta tecnoloxía aceleraron la transición de centru agrícola a área metropolitana urbanizada. San José, y el restu de Silicon Valley, son el centru global de les industries d'internet y d'alta tecnoloxía: equí tienen la so sé grandes corporaciones como Cisco Systems, eBay, Adobe Systems, PayPal, Broadcom, Samsung, Acer, Hewlett Packard Enterprise y Western Digital.

Referencies

↑ ^1,0 ^1,1 URL de la referencia: https://www.sanjoseca.gov/DocumentCenter/View/40634#page=21. Direición web d'archivu: https://web.archive.org/web/20170203063924/http://sanjoseca.gov/DocumentCenter/View/40634#page=21. Data d'archivu: 3 febreru 2017.

Enllaces esternos

Sitiu web oficial (n'inglés)

San José (California) n'OpenStreetMap.

[850bc922db075a0481c0932ba0bbe015da7a47bd-1] 1,0 ^1,1 URL de la referencia: https://www.sanjoseca.gov/DocumentCenter/View/40634#page=21. Direición web d'archivu: https://web.archive.org/web/20170203063924/http://sanjoseca.gov/DocumentCenter/View/40634#page=21. Data d'archivu: 3 febreru 2017.

[1]